" الزعووووووول ..!!" مصافحة بعد طول غياب
الحوراء بنت نجد
السلام عليكم ..
أعزائي روّاد هذا الصرح الرائع..
قصيدة بعد طول غياب عن الكتابه بين جنبات هذا المنتدى الجميل
أتمنى ان تنال رضاكم وأن ترتقي لذوائقكم ..
يقوووول
الزعوووول الي تشب النااار وضلوووووعي حطبهاااا
ليــــه تبطي في زعلهاااا ياعسى بالأمرر خيرررره ..!!
)
(
)
(
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الزعول اللي تشب النار وضلوعي حطبها=ليه تبطي في زعلها يا عسى بالأمر خيره
علموها لو تطول بالغياب اللي غلبها=تبقى عين العشق كله مع مدامعها سهيره
أية يا عشق ٍ عشقته الزعل مني سلبها=و صَغرت في عين عاشقها عقب كانت كبيره
أووه يا ليت الزعل يا ناس رجال وخطبها=والله إني لا قتله لو كانت الفعلة خطيرة
أدري أن القلب يهوى بس قلبي ما غصبها=وأدري أن الحب كله عشق وأحلام ٍ وغِيره
ارتويت من القصيد اللي على شاني شربها=شارب ٍ مِنها الوصال ولا رويت إلا هجيره
تقهر أبيات القصيدة لا صبح الفرقا سببها=تذبح الرجل الشجاع اللي يمثل له عشيرة
كني الأرض الحزينة وارحلوا عنها عربها=ما بقى للأرض غير الحزن و أوراق ٍ كثيرة
ذكريات ٍ بالورق لو قالوا الجمهور جبها=قلت ينشف من سببها البحر والنهر وغديره
أذكر إني ما غفيت إلا وقد نُفذ طلبها=حتى لو تطلب عيوني شفتها طلبه صغيره
وأذكر إني لا طلبت أحيان يا كلني لهبها=وأتحمل لأجل قلب ٍ مايبي زعل الأميرة
وأذكر إني لا نويت الشعر يا عالم كتبها =لين غاروا منّها جمع الغنادير الغفيرة
وأذكر إني لا حلمت أشوف ممساي بهدبها=ثم ضاع الحلم كله عقب صحاني مصيره
المصير اللي رماني ليه يمي ما جذبها=ليه يبعدها و أنا اللي صرت بالدنيا أسيره
ليه تبعد عن غرامي عقب ما ربي وهبها=يوم صارت وسط قلبي بالغلا هي السفيرة
وش قلب ذيك السفيرة عن غرامي وش قلبها=علموني لو دريتوا يا عسى بالأمر خيره[/poem]
وسلامتكم
اخوكم
شجاع الوازعي
رد مع اقتباس
مواقع النشر (المفضلة)