** وقـعـت فـي حبـكـ **
ياخاين العشـره عليـك المشاريـه
كثرت وقلبي معك صفـى حسابـه
عذبتنـي تعذيـب غالـي لغاليـه
وكاس الجفا من يدك مـراً شرابـه
إن كان فالتعذيب إلك قصد ترجيـه
دوك إستلم قلبـي وكمْـل عذابـه
لين يتحقق لـك هدفـك ومساعيـه
أرخصت إلك قلباً عطيبـاٍِ صوابـه
وإن كان قصدك للتسلـي تناجيـه
أرجـوك قـدر موقفـي باستجابـه
العفو عند المقـدره وأنـت قاويـه
أطلق سراح اللـي عزيـزاً جنابـه
صبرت لين الصبر طالـت لياليـه
واليوم جاء وقت إعترافـاً جوابـه
وقعت في حبك وقلبـي وقـع فيـه
أبدون ما أشعر به وحظـي رمابـه
أهيم في حبـك ليـا حـل طاريـه
وعروق قلبي تنبض إسمك كتابـه
لولا الحياء والخوف والله لا سميـه
إسمه يـدل إن لـه قـدر ومهابـه
وقد قالها اللي كـل طرقـاً يغنيـه
من لم يكـن ذيبـاً كلتـه الذيابـه
ازعل جميع الناس من شان أراضيه
وأزعل ليا منه زعـل مـن ثيابـه
سلمت اله روحي تحت رحمة ايديه
أنا بدويـاً عـاف زهـرة شبابـه
اليا حضر فرحت به حيـن ألاقيـه
وإن غاب غابت فرحتي في غيابـه
وإن جيت أبى أوصفك وصفاً تساويه
تعجز حروف الشعر واللي حكابـه
وصفك عديم الوصف ناله تشابيـه
سبحان من صورك مابـه غرابـه
تبى الكلام اللي ما أبى الناس توحيه
نور القمـر بينـك وبينـه تشابـه
لكن إلي يمـك حقـوق ومشاريـه
وكلاً مع الثانـي يصفـي حسابـه
وإختامهـا مبـدأ كلامـي وتاليـه
أبنتظـر مـن يـدك رد الإجـابـه
وســـــــــــلامة عيـــــــونكم
الشاعر/ ضيف الله العتيبي
رد مع اقتباس
مواقع النشر (المفضلة)