جلبت رائعتين للمبدع المشعان
وأتمنى أن أكون وفقت في جلب
ما ينال إستحسان ذوائقكم!!!
الغياب
قالت : وش احلى مايقـول المحبيـن ؟
ساعـة لقاهـم بعـد غيبـه طويـلـه
قلت : اصبري ، قالت : انا اقولك زين ؟
قلـت : اتمـنـى ماتكـونـي بخيـلـه
قالت : عسى موتي على يديك هالحيـن
ان كـان قيلـت بيـن خـل وخليـلـه
قلـت : احبكيهـا صـح ياقـرة العيـن
قلبـي يبيهـا صـدق تشفـي غليـلـه
قامت تفكـر !! قلـت : يالله ، وبعديـن
كـن اصبعـك طـوّل بلـفّ الجديـلـه
! قالت : كليب !! وقلت : خير ! شتِقولين
قالت : رجع !! وشـو شعـور الجليلـه
قلت : اليمامه ! ماهي اقوى تحسيـن ؟؟
من يوم غـاب جبيـر صـارت هبيلـه
وشبـك سكتـي ؟ ليـه قمتـي تلفّيـن
قالت : اخـاف ان قلـت تطلـع ثقيلـه
أخاف اقول وكلمتـي تجـرح الديـن !!
واشيـل ذنـبٍ مقـدر انــي اشيـلـه
استغفـر الله ويـن وصلتنـي ويــن ؟
وانـت تعرفنـي والاصيـلـه أصيـلـه
ضمت يدينـي .. قلـت: تـوك تحنيـن
قالـت يدينـك بـس ؟ هـذي قليـلـه
يوم احضنتني دمّعـت ، قلـت : تبكيـن
قالت : اظن الدمـع (أصـدق وسيلـه)
ردّت ، وقالت : وش عـذاب المحبيـن?
قلت : الغيـاب ! وفـي عيونـك دليلـه
__________________
صدق غاياتي
انا اللي يابعد عمري بقول ( آسف ) ولو مخطيت !
لأن اكبر خطـا منّـك صغيـر بجنـب غلطاتـي
ابد ماني بقايلك : ترفّـق ! ليـه ؟ وشسويـت !
قل اللـي ودك بقلبـك تقولـه واتـرك سكاتـي
عسـى الله لايعافينـي اذا مـن هرجـك انغثيـت
أشوف ان السكوت ارحـم لانـي خابـر سواتـي
ومدامه ( صح ) كل اللي تقوله ، فانـت مازليـت
واذا زليـت هالمـره ! نسيـت ؟ شكثـر زلاتـي
نسيت انك تنسّينـي الزعـل كلـه الامـن جيـت
مجرد ضحكـة عيونـك بنظـره تجمـع شتاتـي
نسيت ؟ شكثر تغليني ؟ وكم لك ؟ وانت مامليـت
نسيـت ان الوفـا منّـك يذكّرنـي خيانـااتـي ؟
نسيت ؟ الله يومنّك علـي مـن الزعـل غنيـت
" حسبت اشواقنا غابت " وخابـت فيـك هقواتـي
عجزت انطق ولاكلمـه بلحظتهـا سـوى ياليـت
يجيلـك يـوم بـاذن الله وتقراهـا مـع ابياتـي
هذاني جبتها شفني وازيد من ( الغلا ) لـك بيـت
مـادام ان القصايـد فيـك تـوي فـي بداياتـي
احبك ؟ ايه احبك .. ايـه احبـك ..آآه لوعديـت
مـن الآحـاد لـلآلاف تمـلا كــل خاانـااتـي
حبيبي لاتحاسبنـي وانـا يااامـا عليـك اخطيـت
ترى لو مـت بيدينـي غفرلـي صـدق غاياتـي
كل ما أتمناهـ أن أكون
وفقت فيما جلبت لكم
دمتم بخير
مواقع النشر (المفضلة)