[align=center]
[mark=000000][a7la1=000000][align=center]
جيتك مثل طفلن له ايـام محـروم
عن حضـن امـه بعدتـه المقاديـر
وجيتك مثل عودن له ايام مهمـوم
وده يلاقـي باخـر الوقـت تقديـر
وجيتك حضن عاشق وهايم ومغروم
وده يضمك لين تصبح علـى خيـر
متى تحس ان الهوى شي مقسـوم
من قسمة الخالق على خلقه يصيـر
ومتى تحس اني لك اطيـح واقـوم
واتعب على شانك واقـدرك وآغيـر
لي في هواك احلام وامال وعلـوم
واحزاب واصحاب وقصيد وجماهيـر
وهموم وافكار وهواجيس وحلـوم
وادروب واخطار وعذاب ومشاويـر
وحب وغلا واخلاص ومعاند ولـوم
واحساس واللهام وشعـور وتفاكيـر
وصحبة سهر ومقاطعة لذة النـوم
واشواق جياشـه وعشَـق وتعابيـر
في ذمتك مابان لـك شـي مكتـوم
من بعد ماصورت الاوضاع تصويـر
لاتحسب انك شي عابـر ومعـدوم
وتاريخ حبَك فـاق كـل الاساطيـر
كنـي لقيتـك بأغنيـه لأم كلثـوم
وكني قريتك فـي روايـة شكسبيـر
في كل شي اتخيلك واسمعـك دوم
واتأملك فـي الوقـت الأول ولآخيـر
من ماضي الأيـام لايومـك اليـوم
وغَلاك عندي ماحصـل فيـه تغييـر
وانا لك الله مأقبل البيـع والسـوم
ولا ارضى علي ولاعليك المخاسيـر
لاْني الوحيد اللي على بحرك يعـوم
واللي عرف مرساه في رحلة السيـر
لحظه حبيبي قبل يسبقنـي النـوم
بضم صَدرك لين تصبح علـى خيـر
[/align][/a7la1][/mark][/align]
مواقع النشر (المفضلة)