العودة   منتدى الزين > المنتديات العامة > قصائد وخواطر

سعودي كام
شات سعودي كام
سعودي انحراف
سعودي انحراف
شات دقات قلبي
شات صوتي
بنت ابوي
صيف كام

 

 


إضافة رد
 
LinkBack أدوات الموضوع انواع عرض الموضوع
قديم 09-09-2007, 12:57 AM   #21
M!ss Honey
... عضو نشيط ...



الصورة الرمزية M!ss Honey
M!ss Honey غير متصل

بيانات اضافيه [ + ]
 رقم العضوية : 16966
 تاريخ التسجيل :  Jul 2005
 العمر : 27
 أخر زيارة : 24-04-2009 (12:25 PM)
 المشاركات : 75 [ + ]
 التقييم :  10
 SMS ~
استغفر الله العظيم
لوني المفضل : Cadetblue
افتراضي



الجزء الحادي عشر
الفصل الثاني
===================


سمع صوت جنب غرفته..ولمن قرب أكثر من الصوت..عرف وين مصدره
حاول أنه يدخل..بس تردد في النهايه..
هو يدري أنه هذه غرفة مقفوله من زمان وهذا اللي خاف منه ومنعه من دخول
لكن حب الفضول اللي فيه خلاه يدخل وهو مقوي نفسه ..

واول مادخل شاف أخته أبتسام حاطه أيدينها الثنتين على وجهها وتصيح بصوت عالي..
خاف عليها..ووبسرعه جلس جنبها ومسك وجهها بايدها الصغيره الناعمه..
وهمس بأسمها بصوت حزين وباكي..
عزيز\بسومه..شفيك..!!
عزيز\بسومه…لاتصحين..بسومه ترى بصيح معك.. …
شوفيني بسومه..بصيح..

مارديت عليه أبتسام ومازالت على حالها..
وعزيز مايقدر يستحمل وتقطع قلبه على أخته اللي يعتبرها أمه الثانيه..
حاول فيها بكل وسائله البسيطه ..
مسك أيدها وبعدها عن وجهها..ويوم تعب وسمع شهقاتها المتكرره
ضمها بصدره بضعــــف شديــــد وهو يصيح معها…

وكلهم لاحول لهم ولاقوه
.
.
.
.
طلع من النادي بسرعه..
وكان أحساس قوي ينتابه ويشعره بالمراره..
حس بأخته
وبأمه
وابوه
وبأخوه
كلهم بنفس الوقت حس فيهم..
حس أنهم يستنجدونه..يطلبون منه شي غريب..مافهمه..
لكن اللي يبيه اللحين أنه يوصل البيت بسرعه..
وبالفعل وصل ونزل من سيارته وهو يهرول لمدخل البيت..
واول مافتح الباب شاف عكس لللي توقعه..
توقع
يشوف أخته وأبوه.
توقع يشوف امه اللي ماتت واخوه اللي ضايع..
لكن كلها كانت سراب..
وحتى وجود أبوه واخته هاللحظه كانت سراب

طلع للدور الفوقي بصعوبه وهو يتذكر كل شي هاليوم..
صح أنه كان صغير في العمر..
لكن الأحزان محفوره بالقلب وصعب أنها تنسي..
ولام نفسه على الدقايق اللي كان فيها بالملعب ونسى أحتياج اخته وابوه له..

وزي ماتوقع لقى أخته بغرفة أمه والدموع والذكريات الأليمه عنوان يومها

مشى ببطأ لها..لمن جلس على السرير وعيونه تدور على ذكريات أمه الباقيه..
خانته دموعه ونزلت وحس بنفس البروده اللي أختها حست فيها..
وماقدر الا أنه يشبك أيدينه الثنتين بصدره وهو منكس راسه بتشتت وضياع

وسكت هاللحظه احترام لأخته وذكريات أمه اللي تدور بخياله..

ويوم تعب من السكوت والذكريات اللي ذبحته وكلت فؤاده..قرب من أخته واخوه الصغير اللي لازال يصيح عشان الم ابتسام..
الوليد بحنان وضعف\ذكري الله ياأبتسام..
ابتسام بشهقه\ونعم بالله...الوليد..ومسحت دموعها...انا محتاجه أمي هاللحظه..الوليد أبي أمي..وين أمي.!
الوليد أمي راحت وتركتنا..!!ويوسف راح وتركنا..وكلهم راحوا حتى أبوي راح..ابوي مسكين راح وهو مسكين..
حتى أنت..وبصوت عالي بتروح وتتركني..!
الوليد مسح على شعر اخته بحنان وعطف وهو مش قادر يسوي شي ..
ابتسام برجا فضيع\الوليد..الله يخليك قولي أنك خلاص كنسلت البعثه..الله يخليك..لاتتركني...الوليد أنا ماعندي أحد الا أنت..أرجوك..أبوس أيدك لاتروح..الوليد انا خايفه أنك تنسانا وتبتعد .الوليد أخاف ماأشوفك مره ثانيه
الوليد لو اتخيل اني ماأشوفك لحظه..
بموووووت
بموووت يالوليد

ماتدري ابتسام أنها جالسه تذبحه بكلامها
ماتدري أنها جالسه تقطع قلبه بدموعها
ماتدري وش داخل الوليد..والا أيش جروح الوليد..

حتى هو فقد الأم والأخو..
على الأقل هي لقت حنان..واسشعرت فيه..

لكن هو ..مين بيعوضه فقدان أمه..
مين بينسيه جرح أخوه..

كان دلوع أمه..كان حبيبها الغالي اخر العنقود..
كان صاحب أخوه..كان قدوته وخليله.

واللحين ماعنده شي..

لا أم تحبه..ولا أخو يصاحبه..

ابتسام\ليش ساكت..!!تكلم..!!قول شي..قول أي شي..لاتسكتت..قول أنك مش رايح ريحني ..الله يخليك ريحني..الوليد أنا أتعذب..وأنت ماتدري..من أول ماقلتي وانا في عذاب..الوليد انا تعبانه..ريحني بكلمه..بكلمه وحده الله يخليك..ريحني..
ماأستحمل الوليد صوت أخته وهي تترجاه وحس أنها بيطير عقلها وبتجن من كثر ماهي مـتأثره ومصدومه وعشان يريحها قرب منها وضمها لصدره بأقوى ماعنده..
وهي لازالت تصيح في حضنه وتترجاه....
============



يـــــــــــــــــــــــوســــــــــــــــــف

هذه الكلمه الوحيده اللي قالها...وبعدها طلب الأسعاف وراح مع صديق عمره المستشفى بسيارة ألأسعاف....


مايدري وش شفيه..!!
ولايدري وش صار عليه بعد ماطلع من عنده..

كل اللي يعرفه اللحين أنه لو فقد صديق عمره بيموت بعده..وبيفك نفسه من هالدنيا اللي حرمت كل غالي على قلبه


ظل ينتظر بره الغرفه عشان يطمنونه على يوسف ..
وتعب من كثر ماينتظره..
أفكار كثيره طرت على باله..
وكلها خوف على يوسف..
ولمن تخيل أنه بيموت ومش شايفه ثانيه
ولمن تخيل أنه بيموت بغربته..
ولمن تخيل أنه بيموت وحيد بدون اهله
ولمت تخيل انه مش شايف أمه ولا ابوه مره ثانيه..


انحـــرق قلبه حسره وقهر عليه..

وتمتم بداخله أنه مستحيل هالشي يصير
مستحيييل

وبعد نص ساعه طلع له الدكتور ووراه النيرس..
حاول يفهم منهم وش يقولون ..!!
لكنه مافهم لأنه لغته مو مره بــ الأنجليزي لكن اللي عرفه وحسه فيه
أنه يوسف بخير..وبيرجع له.
/
\
/
\
/
دخل على يوسف بسرعه وشافه على السرير وسارح..
قرب مه وحضنه وكله لهفه وشوق على صديق عمره..
لؤي ولازال حاضنه\تدري..تخيلت لحظه
لحظه يايوسف أني مش شايفك ثانيه..
تدري وش صار فيني..!!

أنحرق قلبي عليك..
يوسف بضيق\لاتقول هالكلام مره ثانيه أنا موجود..
لؤي\صعب..صعب تحس بالأحساس اللي حسيت فيه..
يوسف أبعد لؤي عنه شوي وابتسم له\بسم الله عليك..
لؤي\وعليك..يوسف علامك....!!
يوسف بحزن فضيع\مدري شقولك يالؤي..من اول ماطلعت وأنا ماسك قلبي..وبعدها بشوي حسيت أني بدون قلب..صدقيني حسيت أنه قلبي أختفى .تفتت..ماااات يالؤي..
لؤي\واللحين شتحس فيه..!!
يوسف\مدري شقولك..المهم لازم نطلع اللحين..
لؤي\وين تطلع..!!
يوسف\مافيني شي كشف علي الدكتور وماقال شي..بس قال أرتفاع في الظغط وحراره ..يعني مافيني شي..
لؤي\من صجك أنت..!!
يوسف\والله حتى انا مستغرب من حالي..والدكتور مستغرب أكثر..ماعلينا لكن كيف دفعت حق الأسعاف الي طلبته..!!
لؤي\والله أنك فاضي يايوسف..دفعته وخلاص..!!
يوسف\أيه..من وين لك..!!
لؤي\مالك شغل..وأنثبر وفز من مكانك..خرعتني عليك..!!
يوسف\هههههه الا تعال نسيت اللي يبي يشتري اللوح..!!
لؤي \بالطقاق ..مومهم.. هو يعني واقف علينا وتارك شغله..يااخوي هذا مليونير..ومو مهم أحنا عنده
يوسف\ههههههههه..طيب شوي..شوي ..شفيك منفعل,,!!

لؤي بحزن\يوسف ياأخوي..لاتخرعني عليك..صدقني مالي غيرك بهالدنيا..
يوسف\فديت قلبك يالغالي,,خلاص أخر مره..تووووبه..

ناظر لؤي يوسف بحزن فضيع..وماقدر غير أنه يضمه..
يبي يبعد هالأحساس اللي فقده من لحظات ومش قادر..
ويوسف حس فيه وضمه أكثر وهو خايف من هالزمن القدار..
=======================




هديتـــــي..!!؟
ابتسام ولازالت بحضنه\لا ...ماهديت..
الوليد\ومتى بتهدين..!!
ابتسام\اذا شلت فكرة السفر من بالك..!!
الوليد\ابتسام.
ابتسام وابتعدت عنه\وليد..لاتحاول..!!
الولي\طيب انتي سمعيني لو مره..
ابتسام وهي زامه بوزها\نعم..
الوليد\فديت هالبوز المنتفخ والله..
ابتسام\سخييييييييييييييف

نط عليهم عزيز وهو متضايق لأنهم مطنشينه وهو حبه ويعرف شسالفه..!!
عزيز\اللحين ماتقولون لي شفيكم..!!
الوليد وعصب وحرك ايده كأنه بيضربه\وانت شعليك..!!
عزيز وهو يقلد صوته باتقان وحركة ايده\وانت شعليك..!!وانت كله تزفني..!!أدري ادري أنك ماتحبني..!!ياأخي وقلها وفكني..!!
مات ضحك عليه الوليد..اللي يشوف عزيز ويطالع شكله وهيئة جسمه وشعره الناعم الطويل مايصدق أنه يتكلم بهالكلام..لكن اللي يسمع صوته يخترع منه..لأنه صوت خشن وفيه بحه خفيفه وهذا محلي صوته اكثر..

الوليد\أمووت واعرف من وين تجيب هالكلام..عزيزوا...والله تخرع...أخاف اذا كبرت تكفخني..!!
ابتسام\يعني من وين جايب هالكلام..منك طبعا.!!بتخربه وهو صغير..
عزيز\لاتقولين صغير...وقام من السرير وفرز طوله..أنا أطول منكم..!!أنا اخوكم الكبير...!!ولازم تحترموني..!!

أنا اطول منكم.. ..
..أنا اخوكم الكبير..
..ولازم تحترموني..

ثلاث كلمات رنت في بال ابتسام والوليد..
ثلاث كلمات اسكنت الحزن فيهم مره ثانيه
ثلاث كلمات أطعنت قلبهم بسهوله
ثلاث كلمات رجعتهم لورى قبل 11 سنه
.
.
.
.
.
.
.
.
.
.
.
رحتي للبقاله بدون ماتقولين لي..ها..!!اوريك يابسوم بس خلي وليدوا يجي..!!

كان يوسف ماسك اذن ابتسام بخفه..يبي يلومها ومش عارف كيف..
هي مو اول مره تسويها وتطلع للبقاله لوحدها..دايما تاخذ الوليد محرم وتروح مع السواق للبقاله القريبه من حارتهم..

وهالمره يوسف ماتركها بدافع الغيره..ومش عارف كيف يفهمها أنه اللي تسويه غلط وزمان الطلعات راح وولى..

ابتسام ماسكه ايد يوسف اللي ماسك اذنها فيها..وتبي توخرها لأنها تأملت..لكن يوسف حاكم قبضت ايده ومش موخر..

ابتسام\يوسف..ياربي..حرام عليك..وخر.يوسف..والله بعلم أبوي عليك..!!
يوسف\وبعد..طويلة لسان.
ابتسام\وش شفيها يعني اذا رحنا البقاله ...أنا معي الوليد..
يوسف\والكوبه في الوليد..يعني اذا جاك حرامي وليدوا بيدافع عنك يالخبله..
ابتسام\طيب الله يخليك هد اذني عورتني يوسف..شوف..شوف وليد هذا هو جاء..
كان الزليد توه جاي وخايف من أخوه يوسف..ومنزل عيونه للأرض ويوم شاف يوسف هالمنظر وكيف اخوه متمسكن وخايف ماقدر يقاوم الضحك..وضحك..
وكان ابتسام عطوها الضوء الخضر وافرحت بسبب ضحك يوسف اللي بيهدي الوضع شوي..
أما الوليد رفع عيونه أخيرا ..وارتاح شوي..وعرف أنه يوسف مش زعلان عليه..
وعلى طول بدون مقدمات جاء لــ يوسف وحضنه وتاسف..
الوليد\زعلت علي..!!
يوسف بحنيه\أيه..زعلان عليك..
الوليد ويناظر ابتسام بحقد\كل بسبب بسوم هي اللي قالت لي تعال معي,.
يوسف\لكن تقدر تقول لها ماأبي أروح..
ابتسام بتهجم\يكذب عليك حتى هو يبي يروح البقاله عشان يشتري له حلويات..
يوسف\كلكم غلطانين..وهالمره سماح ومره ثانيه أن سوتوها ياويلكم مني..ولاتنسونــــــ..
الوليد+ابتسام\ندري...انا أطولكم..أنا اخوكم الكبير..ولازم تحترموني..


أنا اطول منكم.. ..
..أنا اخوكم الكبير..
..ولازم تحترموني..



أنا اطول منكم.. ..
..أنا اخوكم الكبير..
..ولازم تحترموني..




أنا اطول منكم.. ..
..أنا اخوكم الكبير..
..ولازم تحترموني..


عزيز\يوووووووووووووووووووووووووووووووووووووووه..شف يكم..!!

جاءءصوت عزيز لهم وخلاهم يصحون من الحلم اللي دام دقايق معدودوه..
ابتسام ماسكه اذنها.وكأنها تبي تعيش الموقف وتتذكر أكثر عشان تغمرها الفرحه من جديد
والوليد سرحان..في أي أيش..!!الله يعلم..

عزيز\ياربي..وانتوا ياتسكتون..أو تصيحون..خلاص أنا ماأحبكم..
ابتسام وهي متجاهله كلام عزيز وتناظر الفراغ اللي حولها\شكل الله اليوم كاتب لنا نرجع لذكريات قبل..يارب ياعظيم..!!كم بنعيش..!!
الوليد\آآآه ياأبتسام..وش مصبرنا غير هالذكريات..
ابتسام قربت من اخوها وبدت تحن له وتمثل دور الأم اللي نسته هالفتره بين زحمة أحزانها\وليد..فضفض لي..من زمان ماسمعتك..!!
الوليد\..شتبيني أقولك..!!والا شلون أصلا أحكي لك....خلي هالجروح اللي تفتحت اليوم تبرى..
ابتسام\وليد..ترى جرحك اللي تعاني منه..هو اصلا جرحي..وحزنك اللي تشكيه هو حزني..كلنا نعاني..ولا احد داري عنا..
الوليد شوف عزيز..شفته..
طالعه..
أحس أنه يوسف
الوليد\كيف..!!
ابتسام\خلني أكمل..أحس أنه يوسف ..شخصية يوسف..أسلوب يوسف ..شكل يوسف..أحس أنه نسخه مصغره منه..حتى حركاته..حركات يوسف..شوفه كيف جالس..!!وكان عزيز هالوقت جالس على السرير وممدد رجلينه وماسك خصلات من شعره اللي بدى يطول وشكله سرحان..
أنت ماتلاحظ ان الزمن يعيد نفسه ..صح في نقصان..لكن هذا هو يوسف..!!
الوليد بهمس\طيب اقولك شي..
ابتسام وتقرب أذنها\قول..!!
الوليد بجمود\تهقين أنه موجود..!!
ابتسام باستغراب\منوا..!!
الوليد بعيون منكسره ومتسأله نطق اسمه\يوســـف...!!

===================



كل منك يازفته..لو ماشفت وجهك الصبح كأن ماتأجلت بعثتي..!!
ياسمين تمتمت بداخلها\..
بندر\شفيك ساكته..مين بلع لسانك..!!
زوجة بندر\خلها..خلها ساكته ماأبي أسمع حتى صوتها؟؟
ياسمين\وش تبوني اقول لكم..!!
بندر\يلعنك..لاتقولين شي..وخري عن وجهي من شفتك وانا المصايب تتحذف فيني من كل جهه..وقرب من بقوه وصفعها عشان يبرد حرته وطلع..!!
زوجة بندر\تستاهلين...يابنت الفقر.

مسكت ياسمين خدها ببرود وكأنها متعوده على هالصفعات اللي كل مره لازم تكون مطبوعه على وجهها البريء
نزلت دمعتها ومسحتها بسرعه..وطلعت لغرفة امها عشان تعطيها دواها..

===========================




أول مره يشوفها بهالحال..
جسمها ينتفض..ووجهها صار ازرق..وكانت تصرخ بأعلى صوتها..

ماعرف وش يسوي..!!
الموقف أكبر منه
يحس أنه بكابوس مخيف يبي يطلع منه بس مش قادر..
مخه متلخبط وافكار كثيره في باله..
لحد اللحين مش قادر يستوعب الموقف..
هويعرف شفيها لكنه ماعمره شافها بهالحاله
يبي يسوي أي شي عشان تهدى..
لكنه هو مش فاهم..وهي مش حاسه بروحها
حس أنها بتموت وهي بين ايدينه..وهو جالس يتفرج ومنهار
ماقدر الا أنه يدعي ربه ويطبطب عليها وهو حاضنها بصدره..

وهي لازالت تصرخ وتصرخ وترتجف بجنون..

طاحت عينه على دواها وكأن الله أستجاب لدعاؤه وحققه
طلع أكثر من حبه وبسرعه قرب منها وفك فمها بصعوبه شديده..ودخل أخيرا حبه لفمها..لكنها طلعت هالحبه من كثر ماهي ترتجف وتصرخ وتتحرك..
وبحركه سريعه خذ له ماي وصب في أيده وعلى طول شربها ايها مع الحبه..وسكر فمها بصعوبه..وهي تشد على ايده ومش حاسه بنفسها..
ويوم عرف أنه الحبه دخلت أخيرا..حضنها بكل قوته وهي لازالت تصرخ وهالصرخات كانت ترن في أذن أحمد ..



لمــــن هــــــدت..وارتخت أطرافها وهي بحضنه..
فكر أنها ماتت بحضنه.. وبحكره سريعه رفع وجهها وشافها مغمضه عيونها..وأنهار هاللحظه....حط ايده على قلبها ..وسمع دقاته الثابته..
ويوم حس فيها..رجعت له الحياه من جديد..
يكفي أنها حيه..ماماتت..وهذا كفيل انه يرعش قلبه وروحه..
حضنها بقوه..وهو ولأول مره يبكي على حالها..وهو اللي عينه ماذرفت دمعه بيوم على أحد الا هي

سمــــاح

=====================

بكره بنرجع الرياض..جهزوا أغراضكم اليوم..ولاتنسين...قولي لأمك..
راوين\بس تركي..أمي تبيــــ
تركي بصوت عالي\لاتقعدين تحنين..اللي قلتك عليه سويه..أنا طالع..سلام..

بعد ماطلع تركي راحت راوين تبلغ امها الخبر السيء اللي أحكمه اخوها..وهي تدري أن أمها بتتضايق اذا درت انه بترجع الرياض وهم اسبوعين كاملين ماخذوا...

قلت لأهلك..!!
تركي\أيه قلت لهم..
مبارك\طيب ماتقدر تخليهم هنا وتخلص شغلك وترجع لهم..!!
تركي بعصبيه\هذا اللي ناقص بعد اخليهم لوحدهم في هالبلد الزفت وامشي....وبعدين أنا مش ملزوم اروح وارجع مره ثانيه..عندي أشياء كثيره ولازم أسويها...والا نسيت مشروع جنا..
مبارك\طيب شفيك معصب..!!أيزي ياخي..مايستحمل الموضوع..ومين قالك أني نسيت هالمشروع..بس لوتبي الصدق ..خايف..!!
تركي\من ايش ..!!
مبارك\مدري شقولك...والمشكله أنه كل راس مالنا حطيناه بهالمشروع..ولا.. ويوم حسبت الميزانيه لقيت انه أحنا محتاجين نص المبلغ عشان نسدد الصندوق العقاري ولاتنسى السلفيه اللي ماخذينها من البنك ولحد الأن ماسددنا غير ربعها...!!
تركي بخبث وهو مساك أيد مبارك\مدام أنك معي..شيل فكرة الخوف من بالك..!!
مبارك\وانا شو اللي مصبرني غيرك أنت..
تركي\طيب ليش متعب نفسك ومتعبني وياك..ياأخي هذا اخر يوم لأجازتي..يعني خلني أستمتع على كيفي لاتصدع راسي بأمور الشغل..!!
مبارك\أفا عليك...ولايهمك اليوم عازمك على سهره ولاتحلم فيها..مظبط لك كل شي..وقرب منه..وضحك بخبث..وزي ماقلت اليوم اخر يوم..ولازم نستغله عدل..
تركي بــ همس\تعجبنــــي..
==================

ابتسام\أنت من صجك..!!
الوليد\وفيها هالمسائل مزح...!!..وبعدين تعالي قولي لي..وش اللي خلاكم تتأكدون أنه يوسف مات...يمكن يكون حي..
ابتسام\تدري كم مر على هالحادثه...!11 سنه يالوليد..!!
الوليد بعتاب\واذا..ياما ناس فقدوا عيالهم وهم صغار..والدنيا تدور فيهم ويلقونهم..أبتسام..
وش اللي يخلينا نتأكد أن يوسف مات..يمكن موجود..!!
وبعدين ليه أنتوا مادورتوه مره ثانيه..ليه ماسألتوا أكثر..
ابتسام بضيق\وأنت تتوقع أنه أحنا كتفنا ايدنا وأنتظرنا لمن يجينا يوسف..!!ياالوليد انت ماتدري عن شي كنت صغير..
أبوي طاحت رجوله وهو يدور على يوسف..مابقى مكان الا وراحه..
صار زي المجنون يدوره من مكان لمكان لدرجة انه صرنا مانشوف أبوي بالشهر والشهرين..ولمن نسأل عنه ..يطلع أنه مسافر يدور عليه بالخليج..
واللحين جاي تقول ليه مادورتوه..!!
انت ماتعرف شي..
ماتعرف..!!
وبعدين ماسالت نفسك ليه ابوي بعد وفاة امي الله يرحمها عزل نفسه..!!
ياوليد..أبوي يوم توفت أمي أنقطع أخر أمل عنده برجوع يوسف..وعرف أنه خلاص...
يوسف راح..ومش راجع..
وبعدها جلس فتره طويله فاقد الوعي
تقريبا أكثر من سنتين وهو بالمستشفى وفي غيبوبه ..
أكيد تذكر هالشي..
لكن ..الله رحم بحاله وحالنا وصحى من غيبوبته..
وردت الحياه فينا من جديد..
وبعدها جدتي أصرت على أبوي انه يتزوج عشان يطلع من حالة الوحده اللي عايشها..
وتزوج النسره لطيفه,,,
وحاول أنه يتناسى كل شي..
لكن انت تشوفه..دايم منعزل عن الكل..ويحاول يخفي جروحه اللي أحنا مخفينها..
يالوليد أبوي اكثر واحد عانا بينننا...لكن محد يدري عنه..
ولو تروح له اللحين وتجلس جنبه..بتشوف كيف الحزن يقطر من عيونه..
لكنه حزنه كان بصمت..
وانا خايفه على ابوي كثير..
خايفه أنا نخسره..
أحس أنه كل مره يبتعد عنا أكثر ..وكثير اذا جلست جنبه ماحس أنه موجود معي..
أحس أنه جسد بدون روح..
أحس أنه عقله مو معي..
دايم سرحان والتفكير ذابحه,,,
والمشكله انه لطيفه زوجه بالأسم وماقدرت تحل ولو جزء بسيط من مكان أمي الله يرحمها..
ودايما متمذره..
لكن ساعات أعذرها.
لأنه أبوي مبتعد عنها ومش معطيها حقوقها كامله..وهي مالها ذنب باللي يصير,,
وساعات ودي ذابحها..بسبب تصرفاتها اللي تقهر..
خلها على الله يالوليد..هموم كثيره بالقلب..
المهم ماعلينا لانغير الموضوع..
لحد اللحين مصمم على البعثه..
الوليد بعد ماسمع كلام أخته حس بالأنانيه واحتار كثير..لكن مايدري ليش مصمم على هالسفره
الوليد\انت اللحين خلتيني طايح بين امرين..يعني يكفي أنه ضميري يأنبني..مش هاين علي أروح واتركم..
لكن شقولك ياأبتسام..سفرتي هذه بتغير اشياء كثيره...!!
ابتسام\مثل.!!
الوليد\اولا حلو الواحد يكمل تعليمه بره..وخصوصا اذا حصل على شهاده من بره يعني اذا جاء السعوديه على طول يتوظف بدال مايجلس له شهور عشان يلقى له وظيفه تناسبه..
وثانيا أبي التحق بنادي للكوره واكتسب خبره اكثر..
وثالثا ويمكن اذا قلت لك مش فاهمتني لأني أنا اساسا مش فاهم ليه هالأصرار الشديد..
ابتسام\مافهمت
الوليد\مدري لسه أحس اذا سافرت وبغض النظر عن المكان اللي بروح له..أحس أني برتاح..
ابتسام\كيف يعني..
الوليد\أحساس..أحساس ياابتسام يراودني طول هالفتره اللي مضت..أحس أني بسمع شي عن يوسف..لاتقولين اني مجنون..لكن سبحان الله أحس أنه شي بيصير اذا سافرت..
ابتسام\كيف ..وليد..أنت شتقول..
الوليد\ماأدري ياأبتسام..قلت لك احساس..على الأقل وحتى لو ماعرفت شي عنه..على الأقل بريح نفسي..وبرضي ضميري اللي ذابحني..
ابتسام\وضح اكثر..
الوليد\أنا قصدي بدور على يوسف في كل مكان..وحتى اذا ماعرفت شي عنه ..على الأ قل برتاح نفسيا..لأني سعيت ورى هالشي..فهمتي!!
ابتسام\وليد..
الولي\هلا
ابتسام وهي ترتجف شفايفها\...احس أني بصيح..
ناظر الوليد اخته وشاف عيونها اللي مليناه دموع..
الوليد بحنيه\معقوله ياأبتسام..!!
ابتسام وغمضت عيونها\تدري وش سويت فيني..وخذت نفس وفتحت عيونها..
فكرة أنك بتسعى عشان تلقى يوسف.. طيرت قلبي..
وليد..تدري..لو يوسف رجع..تدري وش بيصير...!!
الوليد وهو متأثرمره\وش بييصير..!!
ابتسام ونزلت دموعها\شقولك..خليني أفرح بهالحظه بطريقتي..وتوه بيتكلم الوليد..الا قاطعته ابتسام...
ابتسام\أرجوك لاتتكلم..خلني أعيش هاللحظه,,ولاتخيب ظني..
الوليد بحزن على حال أخته اللي على طول صدقت أنه يوسف احتمال يرجع\لكن ابتسام مابيك تتفائلين ..قلت لك احساس..
ابتسام\بس وليد..لاتقول شي حتى هالأحساس مستخسره فيني..!!

وليد..
الوليد\نعم..
ابتسام \أنا راضيه عليك...روح.. والله معاك..

================
طلعنا بغموض..ودخلنا بغموض أكثر..

الوليد..معقوله بيكشف حقيقة هالسر اللي دام 11 سنه..!!
وش هالأحساس اللي يخليه متأكد منه..!!
معقوله عنده دليل يأكد كلامه,,,!!

وأحمد..ومرض سماح..وش بيكون موقفه بعد اللي شافه..!!
وكيف بتكون مقابلته مع سماح..!!

وتركي..ومشاريعه..
وياسمين ..وعذابها..
ويوسف..وغربته..

وراوين واهلها ورجعتهم للرياض..!!

أحداث صارت..ومرت وهي غريبه..
وأحداث كثيرع بتصير..وبتمر...وبتظل غريبه.
وصيت قلبي عليك



*_*


 


رد مع اقتباس
قديم 09-09-2007, 01:12 AM   #22
M!ss Honey
... عضو نشيط ...



الصورة الرمزية M!ss Honey
M!ss Honey غير متصل

بيانات اضافيه [ + ]
 رقم العضوية : 16966
 تاريخ التسجيل :  Jul 2005
 العمر : 27
 أخر زيارة : 24-04-2009 (12:25 PM)
 المشاركات : 75 [ + ]
 التقييم :  10
 SMS ~
استغفر الله العظيم
لوني المفضل : Cadetblue
افتراضي



وهذا الجزء هديه لكم لان الجزء اللي قبل صغير


الجزء الثاني عشر
================

بعدما تأكدت أنها نامت طلعت أتمشى على البحر..وهذه الساعه الثانيه اللي تمر بدون فايده..

تعبت من التفكير
وتعبت من الألم اللي جاثم بصدري

ياما مرت علي أمور في أطار شغلي.. شديده..وقاسيه..وكانت تتطلب مني قوه عشان اسيطر على الموقف..

كنت احس بألمهم..
وكنت احس بظلم القدر عليهم..

كنت احاول بطريقتي أخفف عن مصيبتهم..واسهل أمرهم..
على أن الكل كان يسميني (الرجل الصلب)
وهالقب كنت دايم اسمعه من همسات الظباط والعسكرين والدائره كلها..
وكنت اضحك بداخلي..ماكنت اعصب على هاللقب ..بالعكس أفرح اكثر..
لأني قدرت وببساطه اكون مرتبه قويه والكل يحط له ألف حساب قبل مايتجاوز هالمرتبه..

لكن اليوم..وبهالوقت..

صار شي خلاني أعيد حساباتي من جديد..

شي خلاني أذرف دموع حسره..وأنا اللي ماعمري ذرفت دموع..

كنت اذا تضايقت..أتضايق بصمت..ماكان احد يحس وش اللي فيني..
لأن تكون ردة فعلي عكسيه...
أكون دايم أضحك ,اوزع ابتسامات..
أدري أن هذا تناقض ..لكن كل انسان له طريقته في التعامل مع حزنه..

وانا حزني ..يعني أني أدوس على جرحي بابتسامه..

وآآه من عذاب اليوم..وجرح اليوم..
كنت خايف أنها تموت بين ايديني..
ماكنت عارف وش أسوي..
ولا أبي أعرف أكثر..
كنت متجمد ..كنت بدون احساس..
أحساسي ذيك اللحظه ضاع..اختفى..
كنت اشوفوها شخص ثاني..
ولاتلوموني اذا ماعرفتها بلحظه..!!
كنت غريبه عني..
ماكانت سماح اللي أعرفها..
ماكانت سماح اللي قبل أشوي تمسح على راسي عشان أنام جنبها..
ماكانت سماح اللي تغطيني عشان ادفى وماازعجها بسوالفي اللي تعتبرها جريئه..

كانت غييييييييير
صدقوني غير..
وبوقتها..ويوم عرفت أنها سماح صحيح..
ضميتها بكل قوتي وأنا احاول اخفف عليها..
لكن هالحركه اللي سويتها زادتها أكثر..
وبحركه سريعه أعطيتها دواها غصبن عنها..
وارتاحت بعدها..

وارتخت أطرافها بحضني..
وانا ميت ذيك اللحظه لألمها وعذابها..

كانت معركه طوييله..كانت معركة اعصاب بطيئه..
كانت زي الشوكه اللي في البلعوم..

وبعد كذا تركتها بعد ماتأكت أنها نامت..وطلعت ..

كنت احس أني مخنوق أبي أتنفس..
أبي أفرغ اللي بداخلي كله..
لكن النتيجه وحده والألم واحد..

مدام سماح تعاني..أكيد أنا بعاني..


بابا..ثوف..ثوف الساعه كم..!!تأخرت وايد..

مسك عبد الرحمن بنته وشالها معاه لغرفته وهو ماله خلق لهذرتها وحنتها..

ريوف\بــابا..نثلني.نثلني..ماحبك..ماحبك..
عبدالرحمن\طيب أنا احبج~..كيفي..أحبج..وبعدين ليه مانمتي تدرين جم الساعه..!!
ريوف وشوي بتصيح\مافيني نوم..
عبد الرحمن بصوت قوي\لا والله..اللي كبرج اللحين نايمين عشان يصحون الصبح ويروحون مدارسهم..يالكسلانه..!!وغطها على سريره وهو من داخله ميت عليها وعلى عيونها اللي بتطلق العنان لدموعها...
لكن تركها لوحدها عشان تتأدب وماترجع تتنتظره زي كل مره ..
وبدل هدومه..وطلع للحمام...وهي لحد اللحين مش مستوعبه أنه هذا ابوها اللي تركها..

وكلها ثواني زي ماقال أبوها وتجمعت الدموع بعيونها وصااااحت..وهي بنفس الوضعيه حطاه ايدها على ثمها وبدون حركه واللي يهتز بس جسمها الضعيف..

طلع عبد الرحمن من الحمام وهو ناوي ينام ولايعبر بنته..
لكن يوم شاف اللي شافه..ماقدر يتحمل..
وعلى طول مسك بنته وحضنها بأقوى ماعنده..

عبدالرحمن\فديتــــــج..فديتـــج يابنتي ..ياحيببتي..خلاص..عمري لاتبجين..
لكن ريوف مااهتمت في أبوها وظلت تصيح وهي بنفس الوضعيه..وماتحركت ولاشبر..
واللي يضحك بالموضوع انه اذا زعلت ريوف دايم ماتتحرك من مكانها وكأنها صنم ثابت..الا اذا جاء أحد وراضاها ..وبعدين اذا شبعت دلع تتحرك..
لكن هالمره طال جمودها ,ابوها ميت ضحك على حركات دلعها..
بعد عبد الرحمن عنها ومسح دموعها ..ومسك خدودها بقوه..وهو وده يذبحها من الحب اللي يحس بقلبه لها..
عبد الرحمن\أموووووت فيج..والله اموووت فيج..مين مصبرني بهالدنياغيرج..ومين ذابحني بهالدنيا غيرج..ومين ماخذ قلبي بهالدنيا غيرج..ريوف..حياتي أنتي.اموووت فيج..

وبعد ماسمعت ريوف الدلع اللي كله لها..ارتاحت..وقالت كلمه وحده لأبوها وهي معصبه\حمــــار..
تفاجا عبد الرحمن منه وفتح عيونها بقوه لأنها أول مره تقولها له.. ويوم شافت ريوف شكل أبوها المتفأجأ ضحكت عليه مره..وهو على طول نسى الكلمه مع ضحك ريوف اللي يملي عليه دنيته...


وبكذه انتهت الليله على عبدالرحمن وبنته واستسلموا للنوم..


فتحت عيوني بصعوبه..وبعدت شعري المتناثر من وجهي..
صدااع..أحس بصداع..
الم فظيع..
دارت عيوني على ألغرفه كلها..كنت ابي أتذكر ليه أنا نايمه هالوقت..!!
ناظرت الساعه ولقيتها 1 بالليل..

ودار سؤال في بالي..!!
وين احمد..!!
وعلى طول نسيت أدور الأجابة بزحمة الشريط اللي ينعاد قدامي..

غمضت عيوني بقوه..وأنا احاول أنسى كل شي..
أبي أنسى نفسي وأرتاح..

تذكرت كل شي ساعتها..
تذكرت اني جاتني حاله فظيعه..
تذكرت اني ماخذت الدواء واهملت صحتي..

وبكيت
بكيت قهر ومراره..

ياربي ليه انا غير الناس..!!
ليه اللي كنت خايف منه صار..!!
ليه مااصير عاديه..
لامرض يحكمني..ولاهموم تذبحني..!!
ليش..ليش..!!


أستغفر الله..أستغفر الله..

وش بيقول عني أحمد..!!
وش بيكون موقفه بعد ماشافني..!!

أكيد..أكيد انفجع مني..
أكيد اخترع مني..
أكيد خاف مني..!!

هذا اللي كنت خايفه هذا اللي كنت خايفه منه..
ياربي شسوي
ياربي أرحمني برحمتك..

كيف بواجهه اللحين..!!
وش بقوله..!!
كيف بحط عيني بعينه..!!

كله منه..!!كله منه..
كله من هالمرض..ياربي..ياربي لين متى..!!
لين متى بيكون هذا حالي..!!

يأس.ضياع.حزن.عذاب.انهيار.

هذا احساس سماح اللحين..!!
اللي توقعته صار
والله حسبت حسابه بدى
وهذه أول غربه تحسها سماح..!!

أكيد في برد ..أكيد في جفا..!!

قمت الفراش وانا مرتاحه..
ليش..!!
لاتسالوني ليش...!!
أهم شي اني مرتاحه..
وعلى طول طلعت أتروش والبس..وكلها خذت نص ساعه..
بس..

نزلت تحت لوحدي كالعاده..
وبديت افطر وانا فرحانه..
أمي بيت الجيران..وأبوي يداوم.
وغلا وهيثم نايمين في سابع نومه..!!

تذكرت اني لازم أروح بيت جدي اليوم..
أمس دقت علي جدتي وقالت لي جدي يبيك تجينه الظهر وتتغدين عنده..
وأنا فرحت كثير لأني من زمان ماجلست مع جدي ولاسولفت معه..


مريت ليله علي أمس غريبه..عجيبه..
الله العالم..كيف مرت..!!

حسيت أنه قلبي أنقبض..
حسيته بألم وبحزن عميق..

ماعرفت افسر هالأحساس..
ولا بغيت أتعمق أكثر في هالأحساسيس اللي حسيتها امس..

لأنه كانت قويه بالنسبه لي..وماأرتحت الا لمن صليت ودعيت ربي يحفظ كل غالي على قلبي..
وبعدها ارتحت..ونمت بهدوء..


\بروح دورة المياه وبجي..
نور(ام تركي)\اجي معك..!!
راوين بنظره حنونه\لايمه..لاتعبين عمرك..شوي وبجي..
أبتسمت نور لبنتها وهي ماتدري ليش تتعاطف معها..!!
ماتدري ليش تشوف الحزن كله بعيونها..!!
أستبعدت نور الأفكار من راسها ورجع لها الحنين لأهلها اللي تركتهم وهي ماشبعت من شوفتهم..

بعد ماطلعت راوين من دورة المياه شافت كوشك بــ كورنر وشكل الأغراض اللي يبيعها رهيبه لأن الألوان اللي فيه تجذب أي شخص يمر جنبه...

قربت من عنده وهي فرحانه أنها لقت اللي كانت تبيه وبتتشتريه لبنات عمها
كانت حاطه فيبالها انها تشتري لكل وحده ساري مع الأساور الهنديه..
لكن لضيق الوقت ماقدرت تشتري غير الساري ..لأنها كانت حاطه في بالها أنها بتزهق من السوق وبتروحه كل مره لكن كلام اخوها واصراره على رجعة السعوديه مأاعطاها فرصه عشان تكمل باقي أغراضها..

راوين\أيوه..لقيت اللي أبيه..الأحمر لــ فجر وألوردي لغلا..والبرتقالي لــ جمانه..والفستقي لــ أبتسام..صح انه مو نفس اللون لكن تقريبا نفس الدرجات,, لقيتهم..
وانا باخذ الأصفر...يعجبني ألأصفر..!!..
just these ,please
thank you

البايع\
Welcome.mum

عطيته الفلوس مع كم درهم بخشيش له..
وعلى طول سرعت من خطواتي لأنهم اكيد يسألون علي اللحين.وماوعيت الا كل الأساور طاحت في ألأرض وألبعض منها انكسر..
وبحركه سريعه لميتهم وانا ميته خوف ..وانصدمت انه في أحد يلمهم معي..
\
/
\
/
\
/
\حاسبي..ايدك..
راوين\أووه..سوري...ناظرت راوين ايدها وشافت دم متجمع بطرف اصبعها..
وكانت شوي وبتصيح..
ماتدري تصيح عشان الموقف البايخ اللي انحطت فيه
والا علشان ايدها اللي أنجرحت..
الرجال بابتسامه غريبه\سلمتي..وأعطاها نظره اخيره..,ومشى بعدها...

وسرحت راوين بوجهه الرجال اللي شافته..
تحس أنه مو غريب عليها..!
ويوم عصرت مخها اكثر..
عرفته...
واصرخت صرخه مكتومه بقلبها
مبـــــــــــــارك
صديق تركي..
وماوعت الا بصوت امها يناديها
وعلى طول مشت باتجاه أمها وهي خايفه اذا عرف أخوها وش بيسوي لها..
أستنتجت انها بيذبحها...وهذا اقل عقاب ممكن يسويه اخوها لها
----------


لفيت الجهه الثانيه بتعب شديد..وكسل فظيع..
فتحت عيوني عليها,,
على الوجهه السموح...سماح..وابتمست
ويوم تذكرت المها..وعذابها,,أختف مني الأبتسامه
حاولت أقوم من الفراش ماقدرت..
أمس ما نمت الا متأخر..
لأني
بعد 4 ساعات متواصله دخلت للشاليه وكنت متأكد مليون بالميه أنه سماح هالوقت نايمه
وعلى طول تسبحت عشان أنعس وانام..
لكني لانمت..ولاهم يحزنون..
وزاد التعب والأرهاق..
ومن كثر تفكيري بالموضوع...غفيت بصعوبه..
وانا متضايق من عدم وصولي لحل يريح الطرفين..

كنت اعرف قبل بمرضها,,,وكنت اعرف انها مازدات حالتها الابسببها,,
كانت تتعترض تلتزم بمواعيد المستشفى وتهمل صحتها من يوم وهي صغيره
لكني مرات ماألومها...
من يوم وهي صغيره وهي من مستشفى لمستشفى..لمن ياست وجاتها حالة طفش وعدم مبالاه..
وخصوصا لأن حالتها ماتتغير..يعني نفس النتيجه..

لكن لازم أكلمها..هذه صحتها واذا هي مش مهتمه..انا بهتم وبساعدها لمن تستقر حالتها
وبكذه نسوي اللي علينا والباقي على الله سبحانه..

مرت فتره طويله وفجر تنتظرهيثم يصحى عشان يوديها بيت جدها...
وأخيرا صحى..وماعطته مجال أنه يفطر ولاحتى يشرب ماي..
لأنها كانت متأخره وتعرف جدها يحب يتغدى بدري بعدين يرتاح له كم ساعه...
أخيرا وصلت فجر بيت جدها ومانزل هيثم معها وقال لها ساعتين وبيجيها..

الجد\هلا والله..هلا بفجر العالي..وفجر جدها والله..
فجر\هلا بجدي..وحبت راسه..شلونك..عساك مرتاح..!
الجد\ يابنتي..بخير دامك بخير..وينك يافجر ..وينك يابنتي لك فتره مازرتي جدك..!!
فجر باحراج\السموحه يالغالي,,..حقك علي..أدري أني مقصره..!!
الجد\يالله معليه,,هالمره بنفوتها لك ياأبوك..!!
فجر\أدري..أري أن قلبك كبير وماتقدر على زعلي..!!الا وين جدتي..!!
الجد بسخريه المعتاده\يعني وينها بالله عليك..!!في المطبخ تتخانق مع الشغلات..هذه شغلتها كل يوم..
فجربضحكه خجوله\جدي..ها..أشوفك تتطنز على جدتي.,لاتخليني أعلمها...!!
جدي بكبرياء\قولي لها..يعني بتخوفيني..!!
فجر\أنزين..بقول لها.أنا رايحه..!!
وفعلا فجر قامت من عند جدها متجهه للمطبخ..والجد مسوي نفسه مومهتم لكن بقلبه متضايق لأن أكيدحرمته بتكبر السالفه زي كل يوم وبيصدع راسه..

وعشان يفتك من الصدعه راح لغرفته بصعوبه
وتذكر المفاجأ اللي محضرها لــ فجر,,,ولقاها فرصه عشان ينسيهم الموضوع..


\لو تلبس اللي تلبس...بتظل يوسف أجمل واحد عرفته...الله عليك يايوسف..يامعذب قلوب بنات باريس كلهم..صج يوسف... اسم على مسمى..!!

هذا كان أطراء من لؤي لــ يوسف..
لكن اللي يشوف الموقف بيستغرب..ليش لؤي يمدح يوسف..!!
على ان يوسف ماكان لابس غير لبس بسيط..جينزكحلي..وتشيرت أسود أكمامه طويله..
ومن برودة الجو صاير لونه أحمر على أبيض..وخصوصا اطرافه وشفايفه..
هذا غير الأبتسامه اللي محليه شكله أكثر ,اكثر..

ناظر يوسف شكله بحركه سريعه..وأستغرب من كلام صديقه.. لكن ماسرع ماأبعد هالأستغراب من نفسه..
وابتسم ابتسامة شكر لــ لؤي.
لأن لو لؤي مو موجود
الله العالم بحال يوسف ومعاناته..

لؤي\ياويلي عليك يايوسف..حتى ابتسامتك غيير..!!..أمش أمش..ترى بروح أذبح نفسي والسبب انت..!!
يوسف\ههههه لؤي حبيبي..سكر الموضوع ويالله تأخرنا على الرجال..!!
لؤي\أها..واضح أنك تقول أنطم يالؤي...لكن بفوتها لك هالمره..
يوسف بفرحه مايدري وش تفسيرها\غصبن عنك..يالله قدامي..
لؤي وياشر على خشمه\على هالخشم..!!


طلع يوسف مع لؤي واجروا لهم تاكسي ..
لؤي\أنا اللي بدفع هالمره..

يوسف \مو على كيفك..انا اللي بدفع..
لؤي\لا والله..منت دافع..!!
يوسف\أنقلع انا اللي بدفع..
لؤي وفيه الظحكه\ممكن تنطم..انا اكبر منك..يعني أنا اللي بدفع..
يوسف انتفض جسمه من هالكلمه..وحس بقشعريره قويه..
ياما كان هو الكبير..
هو المسؤل..
واللحين..!!
وينه من هذا كله..!!
ترك كل شي..!!
وتغرب..!!
لؤي وقطع حبل أفكاره \السكوت علامة الرضا..يعني أنا اللي فزت....لكن لاتصدق نفسك كثير أنت أكبر مني بكثير..وانا ياحليلي توني صغيرون..!!
مارد عليه يوسف..وابتسم له أبتسامه ماله أي معنى...
ومشى التاكسي على شوارع باريس الواسعه..
ودخل حي من أرقى المناطق بمدينة باريس..
الشجر الأخضر..والورود الزنبقيه البيضا..
والجو المغيم..
والا الشلالات اللي محاوطه الزرع..
كانت المنطقه روعـــه..
سبحان من خلقها..وصورها...
لكن مين اللي يتأمل خلق الله..ومين اللي يتعظ..
الأفواه مفتوحه..والعقل فارغ..

وأخيرا وصلوا..
ونزلوا من التاكسي..وهم لسه مش مصدقين اللي يصير لهم..
فتح الحارس البوابه لهم..
ودخلوا على الحديقه اللي تبعد أمتار عن البوابه الداخليه
وعشان تسهل المهمه..
جات لهم سياره من بعيد مفتوحه من جميع الجهات..وشكلها غريب وعشان تتصورن أكثر..تشبه السيارات اللي تنقلك من المطار لبوابة الطياره....
وركبوا فيها وهو لحد مش مستوعبين اللي يصير لهم..
لكن كانت هناك عيون تراغبهم..وتتفحصهم..من بعيد..
وهالعيون يوم شافت انهم قربوا من البوابه سكرت الستاره بخفه.,.وانتظرت ألأشاره عشان تستعد لهم..

نزل يوسف ولؤي من السياره وأنفتحت لهم البوابه الداخليه..
وهم اللحظه أتسعت عيونهم أكثر..من اللي شافوه..

أشبه من الخيال..واحلى من الأحلام..
قصر ولاكل القصور..
كل شي يدل على فخامته
التطريز الهندي والأحجار الكريمه في كل مكان..
والتحف اللي منتشره في كل مكان كأنها لوحه فنيه رسمها أحلى فنان..
والوان الجدران..ممزوجه باللون البنفسجي الغامق والذهبي الزاهي..
والكراسي كانت بنفس درجات ألوان واغمق شوي وأطرافها كانت مسندله فيها خيوط طويله من ماي الذهب...وكانت مرفوعه وهذا شي زاد من فخامتها..


وكانت في 3 صور قدام الصاله الخارجيه..وهذ شي لفت أنتباه يوسف لأنه هو حريف رسوم..
صورتين لشابين في مقتبل العمر وكانوا ماخذين زاويتين لللجدار وباين ان ملامحهم مو عريبه وتتوسطهم صوره لرجل كبير في السن ومايدري ليش يوسف أنتفض يوم شاف الصوره اللي في وسط..يمكن لأنها ملامح الرجل كانت كلها عظمه ورجوله..وهذا الشي اثر فيه كثير,,وحس أنه ياخذ من ابوه شوي..
ومايدري ليه ارتجف من هالتصور اللي تصوره..
11 سنه..
11 سنه أنحرمت عينه من خيال ابوه..
وهالصوره رجعته لذكرى قديمه..
معصوره بالقلب.

خذي يابنتي..هذه هديه لك...من زمان وانا ِأشتغل فيها..وان شاء الله تعجبك ياأبوك..!!
تفاجأت فجر من الهديه..وعلى الكثر الفرح اللي فرحته لكن أعتصر قلبها من الألم والحسره..
كانت الهديه عباره عن قرشة زجاجيه عطريه مخلوطه بريحة المسك والياسمين وشوي من العنبر

كانت ريحته فظيعه وهاديه جدا..
وغير كذا مكتوب بقلب القرشه أسمها..
فجـــر..
الجد\هذه اخر أصدار لنا في المصنع..وبكره بتنزل في السوق..وانتي اول وحده تاخذينها..وش رايك بهالمفاجأه الحلوه..
فجر وتتصنع الأبتسامه\مشكور يالغالي..هذه احلى هديه..
الجده\تستاهلين يابنتي..ولو أني زعلانه أن جدك ماأفتكر فيني ولاحتى فاجأني بس يالله معليش..
الجد وهو متفاجأ\شوف الحرمه شتقول...والله يافجر لو تدخلين غرفتنا وتشوفيه العطور ماتصدقين.والتفت لزوجته..عيب..يامره تكذبين وانتي بهالعمر..
فجر وميته ضحك على جدها وجدتها اللي مسوين نفسهم صغار \جدي..جدتي..والله انكم تفرحون الخاطر بخناقكم..شكلي بجي كل يوم عندكم عشان أستانس..
جدتي \والله يابنتي هذا جدك اللي مسوي نفسه مراهق..ومايدري أنه عجز..
الجد ويفرك ايدينه\لا انتي اليوم ناويه على خناقه صح..
الجده\شفت أنت اللي بديت..
فجر\هههههههههههه خلااااااص..ترى بروح بيتنا..
الجده\أحش رجولك لو رحتي وماضقتي غداي..بروح اشوف هالخبله اللي في المطبخ شصار عليها..!!
الجد بصوت واطي\
الله يعينها عليك
الجده\وش قلت..
الجد\قلت لا اله الا الله..
الجده وبتاكله بعيونها\محمد رسول الله..
وأول ماراحت الجده عنهم..
الجد\الله يعيني عليها..

تغدت فجر مع جدها وجدتها وعلى طول دقت على هيثم يوصلها البيت وهي مرتاحة البال..

كانوا يسمعون خطوات جايه من بعيد ..وكل مره هالصوت يعلى اكثر واكثر..
لمن اتضحت الصوره..
وحظر صاحب اقصر..
بكل هيبه ورجوله وثقه..
مد يده لــ لؤي وصافحه وبعدين مدها لــ يوسف
الرجل بصلابه\يوسف..
يوسف وبنفس الصوت\يوسف..يوسف محمد العالي..
ذكر يوسف اسمه وقرنه باسم عايلته..
مايدري ليه حب يقول أسمه كامل..!!
حس بحنين لصوته اللي ماسمع الا همس منه..
حس أنه يبي يتكلم ويتكلم..ومايسكت عن الكلام..
حس أنه فيه من ريحة اهله وابوه..
يكفي شكله..وحظوره..وهذ كفيل انه يريحه ويرد له الحياه من جديد..
الرجل\تشرفنـــا..
يوسف بنظره راجيه\زادني شرف..
الرجل\تفضلوا..حياكم الله..
يوسف+لؤي\الله يحيك..
لؤي\الطيب عربي..
الرجل\عربي.. وبثقه...وسعودي..
انتفض جسم يوسف للمره الثانيه..وكبر الأمل اللي بداخله..
لكن لسانه عجز عن قول أي كلمه..واكتفى بالصمت..
وقطع كلامهم صوت الخدم وهم يأدون دور الضيافه العربيه اللي مستحيل تنلغي هالعاده من أي بقعه من بقاع الأرض..
وأول ماشاف لؤي هالأكل اللي ماعمره شافه بدى ياكل بدون حيا وكانه هو الوحيد الموجود..
أما يوسف اكتفى انه يشرب عصير عشان يبلل ريقه الجاف..ونظراته ماغابت عن الرجل الغريب اللي جالس قدامه..

صحت سماح من النوم وعلى طول أتروشت بعد هالليله الكئيبه اللي مرت عليها.
وشافت قدامها فستان تركواز ومزموم ولبسته وحطت مكياج على نفس لون الفستان وروج بلون الزهر وطبعا البلاشر اللي مستحيل ماتحطه..وجفت شعرها ألأشقر شوي
وطلعت للصاله..
ومالقت أحمد..
وتضايقت..معقول طلع وتركها زي أمس لوحده..
وتأكدت من شكوكها..وتضايقت اكثر واكثر..
ورمت نفسها على الكنبه اللي قدامها وعيونها مليانه دموع وحاطه ايدها على خدها..

واللي ماتدري عنه سماح أنه أحمد جالس في البلكونه يكلم صديقه اللي معاه في الشغل
وشاف سماح من اول مادخلت الصاله وسم عليها من قلبه..
يحس انها ملاك نازله من السما..
والفستان جناان عليها..
لكن استغرب ليه جالس وشكلها متضايقه..
سكر من صديقه وطلع لها وهو يبتسم..
أحمد \صباح الخير.او مساء الخير..
سماح اخترعت منه..ماحست فيه .متى جاء..!!
وعلى طول مسحت دموعها بطرف اصبعها..
سماح وتناظر ساعتها بخجل لأنها تأخرت بالنوم\مساء النور..
أحمد وجلس جنبها\شفيه الحلو زعلان..!!
سماح\ولاشي..
وعم الهدوء بينهم..
سماح مش عارفه شتقول.
وأحمد مايدري كيف يبدى..
واخيرا نطقت سماح
سماح\أحمد..
أحمد\أمري يالغاليه
سماح\أنا أسفه..ونزلت عيونها
أحمد استغرب\أسفه..ليش..!!
سماح\عشان..أمســـ
ماخلاها تكمل جملتها وحط أيده على فمها\لا..لاتتاسفين...انا اللي ٍأسف..سماح..أعذريني لأني أبتعدت..بس صدقيني غصبن عني..
سماح وانجرحت\غصبن عنك..!!
أحمد\ماتخيليت أني اشوفك بهالحال وظل واقف مكتوف اليدين..تمنين اهون عليك باي طريقه ..لكن ماقدرت..كنت ابي أحميك من الأمك وعذابك..ماقدرت..
ماقدرت غير اضمك ..كنت عاجز ذيك هاللحظه..
سامحيني حبيبتي..
سماح\أحمد..أنت متضايق صح..اكيد أخترعت مني صح..!!
سكت أحمد
سماح\أنا كنت عارفه أنك اخترعت مني....لكن هذا شي مو بأيدي..
أحمد ومسك أيدها\شالكلام اللي تقولينه ياسماح...كيف خطر بالك هالشي..!!
سماح ودمعت عيونها\قول يااحمد..صدقني مراح ازعل عليك..أنا اعرف أني مريضه..لكن شسوي مو بأيدي شي..
أحمد وضمها\حبيبتي لاتصيحين..أنا احبك تعرفين شلون احبك..لاتخلين هالأفكار تلعب فيك وتضاقيك..ومشكلتك لها حل ان شاء الله..
سماح وغمضت عيونها بحضنه\أحمد..بتتركني..؟!
احمد\مستحيل..مستحيل اتركك بعد مالقيتك..مستحيل وأول مانرجع الشرقيه بوديك الدكتور..
سماح أبتعدت عنه\لااا
احمد مااستسلم وضمها ثانيه وحاول يستدرجها\حبيبتي سموحه..قلت لك انا معك..ولاتخافين احنا بنكشف عليك بس..
سماح بعصبيه زايده\لا ياأحمد..ماأبي..ماأبي..أرجوك..
أحمد بحزن\سموحه اهدي اللحين..ويصر خير بعدين
سماح\لا ياأحمد لاتغصبني على شي انا ماأبيه..
احمد وتضايق\خلاص..على راحتك..اهم شي ارتاحي اللحين..

سكت أحمد عن سماح وظلت بحضنه وهو يفكر كيف يخلي سماح ترضى..
وعرف أنه وهي متضايقه مراح يتوصل معها بنتيحه..

الرجل\أسمي سمير عبد الحي..طول عمري قضيته بفرنسا وتزوجت فرنسيه وجبت ولدين توفوا مع زوحتي بحاث سياره..
كانت الكلمات اللي قالها كأنها سم بحلق يوسف..
أسس احلام وانهدمت بدقيقه,,
بنى أوهام وأنمسحت وهي بحلاها
توقع انه يعرفه..
توقع انه يصير له..
توقع انه ابوه..
لكن لايعرفه ولايصير له ولاحتى ابوه.
وانقطع اخر أمل حلو عاشه..
وبدى سمير يعرض لهم قصة حياته وكيف عاشها بحلوها ومرها وكان الحزن بعض الأوقات يعم على الجو ويكون سيد للموقف..
تكلم عن بداية حياته..وكيف تزوج بفرنسا..وكيف بدت دراسته وخذ الدكتوراه بالموسيقى وكيف أسس هالثوره الكبيره من عرق جبينه..
كل شي تكلم عنه..
لكن اللي فجعهم وأثر عليهم بعمق..
أنه ولا مره دخل السعوديه..
ولاتنفس هواها..
يوسف\والله..
سمير\والله..شفت كيف الدنيا..!!..
يوسف بحزن فظيع\الله المستعان..
سمير\ماعلينا مانبي نفتح جروح قديمه..انا معجب برسوماتك يايوسف وعرفت عنك كل شي..
يوسف\كل شي..!!
سمير بثقه\كل شي..
يوسف وصابه الخوف\كيف..!!
سمير واول مره يبتسم\سر المهنه..!!
لؤي وتهجم بأسلوبه المعتاد\واللحين شنوا المطلوب..
سمير وغمز بعينه\تعجبني تدخل في المهم على طول..
لؤي ونفخ ريشه\أحم..أحم
سمير\نبدى بالجد اللحين عشان مانضيع وقت..أنا ابي منك ياوسف كل رسوماتك..وغير كذا أبيك ترسم لي بريشتك صالة الموسيقى.. وأضاف....هذا بعد اذنك طبعا..
يوسف\والله مدر شقولك..لكن أنا المساء فاضي وأبدى أشتغل بالرسومات وابيعها على الناس..
سمير\أعرف شفتك كذا مره..
يوسف\و الرسومات تقربيا امباعت لكن في كذا وحده بوريك أياها وان شاء الله تعجبك..!!
سمير باسلوبه التملكي\يعني أفهم انك موافق..
طال سكوت يوسف وبعده تكلم
يوسف\ ان شاء الله....وقام ببطء..نستأذن اللحين ..ونشوفك متى مابغيت
سمير بابتسامه\بكره حلو..
يوسف وحس بالنشاط\أوكي.من بكره نبدى..ومد ايده وهو يحاول يبعد المشاعر اللي يحس فيها
سمير بنفس الأحساس\حياكم الله..
=====================


أسبوع أنتهى بصعوبه على أفراد قصتنا
كان مغمور حزن وعاطفه ..وذكريات أليمه مالها أول ولا أخر
شفنا فيها القوي القوي.شفنا فيها الصبور المتحمل الشدايد..
وشفنا فيها المتعذب الضايع الزاهد عن هالدنيا الغريبه
وتأملنا لألمهم بصمت وعشنا معهم كل لحظه..

واسبوع ثاني مر زي البرق من تسارع احداثه واهميتها..

. بيت بوتركي رجعوا للسعوديه وقلب الأم مغادر للأض اللي انولدت فيها
..بدت جمانه تقدم اوراقها للجامعه ولحد الآن ماطلعت نتيجة القبول
وضع يوسف لمساته الأولى في تخطيط صالة الموسيقى وبدى يشتغل فيها كل مالقى وقت فاضي عنده
..تركي ومبارك أنفتح لهم باب من ذهب وبدوا في مشروع جنا الضخم
..سماح واحمد رجعوا من جده بسبب دوام ,ارتباطه بالشغل..
.. الوليد اليوم مباراته مع نادي النخبه السعودي والكل يترقب هالمباراه
(النخبه فريق من عندي ابتعاد عن المشاكل ^_^)

=======================




طلعت من بيت جدي زي المجنونه وعلى طول لبيت خالي محمد
اليوم المباراه بين الأتفاق والنخبه
وكلي أمل أنه ولد خالي يفوز...
لاتفكرون لبعيد..!!
ولد خالي واتمنى له الخير..
وكيفي..!!
صح والا لا..!!
صحيح هو مليق ومغرور ومتكبر شويه وماينهضم وتافه وسخيف وقليل ادب..!!
لكن بيظل ولد خالي..
وأنا وولد خالي على الغريب..
لكن نواف هو الحب الأول والأخير..
وأتمنى احصل له بوستر جديد..لكن ياعمري غايب عن الساحه هالفتره
والله يرجعه بالسلامه..
وبين هالهذره اللي براسي
وصلنا بيت خالي محمد..
وعلى طول نسيت أمي وسبقتها ورحت للصاله..
وشفت الكل مجتمع
وطنشتهم وسلمت على راوين اللي جات من السفر اليوم..
جمانه\فديتك..فديتـــــــــــــــــــــك..فديتـــــ ــك..وحشتيني مووووووووووت..
راوين والفرحه بعيونها\وأنا اكثر ياعمري..
جمانه وتاخذ نفس قوي\شخبارك وشمسويه عسى أستانستي..!!وشلون الهند واهل الهند ..؟؟
غلا بصوتها الناعم والرقيق وهي ترمش بعيونها\حسبي الله على بليسك من بنت..تركي راوين وسلمي علينا..ترى حتى احنا غايبين..!!
جمانه وتسوي نفسها انها توها تشوفها\يوووه..ماشفتك يابنت خالي..أعذريني..وسلمت عليها..شالزييين..شالحلاه...منوا ناويه تطيحينه اليوم..!!ها..اعترفي..!!
غلا وتأشر على كل الجالسين باصبعها الطويل\كلكـــــــــــــم..كلكم بطيحكم اليوم وبكيفي..وبمزاجي..عندك مانع..!!
جمانه\لا..
غلا بدلع وهي تعدل كم بلوزتها\حسبت..
جمانه مشت تسلم على البقيه لكن رجعت وضربت غلا بجبتها وهي تقول\روحي مستشفى المانع..!!ومشت بسرعه..والكل ضحك على المسرحيه اللي من زمان ماشافوها..
وغلا أحترقت واحمرت غيظ وقهر وهي ترمش بعيونها المكحله باللون الذهبي والأزرق\هين..أوريك ياجمانه..!!





هذا أنا جالسه معاهم..
ويقولون جالسه معاهم..!!
أوزع أبتسامات باهته..
وبداخلي..
وش أقول لكم عن اللي بداخلي..
شفتوا الجمره..!!
شفتوا كيف اذا ضوت..!!
هذا انا..
أحتضر موت وقهر..
وبداخلي شوق فضيع أني أدوره بحنايا وزوايا بيته..
ودي أدخل غرفته..
ودي أرجع للذكريات القديمه..
ودي أشم عطره..
ودي أشوف صورته..
ودي أجدد ملامحه بذاكرتي
ودي أقطف فل وأخيبها عن عين الكل
ودي أعلق على رسوماته ..واضحك عليها..
ودي اطير مع احلامي الوهميه..
ودي..وودي..وودي..
لكن ولاشي ممكن يتحقق..
وخطرت فكره في بالي..
وحسيت أنها خطيره..وصعب تنفيذها..!!
وعشان أخفف الألم اللي أعيشه..قررت اجازف وأنفذها..
لكن .....كيف..!!






في أستادالأمير محمد بن فهد بدت المباراه بين الأتفاق والنخبه..
وكل شباب العايله حظروا تشجيع للوليد..

وكانت المباراه بدايتها حماسيه
والكل ماشي على نفس الخطه المرسومه..

لكن اللي يضحك بالموضوع..انه ولا واحدمن شباب العايله يحب هالفريقين لكن حبا في الوليد شجعوه وصاروا ضد الفريق المنافس..
ماعدا عزيز اللي صار حب الأتفاق بدمه وقلبه..
لدرجة أنه تقاسيم وجهه ماتشوفونها من كثر الالوان اللي في وجهه..
نصه اخضر..والنص الثاني أحمر..
ومحكم راسه بشال بنفس الألوان..ويهتف بأعلى صوته باسم أخوه الوليد..
طلال ويصرخ بصوته\ياحمـــــــــار..مو كذا...فاول فاول..يلعنك..
هيثم ويمسك راسه \شوف الحمار..شيسوي..من وين جايبينه هذا..الله ياخذك..لالالا..مو عليه..أيه أيه..كمل..كمل..امش.
سلطان\راسي صده حسبي الله عليكم..جلسوا الكل يبي يشوف مو انتوا بس..!!
طلال\أسكت..أسكت..انا متفاعل حيييل..يالله..بسرعـــه؟؟ياربي بتروح الكوره وهو يتفرج..ياغباءه.. ويفرك يده بقوه...شفتوا..راحت عليه ..
وكانت هاللحظه الوليد بيسدد هدف وخصوصا وانا مهاجم في الفريق..
والكل متفاعل وحاط ايه على قلبه يبي الكوره تدخل المرمى..
لكن...
.
.
.
مادخلت..
والكل سب في الوليد لأنه ضيع فرصه حلوه..
والوليد مو اقل ضيقه منهم رمى نفسه على الأرض وهو ميت قهر..
وصفر الحكم..
وبكذا أنتهى الشوط الأول
تعادل سلبي ..صفر صفر..

جمانه وقامت من مكانها ووقفت في نص الصاله\ياغبــــــي..ياغبـــــــي..شفيه اخوك مايشوف مايفهم..!!صج ثور

ابتسام وعصبت\غبيه أنتي يابقره..أخوي أفهم منك..مالت عليك..
الجده\حسبي الله على بليسكم من بنات..قصروا على التلفزيون ازعجتونا..
غلا بدلع\أنا مدري ليه انتوا مهتمين بالكوره..وععععععععععععع حرق اعصاب على الفاضي..خليني أطلع احسن,,بدال ماأجلس مع هالبقره..
هند\طيب ممكن تستكتون نبي نتابع المباراه بهدوء..وأنتي ياجمانه أستحي على وجهك..احد يقول لولد خاله غبي..!!
ابتسام\أيه ياعمتي أدبيها ...وكشت عليها..
جمانه سكتت لأنها تفشلت من الكل اللي كانوا يتابعون المباراه ومن كثر ماهي منفعله ماحست بالكلام اللي قالته...
لكنها أنقهرت بداخلها كان الوليد يقدر يسدد ..لكن الحظ ماحالفه هالمره..
وجلست مكانها وهي معصبه عليه وودها تشوفه وتعطيه كف على وجهه عشان مايضيع فرصه ذهبيه مثل هذه..
وتذكرت كلام غلا انها هي البقره المقصوده..
وصرخت باسمها ولحقتها وغلا تركض خوف منها وشعرها يتطاير وراها
وجمانه ركظت وراها لكن سمعت الشوط الثاني بيبدى ورجعت للصاله مره ثانيه
---------




قرف..قرف..قرف..

أنا الغبي اللي جلست مع الشياب وماطلعت مع الشباب..
لكن الحال واحد,,
الشياب سوالفهم ماصخه
والشباب طالعين للمباراه
ولأني ماأحب المبارايات اظطريت اجلس في بيت عمي
ولولا الفشيله كان قمت من زمان..
لكن جدي هالمخرف لزم علي اجلس معاهم..
وانا اللحين متملل منهم كلهم..
مالت عليهم..
طلعت للحديقه اللي بره الفله
وظليت أتمشى وأنا اتذكر ذكريات قديمه ومزعجه..
وكلها تدور حول شخص أكرهه واتمنى له الموت هاللحظه..
ومن يدري يمكن مات اللحين..
وحتى لو مامات أنا افتكيت منه وانتصرت بالأخير..
وهذا اهم شي عندي..
طاحت عيني على فل مزروع ببزاوية الحديقه
ولان عندي حساسيه من هالورود..مسكت وحده وظغطت عليها بايدي يأقوى ماعندي..قطيتها على الأرض..ومشيت وانا احس بالأنتصار,,
لمن دعمت بجسم صغير..ومسكت فمي بألم وأنا مغمض عيوني قهر
وتوني بصرخ الا مسكت نفسي وأنا احس أنا شي متعلق فيني..
ويوم أستوعبت اللي صاير..
شفت بنت غريبه والمصيبه أنها طايحه علي..وكلنا جالسين بالأرض
وقف مخي من التفكير..وماقدرت استوعب أكثر..
لمن صرخت هي..
غلا وتمسك شعرها\شعري...هد شعري ياغبي..
وانا لحد اللحين ساكت
غلا وهي منحرجه \شعري..
تركي بغباء\شنوا..!!
غلا\شعري..شعري متعلق......فيــــــ........ــــــك...
وتوني أحس اللي تقوله..شعرها الطويل متعلق بزر ثوبي ووعلى طول وبسهوله فكيته وصرخت من الألم
شكلي قطعته لها وانا مدري..
حاولت البنت نها تقوم من الأرض لكنها هالمره طاحت علي مره ثانيه
ومن كثر ماهي مفجوعه وخايفه ومستحيه صاحت..وانا ميت ضحك عليها وعلي..
لمن رحمتها وقمت ومسكتها من كتفها قومتها معي..
وعلى طول ماكذبت خبر وركظت لمن اختفت فجأه..
وكانها حلم غريب..
لكنه حلو..لأنها هي حلوه..
ياترى من هذه..!!
أكيد وحده من بنات عمي شكلها صغيره..!!
وانا شعلي منها ..
كيفها..!!
ورجعت اتذكر الموقف وانا أضحك من قلب عليها
الصراحه لو أنا منها ماأطلع من البيت شهر كامل..
الله يعينها..
=====
انتهى الجزء...

الفكره الخطيره اللي في بال فجر..تتوقعون وش هي..وهل ممكن أنها تتحقق..!!

سماح بتوافق على طلب أحمد..!!

تركي والموقف الغريب اللي مر بينه وبين غلا..!!معقوله بيتأثر وهو قلبه صخر..!!

الوليد بيفوز بالمباراه..!!والا بيخسر وبتنقهر جمانه..!!

كل الأحداث بتعرفونها في الجزء الجاي ان شاء الله


أختكم\وصيت قلبي عليك


*_*


 


رد مع اقتباس
قديم 09-09-2007, 04:45 PM   #23
غـزالـة نـجـد
... عضو مـاسي ...



الصورة الرمزية غـزالـة نـجـد
غـزالـة نـجـد غير متصل

بيانات اضافيه [ + ]
 رقم العضوية : 60930
 تاريخ التسجيل :  Mar 2007
 أخر زيارة : 27-09-2013 (07:41 AM)
 المشاركات : 1,909 [ + ]
 التقييم :  10
 SMS ~
استغفر الله العظيم
لوني المفضل : Cadetblue
افتراضي



يعطيك ألف عافيه

ننتظر التكمله


 


رد مع اقتباس
قديم 11-09-2007, 07:21 AM   #24
M!ss Honey
... عضو نشيط ...



الصورة الرمزية M!ss Honey
M!ss Honey غير متصل

بيانات اضافيه [ + ]
 رقم العضوية : 16966
 تاريخ التسجيل :  Jul 2005
 العمر : 27
 أخر زيارة : 24-04-2009 (12:25 PM)
 المشاركات : 75 [ + ]
 التقييم :  10
 SMS ~
استغفر الله العظيم
لوني المفضل : Cadetblue
افتراضي



اقتباس

المشاركة الأصلية كتبت بواسطة غـزالـة نـجـد

يعطيك ألف عافيه

ننتظر التكمله


[align=center]اهليين قلبووو

من جد تحطيم

الرواايه مرره تهبل

وقصتها مررره رووعه

حراام مافيه الا عضوه وحده بس تتابعها

وبكييفكم

وثاانكس ع المروروز قلبوو

*_*
[/align]


 


رد مع اقتباس
قديم 11-09-2007, 07:24 AM   #25
M!ss Honey
... عضو نشيط ...



الصورة الرمزية M!ss Honey
M!ss Honey غير متصل

بيانات اضافيه [ + ]
 رقم العضوية : 16966
 تاريخ التسجيل :  Jul 2005
 العمر : 27
 أخر زيارة : 24-04-2009 (12:25 PM)
 المشاركات : 75 [ + ]
 التقييم :  10
 SMS ~
استغفر الله العظيم
لوني المفضل : Cadetblue
افتراضي



الجزء الثالث عشر
============



طلعت فوق أسبق الزمن.
مدري أسبقه والا هو اللي يسبقني..
وسرعت من خطواتي
وكاني مجرمه تنتظر عقابها بأي لحظه..
ألتفت يمين ويساري..و محد لاحظ أني طلعت والا انتبهوا اصلا لأن الكل جالس يتفرج على المباراه
وهذا انا اللحين بالطابق الفوقي..وكلها خطوات وأتقرب من غرفته
حسيت الزمن يعيد نفسه..
تذكرت قبل سنين مرت..
كنت كل مره اجي بيته وادخل غرفته..
ومكان احد يدري باللي يصير ..
صح أنه مجازفه خطيره..لكن ماكان يهمني أحد غيره..
واللحين وبهالوقت شفت بابه..باب غرفته..
وأتقربت اكثر وأكثر..
وانا الرجفه مصاحبه كل خليه من خلايا جسمي..
الموقف صعب..
صدقوني الموقف صعب علي..
ياربي ثبتني..
يارب..
حطيت ايدي على مقبض الباب وغمضت عيني وانا قلبي طاير..
أحس أنه طار للغرفه قبل ماأدخلها,,,
وتوني بشيل ايدي عن المقبض..وبحطها مره ثانيه عشان افتحها..
لكن..
وللأسف..
انا الغرفه مقفله..
..
..
دموعي نزلت غيظ وقهر..
ليه كل الأحلام تبخرت..
ليه عيشت نفسي بشي مستحيل
ليه كل ماأتقرب من الحلم يبتعد..
رجعت وأنا أزف روحي لقبري..
لقبر احزاني..
حكايتنا بتظل مستحيله..
وأحلامنا بتظل وهميه..
تسندت على الباب وطحت على الأرض وانا أبكي الم..أبكي وجع..أبكي عذاب..
أبكي هالباب اللي يفصل بيني وبينه..
مصيبه اذا شفتي الحلم قدامك وماتقدر توصل له..
مصيبه اذا مافي شي يهون عليك الالامك..
واكبر جريمــــــه..
أنك تحب وحبك محكوم عليه بالأعدام الأبــــــدي..
\
/
\
/
كم عمري اللحين..!!
28 سنه..
وكم بقى لي شهر عشان أدخل ال 29 ..!!
بقى لي 8 شهور..!
شفتوا كيف العمر يمضي..
شفتوا كيف الزمن دوار..!!
لا..والمشكله..بدون هدف..!!
حسافه على العمر اللي ضاع ياوسف...
حسافــــــــــ..........ـــــــه..
حسافه يايوسف..

وبعد فترة عذاب بالنسبه لي..
مشيت دموعي بصعوبه..والكحل تلخبط مع دموعي..
ورتبت شعري اللي طايح منه خصلات ورفعته..
وقمت من ألأرض..وأستعدلت..
وانا أقوى.واقوى..
قلبي صار صخر..
تعب من تحمل هالصدمات..
وصار ضعيف..ضعيف...ضعيف وتعبان.
ورجعتت للدور التحتي..
وأنا مستعده لهموم جديده..وجرح جديد ينزف..
وأبتسمت..
وظحكت..
وتكلمت..
وساعدت..
وعاونت..
وأديت التمثيليه اليوميه بكل أتقان ومهاره..
ومحد يدري..
ومحد يحس..
ولا احد بيعرف وش ورى هالأبتسامه..؟!!
::::::::::::::
:::::::





توني طالع من عند الدكتور سمير..بعد ماأنهيت جزء بسيط جدا من تخطيط الصاله..
وهالجزء كلفني يومين بــ لياليهم ...لكن ولا كأني سويت شي
والصراحه ماكنت متوقع أنه الصاله بتتطلب مني شغل كثير ..صحيح أنه المساحه صغيره..
لكن التخطيط..والرسم..وبعدها الألوان..والشكل العام بياخذ مني وقت..
الله يعيني..
لكن اللي سهل علي أنه اغلبية السقف منحوت بأشكال غريبه وممزوجه بلون الذهبي وألاخضر..
وهذا الشي ريحني كثير لأني ماعمري رسمت بهالمساحه..
وبحاول أنه تكون الألوان متناسقه ..عشان تطلع احلى..
ركبت سيارة الفلا الخاصه عشان توصلني لشقتي..
ناظرت الساعه وكان الوقت المتأخر..
وأنا أحس بالجوع والعطش..
وكنت ابي اوصل بسرعه عشان اكل شي وانام على طول
ويوم وصلت نزلت بتعب وفتحت باب الشقه ..
وزي ماتوقعت لؤي نايم وأنا المسكين اللي أكرف ليل ونهار
قطيت جاكيتي واغراضي على الكرسي..
رحت للمطبخ على طول وأنا احاول أفصخ الجوتي بصعوبه..
,احس أنه مافيني حيل شوي وبطيح..
ولمن انجزت مهمه فك الجوتي.فتحت الثلاجه وسندت جسمي فيها وأنا متمايل..
طلعت علبة المرتديلا والجبنه والتوست..وعصير البرتقال..
وعلى طول وأنا نص مفتح ونص مغمض سويت لي توست سريع.هذا أكلي الحالي..
لاعت كبدي منه,,
تذكرت أمي..
تذكرت طباخها الحلو..
الله عليك يايمه..كنتي ترغميني على الأكل وكنتي تأكليني بايدك غصب عشان اكل..
لكن اللحين يايمه ولدك يجوع.. ويموت من الجوع..ومايلقى الا القليل عشان يسد جوعه..!!
يالله..هذه الدنيا,..يوم لك..وسنين..عليــــــــــــــــك..!
طلعت من المطبخ..وانا أكل التوست وأشرب العصير..
وتوني بدخل الغرفه لكن ماقاومت..وعكست اتجاهي ورحت لملجأي الوحيد..
رسوماتي..
شلت الغطا على الرسمه اللي أعشقها بجنون وتأملت فيها وكأني أول مره اشوفها وأرسمها..
دققت فيها اكثر..وماخاب ظني يوم سميتها باسمها..!!
كانت الرسمه عباره عن لونين..
تدرجات الأسود اللي تغلب على اللوحه..والأصفر الباهت اللي بلون القمر..
كانت بسيطه لكن فيها األف معني ومعني..
كانت رسمه لــ بنت وباين نص وجهها..لكن الملامح مو معروفه وكأنها صماء..
والنص ثاني مغطى بشعرها الأسود..
وكانت ماخذه تقريبا نص اللوحه من الجهه اليسرى..
وكان قبالها صوره لجبال ثلجيه وبعيده وملونه باللون الأصفر الباهت..
وكانت هي تناظر وتتأمل هالجبال البعيده وتكتشف شي فيهم مو مفهوم..
وكأنها تنتظر شي أشبه بالمستحيل..
كانت روعه بتأملاتها وطولة بالها وخصوصا نظرة عيونها الحزينه والناعسه..

كانت اللوحه بسيطه لكنها تحكي ألف معنى ومعنى..
كانت تحكي قصه غريب..عجيبه.مالها نهايه..
وسميتها باسمها
فجـــــــر..

ومدري ليه طرى علي كلام لؤي هذه اللحظه..
معقوله..معقوله اقدر بهالشيء أرجع السعوديه..
لكن انا مافكرت اني اسوي اللي طلبه لي الدكتور طمعا في فلوسه..
انا ماتهمني فلوسه..
وكل اللي سويته لأني أحب أرسم ..وحتى لوماعطاني مراح ازعل لأني انا سويت هالشي حبا فيه..
ذكرني بذكريات حلوه وقديمه..صج تعذبت ساعتها...لكن الأمل زاد في نفسي أكثر ,اكثر..
وعطاني الثقه بكلامه بدون مايحس..
وكنت لحظتها بقوله سبب غربتي لكني تراجعت..مدري ليه تراجعت..
خفت أنه مايفهمني أو تتغير نظرته لي..
خفت أنه مايصدقني..
لكن مدري ليه أحس أنه يعرف كل شي عني..
لدرجة نه احس يقرى افكاري..
وغير كذا أرتحت له بشكل مو طبيعي..
آآه بس..انا ليه افكر كثير..خليني أبعد نفسي من هالأفكار اخاف اندم على أحلامي الكبيره..
وأرجع محطم ساعتها..
وكل شي مع الأيام بيتبين اكثر..
وبنشوف وش الله كاتبه لي..!!
خليني أروح أنام أحسن..
بكره وراي شغل من الصبح..
ولازم اصحى بدري..
رميت أخر نظره للوحه..وغطيتها يالقماش..
وطلعت للغرفه وعلى طول طحت على السرير بقوه عشان أقهر لؤي وهو الأخ في سابع نومه لدرجة انه ماحس..
وانا مالي خلق ألعوزه اكثر لأن فيني نوووووووووووووم..ونمت على طول باستسلام.






نرجع للمباره ولحد الآن تعادل سلبي صفر صفر...
لكن الفرق اللي بالشوط الثاني أنه زاد الحماس أكثر وكل لاعب يحاول يعرض مهاراته قدام الفريق المنافس له
ولمصيبه أنه الجو حار جدا لأن احنا بعز الصيف والعرق ينقط من جبين اللاعبين ومابقى الا ربع ساعه وتنتهي المباراه ولحد اللحين محد تحرك كلن على أعصابه والكل يبي يسدد وكذا مره حاول فريق النخبه يسدد لكن الكوره ياتطلع فوق المرمى أو أنه حارس الأتفاق يمسكها بكل براعه..لمن جاء شي غير متوقع وصعب بهالوقت..
الوليد وهو يحاول يطلع الكوره من الاعب رقم 2 ضربه ضربه قويه برجله بدون قصد وطاح الاعب و مشى بالكوره..وماوعى الا بصفارة الحكم والكرت ألأصفر بأيده وطبعا هالوقت الضيق مو مناسب لكروت صفراء ..
والمدرب التفاق عصب مووووت وبدى يسب الوليد اللي مش طالع له من زور,,
تجمعوا لاعبين الأتفاق على الحكم وهم يحاولون يعرفون سبب هالكرت الأًصفر..
وولوليد شوي وبيزنطه على أنه هو الغلطان لكن ذيك اللحظه الكل اعصابه وصلت حدها ويبي أي شي عشان يتخانق..<<هذا مشكلة نقع فيها كثير..الحكام اللي مدري من وين لاقطينهم..والعصبيه الزايده عن حدها..
ثامر جاء مسرع وشوي بيشوت الحكم\خير..خير...ليش تعطيه كرت اصفر..
الوليد وحاط ايده على راسه وصرخ بعصبيه\ماسويت شي...يخليني أخذ كرت اصفر..
محمد\موعلى كيفك تعطيه بدون سبب..فاهـــــم
الحكم كان ياباني و مش فاهم شي منهم والكل يسبه من جهه وهو يتحرطم عليهم وحاول يكلمهم باللغه ألأنجليزيه لكن طنشوه وقعدوا يسبونه ..
لمن أعلوا بالمايك الكرت الأصفر للوليد...
وبدوا يلعبون الربع ساعه الأخيره..
والوليد متوعد فيهم كلهم..وبنفس الوقت متضايق لأنه المدرب بيمنعه من المباراه الثانيه مع الأهلي..
حاول ينسى كل شي ويركز باللعب وخصوصا انه مابقى غير القليل وبتنتهي المباراه..
:::::::::::::::::::::::::::::::



نجي عند الحريم..
الحريم ملوا من هالكوره والمعركه اللي صايره بين جمانه والبنات عشان الكوره..
وأظطروا يروحون غرفة الحريم ويسولفون على راحتهم..
ومابقى غير جمانه وابتسام اللي متصنيمن تحت التفزيزن خايفين تفوتهم أي لقطه..وفجر وراوين وريوف جالس على الكنبات ويسولفون..
ابتسام تناظر جمانه اللي شوي وبتتكلم لكن أمنعتها من الكلام\اووووووووووووص..اوووص ولاكلمه..ماأبي اسمع شي..والله ياويلك أن قلتي شي عن اخوي..!!
جمانه اتفاجأت من هالتهجم الغريب وفتحت عيونها على الأخير.. وعشان تبين انه أيزي أسكتت وهي بداخلها ميته ضحك على أبتسام اللي ماترضى على أخوها

وفجأه تذكرت جمانه غلا..وأستغربت وينها..!!
جمانه\أقول بنات وين غلا..ماشفناها..!!
راوين\يمكن تلقينها تصلي بغرفة الحريم.
ابتسام \او يمكن بالحمام تعدل مكياجها..وتشوف جمالها الخلاب..
جمانه\على طاري الجمال الخلاب...كأني سمعت أن سماح رجعت اليوم صحيح..!!
فجر\أيه رجعت اليوم..لكنهم ماقدروا يجون اليوم...عشان يرتاحون
ابتسام\ياحليلهم والله..وقسم يالله أشتقت لسماح وسوالفها..!!
راوين بابتسامه\كلنا اشتقنا لها..
جمانه ولفت وجهها عليهم\طيب لو سمحتم اسكتوا نبي نكمل المباراه..
فجر ورواين طنشوها وكملوا سوالفهم..وفجأه تكلمت ريوف اللي جالسه بحضن فجر وهي معصبه على جمانه..
ريوف\بثثثثث..بث..ثهقتوني..ومسكت راسها..كله... اثعاج..(ازعاج) أثعاج..راسي يعورني..
فجر ماتت ضحك على ريوف اللي حتى هي منزعجه من صوت التلفزيزن وضمتها بقوه\حبيبتي والله..كل هالفوضى بسبب بنت خالتك جمانه..
جمانه وعينها على التلفزيزن\ريوفوا ماني فاضيه لك اللحين..خلي تخلص المباراه وأوريك الأزعاج اللي على اصوله..
ابتسام\وين غلا بس وقسم بالله محد يقدر يسكتت غير غلا..!!
وقامت جمانه وحطت ايدها على على خصرها وهي بتبدى خناقه جديده\لا والله..أيش شايفتني ماأقدر لغلا..خليهابس تجي والله لأوريها مين جمانه..!!
وبهالحظه صرخت ابتسام وقامت وهي تنطنط..وتقول..\أخيييييرا..اخييييرا..جبنا هدف أخييييييييييرا..
وعلى طول جمانه لفت وجهها للتلفزيون وجات لقطة كل الاعبين قاطين نفسهم على الوليد..
يعني شنوا..!!
الوليــــــــــــــد
جاااااااااااااااااب
هــــــــــــــــدف
يـــــــاهـــــــــــــــــــــووووووواااااااااااا
ونست جمانه كل شي وقامت تنطنط مع ابتسام الفرحانه..
وفجر وراوين يضحكون عليهم وريوف تأشر بوجهها وتقول والثكر...مجانين..

ابتسام\ونـــــــــــــأسه..اخوي جاب الهدف..ونااااااااااااااسه..وااااي بروح اقول لهم..ونااااااااااااااسه..
وجرت جمانه معها ..تعالي معي..
جمانه بخبال مدري من وين جايبته\يالله..
:::::::::::::::::::::::






طلال وفرحان ويصرخ عشان الشباب يسمعونه\والله وجبتها ياالوليد..وطيحتهم كلهم..
سلطان وبنفس الصوت\طالع علي ولد اخوي..
هيثم\ماسمعت عيد اللي قلته..!!
سلطان وتفشل\أحم ولاشي..ههههههههه..خلص عاد انطموا خل
هالدقايق تنتهي على خير ..

ومشى اللعب بتوتر فظيع..
الأتفاق يطمحون بهدف ثاني عشان يكسبون المباراه
والنخبه ماقدروا غير يدافعون عن مرماهم..
واللحين يلعبون بالوقت بدل ضايع..
ومابقى غير دقتين وتنتهي المباراه..
وبدت أصوات الجماهير تتعالى وتصفر بصوت عالي لأنه خلاص شوي وبيصفر الحكم وينتهي كل شي..
وبالفعل صفر الحكم معلن أنتهاء المباراه بفوز الأتفاق على النخبه..1_0
ونزلوا الجماهير على الملعب وأزدحم الملعب بسبب الجماهير والمصورين والاعبين...
وعلى طول النخبه طلعوا من الملعب وكل واحد بوجهه علامة الحزن..والكل رفض يطلع للكاميرا لأنهم حاطين في بالهم بيفوزن خصوصا أنهم أكثر من مره سددوا بالمرمى لكن الحظ ماحالفهم هالمره,.
أما الأتفاق مسوين بالملعب هيصه ولعب وأغاني وعرضات من فرحهم..ومابقى لهم غير مباراه ويتقدمون للدور الثاني ..
الوليد طبعا ميت من الوناسه والفرحه باينه بملامحه ووده يشوف المدرب عشان يكسر عينه لكن جاء مذيع من قناة السعوديه ويبي يسوي معاه لقاء صحفي على السريع<<مصدقه نفسي..صايره محلل رياضي^_^
وعلى طول المذيع مسكه وسلم عليه عشان مايروح ويتركه..
المذيع\مبروك كابتن الوليد على الفوز
الوليد\الله يبارك فيك..
المذيع\لمين تهدي الفوز.!!
الوليد\الحقيقه أهدي الفوز للأمير محمد بن فهد حفظه الله ورعاه..وكافة الشعب السعودي وبالأخص جمهور التفاق..وماأنسى أهلي اللي وقفوا معي..!!
المذيع\طيب هل تتوقع الحكم ظلمك في الكرت الأصفر..!!
الوليد وابتسم أخيرا\والله شوف انا ماأنكر اني غلطان لكن كان ردة فعلي طبيعيه وماكنت قاصد الخطأ..لكن حاولت ابين قدراتي وسددت هدف بالدقايق الأخيره..
المذيع\مره ثانيه ابارك لك الفوز..وان شاء الله من تقدم لتقدم أخر..
الوليد \مشكور أخوي يعطيك العافيه...سلام...
وجاء هاللحظه هيثم وسلطان وطلال وعبد العزيز وعلى طول عبد العزيز حضن اخوه بقوه ورفعه الوليد على فوق.
الوليدها شرايك فيني...
عزيز رفع ايده على فوق وطلع عضلاته\بطــــــــــل..اخوي بطل..
هيثم\أوه موكأنك سافطنا..!!والا الشهره نستك عيال عمك
الوليد\أفا والله عيال عمي واسفطكم..وماعاش مين ينساكم..
سلطان\مبروووك يالخبل..
طلال\مبروووووك فشلتنا..ليه خذت كرت أصفر..!!
الولي\يمه منكم كلكم منقهرين مني..مافي الا عزيز اللي فاهمني..
سلطان\هههههه نضحك معك صدقت أنت..المهم بتطلع اللحين للبيت..
الوليد\لا ماأقدر أطلع اللحين أجيكم بالليل ان شاء الله..
طلال\أوكي احنا طالعين ويبي لنا نص ساعه عشان نوصل البيت مع هالزحمه..
الوليد\الله يعينكم..
وهالوقت جاو شلة شباب يسلمون على الوليد ..والوليد ابتلش وترك عيال عمه وسلم على الشباب
وقال لهمانه بيشوفهم بالبيت.. واشروا عليه من بعيد أنهم بيرحون ومشوا ..وعزيز بالمووت رضى يفك اخوه..ومشى غصبن عنه معاهم..
:::::::::::::







مسكت قلبي..
صدقوني مسكته..
خفت أنه يطلع من كثر نبضاته
(وبلهجه باكيه وناعمه)..:
ياربي..شفيني..!؟
صار لي أكثر من نص ساعه بالممر اللي جنب الحمام عشان محد يشوفوني..
احس بحراره..هوخلقه حراره ..احنا بعز الصيف..!!
بس هالمره الحراره زادت..!!
يمكن لأن مافي كوندشن هنا..!!
والله أنك ياغلا تافهه وغبيه..
اللحين انتي تفكرين بالحراره..!!
فكري بالمصيبه اللي طحتي فيها..!!
لا..هذا مش مصيبه هذه كارثه..!!
والله لو يدرون اهلي بيذبحوني وبصير علك في حلق جمانوا..!!
اكيد بتضحك علي لو درت..!!
لكن أنا ماسويت شي..!!
أيه ماسويت شي..كل اللي سويته أني طلعت بره عشان اهرب من جمانه العجوز ودعمت بجدار قدامي..حتى هالجارد مدري من هو..
ولافكرت حتى اعرف من هو..
اول مره اشوفه بحياتي..!!
طيب وش دخله بيت عمي..!!
معقوله يكون حرامي..<<غبيه..معليش عذروها من كثر الفاجعه اللي طاحت فيها
لالالا وش حرامي ياغلا..لو حرامي ماكان لبس ثوب وغتره..وأصلا شكله كشخه..لكن انا اكيد احلى..
لا وبعد عرفتي أنه لابس ثوب وغتره..!!صج أنك بلوه ياغلا..
لاتفهموني غلط يوم طحت وياه بالأرض طاحت غترته معاه..يعني شي طبيعي بشوفها..
طيب ماعلي من هالأشياء التافهه اللحين وش بسوي؟؟
أطلع والا ماأطلع..!!
واذا طلعت أقولهم باللي صار..!!
والا أسكت..!!
لالا مش قايله لهم..وش بيفكني من لسانهم هذيلا..
طيب على الأقل بقول لــ فجر هي الوحيده اللي بتفهمني ..لكن مش اللحين بقول لها اذا رجعنا البيت..
طيب اللحين خليني أرتب شعري..وهالمكياج اللي منعفس..
والله أني فاضيه ..بس شسوي..ماأقدر اطلع كذه..
وعلى طول رتبت شعري وهالمره رفعته..الصراحه تبت عقب هالحادثه المحرجه..
وغمضت عيوني..اووووف ياربي ليه اتذكر اللحين وش صار..
مأأبي أتذكر..احس بفشيله وأحراج..
خلاااص..خلاص ياغلا..أنسي..أنسي وقوي نفسك ,اطلعي لهم..ولا كان شي صار..
مستحييل ماأقدر أنسى ..ياربي..اكيد اللحين وجهي أحمر وأكيد بيستغربون مني..
كرهت وجهي والسبب هاللون الأحمر.. طيب
واذا قالوا لي وين كنتي بقول لهم بالغرفه كنت اصلي..
اذا سالوني وشفيه وجهك أحمر بقول لهم أحتريت بالغرفه
واااااااااااو..عفيه عليك ياغلا ..صرتي اكبر كذابه بالعايله..
يالله خليني أطلع الوقت يمشي وأنا أضيغه بغبائي..
وبالفعل طلعت وأنا سامي بسم الله ..
ومن سوء حظي أني قابلت جمانه وفجر وراوين بوجهي وتغذيت فيها قبل ماتتعشى فيني..
غلا بصوت عالي أول مره يطلع منها ..
\لا تتكلمين ,انقلعي عن وجهي ..أنتي فاهمه.!
جمانه\ليه..خير ان شا ءالله..
غلا وكل حرتي طلعتها فيها لأنها هي سبب الموقف البايخ\بس كذا ..ياأختي ماأحبك..كيفي حره..
جمانه\شوفي انا مزاجي ؤايق..ومالي خلق اعفسد بتفاهتك يالدلوعه..ومشت..
غلا\احسن.وجلست بالكنب جنب فجر وراوين..
فجر بهدوء\شفيك غلا..!!ليه صرختي على جمانه
غلا\بس..كذا ماأطيقها..
راوين بطنازه\شي طبيعي..من متى أنتوا تظحكون مع بعض..!!
غلا\هذا انتي قلتيها..من متى احنا نضحك نع بعض..
راوين\لالالا امزاج اليوم مو مظبوط..ياأختي أفرحي الموته وحده..
فجر بجمود غريب\أي والله..الموته....وحـــده..
راوين\أقول ..اليوم بتنامون في بيت جدي..صح..!!
فجر\والله مدري..اخاف جدتي تطردنا..!!
رواين\لاوالله أنا اللحين جايه من الرياض عشان اتم لوحدي..
غلا وتذكرت أنها لازم تكلم فجر بالموضوع واذا ناموا بيت جدهم صعبه أنها تقول لها فعلى طول قالت بعصبيه
غلا\لا..مش نايمين بيت جدتي..!!
راوين ومتفاجأه\ليه..!!
غلا\ياأختي بس كذا مانبي..!!وتأففت..
راوين وتضايقت مره\مشكوره يابنت عمي..يجي منك أكثر..وقامت وهي متضاقيه من غلا وتعاملها الوقح معاها..وهي أصلا متضايقه من قبل لأنها أول مادخلوا سمعت الحريم يتطنزون على أمها..وأمها المسكينه على نياتها تفكرهم يضحكون معاها..وغير كذا سالفتها ويا مبارك..
باختصار.كل شي هالأيام تجمع ضدها..
::::::::::::::::::






توني مسكره من اختي مريم..وقالت لي أنهم مجتمعين بيت عمي محمد...ووناسه عندهم وبيسهرون االليل كله..
حسدتهم الصراحه..
من زمان عن جمعة البنات ولمتهم..
ودي اشوفهم اشتقت لهم والله..!!
وأستحيت اقول لأحمد يوديني لهم مدام هو عنده شغل... أووووف
واللحين صارت عشر ومارجع...
ياذا الشغل اللي مايخلص..
..والله طفشت..
لبس ولبسته..ومكياج وحطيته..وعشاء وسويته.. والشقه ونظفتها..وهو لساء ماجاء..!!
تذكرت أنا عندي ملابس لازم اكويها يوم جينا من السفر ولأن مالي خلق أبدا وتركتها..
فتحت التلفزيون وظليت اكثر من نص ساعه أفرر بالمحطات ومو ثابته على قناه معينه..
كل اللي فيها ماصخين..ومافي شي صار مهم عشان اتابعه..
حطيت على قناة المجد وكان البرنامج المعروض *سواليف*
احب هالبرنامج بجنون أحس أنه هالنص ساعه اللي تعرض فيه تخلص بسرعه من حلاوة البرنامج..
وأندمجت الصراحه ونسيت الطفش..
وانتهى البرنامج..وأحمد لسه ماجاء..
والله حسافه على اللبس اللي لبسته نظارت تنورتي البرتقايله القصيره..والبدي المدموج بالبرتقالي والذهبي..
أحب دايم البس البرتقالي لأنه شعري يناسب له كثير والمكياج اللي حطيته يبيلي ساعه عشان امسحه..
دخلت غرفتي وأنا مقرره اني أبدل وخذت لي ملابس بيجامه ودخلت اتسبح ..وفتحت الماي عشان يتعبى البانيو..
والا وسمعت صوت فتح باب..طليت من بابا وشفت أحمد يناديني..
وعلى طول سكرت الماي..وطلعت وانا ميته فرحه لكن سويت نفسي معصبه عليه..

حطيت ايدي بخصري وناظرته بنظره ناريه وبديت بالهجوم\بــدري..!!
أحمد وفيه الظحكه وقرب منها\بدري من عمرك ياحياتي..وباسني بخدي برقه.. وهمس بأذني..وحشتينـــــي....
طبعا أنا كل العصبيه اللي مثلتها تبخرت..وحلت بدالها أبتسامه..عرف كيف يذوبني....وسألته باحراج
سماح\ليه تأخرت..!!
احمد مسكها من ايدها وجلسوا على الكنبه\شسوي ياعمري..تركت الشغل اسبوعين وكله تراكم علي...!!المهم أنا ميييييييييييت جوع..ترى باكلك اذا ماحطيتي العشاء اللحين..
سماح وزاد احراجها وماعرفت شو تقول\لا والله..
أحمد\أيه والله...كيفي.....وحلالي..!!والا عندك مشكله..!!
مارديت عليه وقمت عشان ماأتبخر وأذوب قدامه ..وقمت وحشرت له العشاء اللي أصلا مخلص..بس سخنته بالمكيرويف..وحطيته على الطاوله..
وناديته وتعشينا وكان هو صادق في كلامه شكله ماأكل شي من الظهر,,
وظليت اناظره وأنا مش حاسه بنفسي..
كل يوم يزيد حبه بقلبي..وأحس من كثر ماأحبه ماأبيه يبتعد عني أبيه يكون ملكي أنا بس..
ياربي شكثر كنت غبيه يوم كنت ارفضه بسبب مرضي..
ماكنت ادري أنه هو الماي اللي أرتوي منه..
أحبك.
أحبك ياأحمد..
أحمد بابتسامه\خلصتي تأمل..!!والا بقى شي ماشفتيه فيني..!!
فشيييييييييييييييله...
وقسم بالله أني ميته احراج..سكت..
ونزلت عيوني بالأرض.
وشفته يكمل أكله..وبعدها قام..
احمد\..تسلم أيد اللي طبخه..
طبعا مارديت عليه..وهو راح يغسل..
وأنا قمت اشيل الصحون وأحطهم بالمطبخ..وظليت فتره اغسلهم..ويوم خلصت غسيل..أستحيت أطلع له..على أني كنت أبي أجلس جنبه بس أستحيت..لحد اللحين أنحرج منه..واليوم احرجني بما فيه الكفايه..
قررت اسوي شاي..وقهوه..عشان اضيع وقتي..
ويوم خلصت..سميت وطلعت..
وشفته يتفرج على التلفزيون ولابس بيجامه..وشوي وبيسكر عيونه..
ياعمري أكيد تعبان وفيه النوم..
ويوم حس فيني قام وشل الصينيه..وأنا هنا أرتبكت اكثر..وبعدها اشر لي أني أجلس جنبه وجلست..
وسكتنا..
وتوني أتذكر أني ماصبيت شاي له..
أوووه..شفيني اليوم..اللي يشوفني يقول أول مره اجلس معاه..
يمكن لأن تونا اليوم واصلين..وأول مره نجلس لوحدنا بالشقه...يمكن..!!
المهم صبيت له شاهي..,,ابتسم وشكرني..وشكله كذا كان يتطنز علي..!!
وصبيت انا بعد شاهي..وجلسنا نتفرج على التلفزيون والكل ساكت..
لمن جات اغنية حبيب احمد؟.
محمد عبده..
الأماكن..
وعلى طول..ترك احمد الشاي وطول على الأغنيه كلها..وأنا شوي وبذبحه..ماأطيق شي أسمه محمد عبده والأماكن بالذات تجيب لي النوم من كثر ماأسمعها<<ماعندها ذوق..
أوووف..صدع راسي هالعبده..
+++++++++++++

الأماكن اللي مرت أنت فيها عايشه بروحي وأبيها..
بس لكن مالقيتــــــك..!!
جيت قبل العطر يبرد.. قبل حتى يذوب في صمت الكلام وأحتريتــ,,,,,ــك
كنت اظن الريح جابت عطرك يسلم علي
كنت اظن الشوق جابك تجلس بجنبي شوي
كنت اظن وكنت أظن وخاب ظني ومابقى بالعمري شي
واحتريتــــــــــــك..
الأمــــاكـــــــن
الأماكن..كلها مشتاقه لك..مشتاقه لك..
++++++++++++
أحمد بحالميه\تدرين هالأغنيه..كانت تعني لي الكثير..!!!
وسكت أنا..ابيه يتكلم..
احمد\تدرين..قبل مانتزوج..وقبل حتى ماتوافقين..كنت دايم أحطها..كنت احسها مكتوبه لي..كلماتها لي أنا..
كنت أتألم لألم كلماتها..كنت اعيش هالأحساس,,كان احساس صعب..كنت ضايع بدونك ياسماح..وكنت انجرح اذا رفضتيني..لكن كنت اقاوم وأخطبك ثانيه وثالثه ورابعه ..ومايأست ابدا..كنت متمسك فيك..
وكنت احتريك كل يوم..وكل ساعه..وكل ثانيه..ومحد داري عني..!!
لكن اللحين ...الله حقق ومرادي وتزوجت الأنسانه اللي ظليت سنين احبها بصمت..
وصدقيني مستحيل اتخلى عنك ..مستحيل حتى المرض اللي أنتي تعانين منه مراح يأثر فيني..بالعكس..بيزيدني تمسك فيك..لكن اللي أبيه منك توافقين على طلبي..!!
سماح\.....اللي هو..!
احمد\أنا بحجز لك موعد مع الدكتور يفحص عليك..وأتمنى انك توافقين عن طيب نفس..وعرفي أنه كل اللي أسويه عشان اسعدك..ماأبيك تتضايقين من أي شي مدام أني حي ..
ظليت افكر بالطلب اللي عرضه لي أحمد..لكن لني كنت متشوشه ومش قادره استوعب..سكت وبعدها تكلمت بصرامه.
سماح\عطني مهله افكر..
أحمد\خذي راحتك حبيبتي أهم شي تكونين راضيه..و يالله خلينا نروح ننام..فيني نووم وتعبان..اخاف انام عليك اللحين..
سماح\هههههه..مومهم نام وبشيلك لكن اذا ظهري تكسر بقول أنت السبب...
مارد علي واكتفى بابتسامه هاديه..
..وسكر التلفزيون..ومسكني من ايدي ودخلنا غرفتنا..وانا أبتسم له لكن أفكر بالأعترافات اللي قالها لي ..
:::::::::::::::::::::::







قبل نص ساعه وصلنا بيت عمي بعد ماهد حيلنا طرق الدمام..كان زحمه بسبب هالمباراه..وعلى طول حطوا العشاء وطبعا ماسألوا وين الوليد لأنهم يدرون أنه بيتأخر..
وشفت الفرحه بعيون عمي محمدعشان ولده فاز بالمباراه..وفرحت لفرحته أكثر من فرحي للوليد..
عظيم هالرجل..!!صمته عظيم..!!
أحس أنه بداخله كلام كثير..ووده يفرغه..
دايم اذا شفته أتالأم لألمه..أحس أنه متعذب والحزن باين بعيونه..
واليوم شفت فرحه بعيونه..لكن حتى هالفرحه كانت هايده ومالها أي أثر..
غصبن عني دمعت يوم تأملت بعيونه..وعلى طول مستها بأصبعي..وأنسدت نفسي عن الأكل..!!
صعب تشوف أنسان يحس بالظلم وتظل مكتف الأيدين..وأنا أحس بهالشي كل ماشفت عيونه..
كنت عارف..والكل عارف انه التفكير ذبحه بولده يوسف..!!
آآه يايوسف..!!وينك اللحين ميت والا حي..!!
وبين تفكيري بيوسف..دخل علينا عزيز..وهو ميت ضحك..!!
ويوم سأله جدي شفيه..!!قال لنا (هناك البنات ذبحوني..كله يقولون ..وين الوليد..وين الوليد..أوووف زهقوني..!!)
وعاد جدي ماقصر ..قال لعزيز قول لهم(أستحوا على وجهكم شتبون في الولد..)وعلى طول عزيز ماكذب خبر وقال لهم..!!
وعلى طاري البنات.. تذكرت راوين..!! وغصبن عني أبتسمت
ياترى شتسوي اللحين..!!
أرتاحت بسفرتها والا لا..!!
أكيد أرتاحت..!!وأستانست بعد..!!
ياربي كيف اخذ أخبارها..سماحوا..متزوجه..وسميه ياويل اللي يكلمها..!!
اووووف..لو عندي خوات زي الناس كان توسطوا لها عندي..
يالله..الله كريم..وبيجي الفرج ان شاء الله..
وطاحت عيني بــ تركي..شفيه ذا بعد..!!
شيفكر فيه..!!ليكون يحب..!!أيه اللحين اللي يسرح معروف أنه يحب..مافي غير هالجواب..
لكن اقطع أيدي ورجلي بعد..
اذا هالقلب يحب..هو خل يحب أهله أول عشان يحب غيره..! مالت عليه..أتشائم اذا شفته أحس أنه أخبث مخلوقات الله..أستغفر الله العظيم..الله يستر منه..!!
:::::::::::::::::::







بعد ماخذت العفو أني أرجع البيت..وطبعا الشي جاء بعد صبر طويل..
..ركبت السياره على طول..وانا متشقق..
متشقق وناسه..!!مين قدي اليوم..هدف وجبته..وفوز وفزته..
وأهم شي بالموضع أني بقهر المغروره جمانوا..أكيد اللحين مقطعه نفسها من القهر..
ياربي لو حلال علي أشوف هالمغروره كان شفتها اليوم وظحكت عليها,,
بس حسافه..مو حلال..!!
ومن حظي النحس أنه بهالشارع في اشاره محطوطه..وهالأشاره تجلس فيها سنه عشان تفتح لك.. ياربي متى بوصل..أوووف وزحمه بعد..!!
يعني لازم الظغط والسكر يرتفع هاللحظه..سمعت صوت من برى ويوم لفيت لقيت مجموعة شباب.بسوبر يباركون لي من بعيد..ظحكت لهم وسلمت عليهم من بعيد وانا فرحان لهالحلم اللي ظليت سنين طويله اتمناه..و تحقق ومابقى غير القليل... وأشتغلت الأشاره..وطيرااااان لبيتنا..وكلها عشر دقايق ووقفت قدام البيت وأنا اهرن هرنات عشان اللي ينايم يصحى من نومه..ادري باخذ تهزيئه من جدي ..لكن كيفي اليوم فرحان ولازم أعبر عن فرحتي..ناظرت نفسي نظره اخيره بالمرايه ورتبت شعري الطايح بسبب هالحر الطاقي..
ونزلت من السياره..وعلى طول للمجلس وانا اصرخ بصوت عالي ,اظحك..

الوليد\وخروا...وخروا...وخروا..الوليد بشحمه ولحمه جاء...!!
وكأنهم ماصدقوا خبر..وكلهم قاموا يسلمون علي..لكن تركتهم وعلى طول رحت لعمامي اللي جالسين جنب بعض وسلمت عليهم و جدي اللي ضمني وبعدها سلمت على أبوي اللي الفرحه تقطر من عيونه..
محمد \مبروك ياولدي..!!وسكت وهو يدقق النظر فيني...ارتبكت بنظرته وعلى طول مسكت نفسي ورديت عليه
الوليد\الله يبارك فيك يبه...
ماجد\ها ياالوليد..كم بقى عاشن تخلص الدوري..!!
التفت لعمي وقلت له\بقى مباراه وحده..والله يستر منها..
بو أحمد\الله يوفقك ياولدي...
الوليد\آمييييييين..
سلطان وهجم علينا فجأه بكلامه\أقول يالوليد..ياحظك مدام أخواني فرحانين فيك...انا اخوهم واسم انه أخوان..
الوليد \مشكله الغيره..أعترف انك منقهر مني...
سلطان\مالت عليك..حق شنوا أغار..أنا اغار منك يالخبل..
الجد\ سلطانوا ويهد أسكت احسن لك...أنا ماأرضى على الوليد..
سلطان وقام من مكانه\لالالا خلاص أنا مالي قعده هنا..حتى ابوي يالوليد بتاخذه مني. واحمر وجهه من الغيظ...وقال...يقطع بليسك عليك حظ مو بصاحي..!!
والكل ضحك على كلام سلطان..وانا استئذنت منهم لأني أبي أبدل واسلم على جدتي..ومن داخلي رغبه فظيعه اني أشوف جمانوا المقهوره..

ولأني من أهل البيت دخلت وأنا اتحنحن واقول ياحريم أتغطوا ..
:::::::::::::::::::::



ظليت جالسه مع ابتسام..وبداخلي منقهره..لأني شوي وبنروح البيت..
ولو سمحتم بدون احراجات..انا منقهره لأني أبي أِشوفه..
لاتطالعون كذا..
ولد خالي وأبي اشوفه فيها شي..
وقطع افكاري صوت أبتسام.
ابتسام\لحظه..موكأن صوت الوليد..!!
جمانه\تهقين رجع..!!
ابتسام\أكيد..بروح اشوف..
ياحظها بتشوفه..
لكنها شفيها طولت..
مالت عليها وعليها..
وانا شفيني ماصدقت على الله انه يجي..أووووووف..ياهي حاله..
حاولت أسولف مع البنات وأغظ النظر لشخصين..غلا الخبله اللي مدري شفيها..
والوليد اللي أسمع صوته يعلى وهو يظحك ويتكركر مع اخته..
لكن اللي فرحني زود..أنه جدتي درت بوجود الوليد ولأنها تعبانه خانت حيلي قالت لنا تغطوا عشان اسلم على الوليد..
المهم كلنا تغطينا ودخل الأمير..الوليد..
ومن سوء حظي أن جدتي كانت قريبه من المدخل حق الصاله وماقدرت أِشوفه وأمي ماقصرت وقامت له وهي تسلم عليه..وحريم عمي سلموا عليه من بعديد وباركوا له..وحتى بنات خالتي سلموا عليه من بعيد..
ومدري ليه يوم قامت أمي.تذكرت أمه(عمتي أم يوسف)..وكل الغيظ والمشاعر اللي كانت أتجاهه تبخرت وحلت محلها الحزن والأسى..
صعب في هاللحظات الحلوه أنك تفقدين الام حتى لو في بديل..محد يعوظ الولد والبنت عن فرحة الأم..

لكن سمعت شي فجرني وانا مكاني ورجع الغيظ والقهر مره ثانيه وعيوني أمتلت شرارررر..
شفته يكلم ابتسام باذنها ويضحك معاها بصوت عالي ويطالعني بغرور واضح..وتكبر..
معقوله عرفني..لا مستحيل..!!
وليه مستحيل يالخبله..وأنتي ماتغطيتي عنه الا من كم سنه..!!صج خبله..
مالت عليه..الله ياخذه..ولا..ومصدقه نفسي أني أبي ِاشوفه..!من حلاته عشان اشوفه..
وعشان اقهره مثل ماقهرني..قمت من مكاني ورحت اخر الصاله وأتحداه ان شافني اللحين..
ويوم مرت دقيقتين أختفى صوته وعرفت أنه طلع غرفته..
وانا الحبيبه متغطيه عنه ولا احد قالي فتشي لأنه راح..

ومامرت نص ساعه الا كلن راح بيته لأنه تأخر الوقت..
وأنا في بالي أشياء كثيره ابي أعرفها
اولها ..عن غلا..أحس فيها شي ..البنت مو بصاحيه..والله يعيني على غرورها عشان تقولي السالفه..
والشي الثاني والمهم بنظري..ودي أعرف وش قال الوليد لأبتسام وهو يناظرني..
وكل هالأشياء بكره بعرفهم..غصبن عنهم..
أنا جمانه..مو حيا الله..!_*
::::::::::::::::::::










(طويل.).( يهبل)(.يلبس نظارات شفافه ماخذه نص وجهه) ..(وشايف نفسه)...(بس هذه مواصفاته)..!!وصح نسيت شي..(اللي يشوفه يقول عارض أزياء)..!!
هذا أخر كلام قالته لي غلا..وراحت لغرفته عشان تنام..
لكن لمحت..لمحت شي...
وياليتني مالمحته..
لمحت نظرة حالمه منها..
لمحت نظره متشوقه لمعرفة هالأنسان..
:::::::::::
والمصيبه..أنه كل الشكوك والمواصفات تتجه لشخص معين..
شخص أعتبرته غريب وبيظل غريب..
شخص كرهته ..من طفولتي..وبظل أكرهه..
لاتسألوني ليش...!.؟
بس عرفوا من هالشخص؟..!!
تـــــــركـــــــــــــــــــــي..!
كره الطفوله...!!
أمقتك ياتركــــــ]ــ]ـي
:::::::::::::











صحيت من نومي بدري..وتروشت على السريع ولبست جينز وتيشرت ابيض اكمامه طويله مع الجاكيت الأسود المعتاد..ونفس كل مره مافطرت..وهالمعده بتظل فاضيه لحد الليل..الا اذا رحمت نفسي وتغديت..
لكن تركت رساله لــ لؤي وكتبت له اني طالع للدكتور سمير عشان مايحاتيني..لأني اليوم عندنا ويك أند..وهالويك أند بقضيه بشغلي الثاني..
وزي ماتوقعت السياره كانت تنتظرني ..
ومامرت ثلث ساعه الا وأنا واصل..
واستقبلني..هالمره شخص أول مره اشوفه سلمت عليه بالفرنسي..ورد علي السلام بالعربي..
واكتفى بالسلام..وأنا ماحبيت أزيد بالكلام معه.وعلى طول دخلني صالة الموسيقى عشان ابتدي شغلي..
فصخت جاكيتي..وحطيته على جنب..
وبديت اكمل التخطيط اللي ماكملته أمس..وماحسيت بالوقت ابدا..
ولا حسيت باللي اللي دخل علي وأنا مندمج بشغلي..الا لمن نزلت ايدي من الجدار عشان اريحها..
وشفت الدكتور سمير واقف وراي على طول..
سلمت عليه..وسألني عن أخباري..وسكتنا..
ماعندنا حديث ممكن نتطرق له..وهو حس باحراجي..وطلب مني أكمل شغلي..
وجلس بعيد عني..
وارتبكت الصراحه..لأني ماأحب أشتغل وأحد يطالعني..
لكن طنشت..والتهيت بالتخطيط..!!
لكن رمى علي قنبله..ماأتوقعتها ابدا تصدر منه..!؟


الدكتور سمير\ماودك.بمعرض تعرض فيه لوحاتك..!؟؟؟
::::::::::::




كانوا جالسين بالحديقه اللي بالحوش.. الجده..وجمانه وراوين..والعمه هند..ونور..
لأن الجوكان رائع خصوصا انه شوي وبيأذن المغرب...يعني لا حر ولابرد..معتدل..
والقهوه..والشاي..والحلى..والكيك..وكل شي يخطر في بالك..
وماعندهم غير السوالف..والظحك..ياحلوها من جلسه..!!
وكان ودهم يسيتمتعون بهالجو الحلو..لكن جمانه عفست عليهم الجلسه..
على قولتها تبي..تطلع..تبي تسافر..العطله بتخلص..وهي ماأستنشقت جو بره..تبي تتنفس.!؟
لكن لامجيب..
الجده تضربها بالعصا من جهه..
وامها تهزأها على طوالة لسانها من جهه ثانيه..
هند\يابنت استحي على وجهكك..انتي نسيتي أنه ماردوا عليكالجامعه..كيف تبين تسافرين..!!
جمانه بخشونه وصت رجالي\يمه..مالي شغل..أبي أأطلع..والله مليت..يعلها ولا دارسه..يعلهم ان شاء الله مايقبلوني..لكن أبي أطلع..شوفواو لكم حل..
راوين بنعومه وهي تاكل قطعة الكيك\ههههههههههه اللي يشوفك يقول انك جالسه في راس تنوره..احمدي ربك متى مابغيتي تجين الخبر جيتي..!!
جمانه وهجمت عليها\شب ..شب..ولا لمه يارواين..أشعليك.الهند وصيفتي فيها..وبعدها جيتي للشرقيه..يعني مالك عذر أنك تزهقين ..!!وبعدين عيب انك تاكلين وتتكلمين..يالخبله..!!
راوين وميته على بنت عمتها وبغت تغص بالأكل\فديت اللي منقهرين ومحترين والله..حبيبتي جمانه..لاينط لك عرق ..
جمانه والتفت على أمها وبدت تتمصلح وتتدلع\يمه..شوفي بنت أخوك تتطنز علي..!!
هند\ليتك بس تصيرين مثل راوين..عقل وادب..
جمانه وصرخت زي الصغار\يعني أنا مجنونه..ماعندي عقل..!!يعني أنا خبله..مااستحي..!!ولفت على راوين وكشت بوجهها..ماااااالت عليك,.!!
نور\حرام عليكم أنا ماأرضى على جمانه
جمانه وفرحت اخيرا أن احد عبرها\حبيبتي..عمري مرت عمي..فديتك..انتي اللي فاهمتني والله..خذي بوسها طايره على الهواء..ورمت لها بوسه..
والكل ضحك. على تصرفات جمانه الطفوليه..
الجده ومنقهره من صغر عقل جمانه \والله ياجمانه مايبيلك الا الرجل(الزوج)عشان يخليك مره..!!
جمانه\أيه أيه..أتحدتوا علي كلكم..أًصلا أنتوا هذا اللي تبونه..!!
هند\ياربي هالبنت بتجنني..كيف أخليها تعقل..!!
الجده\قلت لك ياهند العرس بيعقلها..متى بس يخلص ولد خالك عشان نفتك من حنتك..!!
رمت الجده هالكلام لجمانه..والمصيبه أنه قدام الكل..
صحيح جمانه..فري..وايزي..ويمكن ماتخجل الا قليل..
لكن غصبن عنها أستحت وحمر وجهها..
وأدركت هالشي بألأخير..يوم اظحكوا عليها..
ولأنها تعرف أنهم يقصدون الوليد..فصرخت عشان تمنع الأحراج وترجع جمانه الأوليه.
جمانه\وعععععععععععععععععععع..مابقى الا هذا أتزوجه..اخر يوم بحياتي ان شاء الله..
الجده\وشفيه ولد خالك..تحمدين ربك وتبوسين ايديك ورجلك على هالنعمه..يالخروه..!!
جمانه وخلاص ماقدرت تمثل أكثر..فقالت بصوت واطي وهي تمط بالكلمه\أمحــــــ،،،ـــــق..!!
وسمعتها راوين وماتت ضحك..على هالعجوز..عجوز العالي..^*
وماقدرت راوين غير أنها تسحبها وتوديها لقسمهم عشان توريها الهدايا اللي شرتها من الهند
وكانت معارضه ومعصبه لكن بداخلها مستانسه أنه ابتعدت عن الموقف واللي الأحراج اللي تسببته الجده لها..
ولمن وصلوا الغرفه..
جمانه\وقسم بالله ..اللي يشوفوني يقول عنز ويسحبونها..رواوينوا..تركيني ..!!
أتركتها راوين وهي تكتم الظحكه\أوكيز.اوكي....ممكن تجلسين بوريك شي..!!
جمانه جلست\وهذ جلسه..وريني..!!وبقلة صبر..بسرعه..
راوين\طيب..هدي أعصابك أول شي..
جمانه وفورت زياده لكن مابينت وكرهت بنت خالها بسبب هالبرود\طيب..وهذه هديناه..
راوين\أي تهدئه هذه..طالعي وجهك..اللي يشوفه يقول أِشاره حمراء..جمانوا ريلاكس..شفيك..!!
جمانه وتصنعت الأبتسامه والهدوء\مافيني شي..
راوين وبادلتها الأبتسامه\أوكي..أنتي تعجبيني كذا..
وطلعت راوين كيس كبير فيه الساري والأساور وورتهم جمانه..لكن تضايقت لأن أساور ابتسام هي اللي طاحت عليها بالمطار وقررت تعطيها اساورها الصفراء لأنها ساري أبتسام فستقي وفيه تموجات صفراء..وهي مو مشكله عندها مخزن اساور..
أما جمانه ماقدرت تقول غير \واااااااااااااااااااااااااااو..يجننننننننن راوين..
راوين\هذا هديه مني لكم واخترت لك البرتقالي..مدري ليه احس أنه بيناسب عليك..!!
جمانه وهي منشغله وماطالعت راوين\مشكوره..وأخيرا ناظرتها..أيه هذا بنت خالي..مو اللي من شوي..تقهرني..
راوين\واللحين..راح القهر..!!
جمانه ونعست عيونها\بقى شوي..!!
راوين\يمــــه منــــك..محد ياخذ منك لاحق ولاباطل..
جمانه\هههههههههه شسوي بعد هذا انا ..جمـــأنه..
راوين\واحلى جمانه بعد..
وبوم اذن المغرب جاو البنات واكتملت شلة ألنس..وراوين خذتها فرصه ووزعت الهدايا لهم..وصح أنها تضايقت من غلا بسبب سالفة امس..لكن مسرع مانستها لأنها أعتبرتها امر سخيف بالنسبه لأمورها الثانيه
وجمانه مانست سالفة السفر وشنت حمله على الكل عشان تطلع وتغير الجو..
وهالعدوه انتشرت للبنات كلهم..وصاروا صوت واحد..وكلهم مصرين انهم يسافرون أو يتمشون..
وطبعا محد من الحريم سمعهم..والرجال دوامات طبعا...
ومابقى غير الشباب وكل وحده قررت تقول لأخوها يمكن يرحمونهم شوي ويطلعونهم..!!
لكن عمتهم هند عرضت عليهم فكره...لكن جمانه كانت أول المعارضين..
جمانه\لاااااااااااااااااااااااااااااااااااااا..ماأ بي..ماأبي نروح راس تنوره..زهققق انا أبي أسفر مو أرجع البيت..
هند وطنشت بنتها الخبله\بنات تركوها..اذا جيتوا السكن هناك..بنطلع البحر..وبنشوي..وبنمشيكم كل مكان تبونها..وحتى السينما بنوديكم..
عجبهم البنات عرض عمتهم..وفرحوا..على ألقل شي..أحسن من لاشي..
لكن جمانه ماخلتهم وقرقرت براسهم..انه زهق..وحر..والسينما ماتعرض غير أفلام قديمه..
وشوي..شوي بدت تقنعهم..
هند\ها..وش رايكم بنات..
فجر\كيفكم..اللي تبونه سوووه..
ابتسام وتأثرت بكلام جمانه\لا بحر..حر اللحين..!!ماعندكم مكان ثاني..!!
هند عصبت..وعرفت انه بنتها أقنعت البنات.. وعشان كذا ماحبت تصر عليهم لأنه البنات شكلهم يبون يغيرون جو بره\على راحتكم..ومتى مابغيتوا..تجون بيتي حياكم الله..
ابتسام\ان شاء الله نجيكم مره ثانيه..!!بس عمتي تكفين أقنعيهم يسفرونا..وبضيق واضح...والله زهق..
هند واشرت بعيونها\من عيوني..بروح وبقنع الحريم..
ابتسام\تعيش عمتي..ياحضك ياحمانه فيها..
جمانه\أحم..طبعا..وهي طالعه علي ..أوووه قصديز.اانا طالعه عليها..!!
ابتسام وبسخريه\واضح..!!
غلا وأخيرا تكلمت وبدلع كالعاده\أنا عندي فكره..!!وياويله اللي يقول لا..!!
البنات وعلى طول نتفس صوت غلا المايع وهم حاطين أيدهم على وجههم\وش هي....!!

غلا ورمشت بعوينها\....البحـــــــــــريــــــــــن..!!
:::::::::::::

انتهى
اختكم\وصيت قلبي عليك





ذقت الغربه أيـــام..وحسيت بالمراره والألم وجرح الذات..!!

وذقت الفرحه ساعات..وحسيت أنه الكون بايدي..وان شاء الله تلقونها..!!


لكن الغربه مو غربة وطن فقط..!!


الغربه غربة اهل وامان وندم وأخوان..!!



*_*


 


رد مع اقتباس

Powered by vBulletin® Version 3.8.9
Copyright ©2000 - 2016, vBulletin Solutions, Inc.
Search Engine Optimization by vBSEO ©2011, Crawlability, Inc.

تصميم دكتور ويب سايت


 

RSS - XML - HTML  - sitemap  - خريطة الاقسام - nasserseo1 - nasserseo2

 

|