ياذيب(بدرالخالدي)
[align=center]قصيدة الشاعر / بدرعبدالله منصور الصبيحي الخالدي في مشاركته امام لجنة شاعر المليون في مدينة الرياض .
القصيده أثناء عليها جميع طاقم اللجنه ومن افضل القصائد التي ألقيت .
بالتوفيق يابوعبدالله [/align]
[align=center]
[/align]
[poem=font="Simplified Arabic,6,darkblue,bold,normal" bkcolor="transparent" bkimage="" border="solid,4,darkblue" type=2 line=0 align=center use=ex num="0,black"]
البارحه والجوع مس الذيـب يـوم انـه يعـوي =علـى سنـام طويـق والقـمـرا وراه بليتـهـا
اخايلـه واقـول واعـزي لحـالـك يالـقـوي =اللي تنقـى فـي سمـان الفطـح لا مـن جيتهـا
واللي باساميـك يتقلدهـا الخـوي مـع الخـوي =والعـرب تبديـك التحايـا وانـت مـا حييتـهـا
واسمك على النخوه يعد وكل روس(ن) تشتـوي =والوجبـه الحيـه تعشـاهـا وتـتـرك ميتـهـا
الجوع لـو يدفعـك للمـوت الذحـاح المستـوي =حشمت نفسـك عـن عظـام الحرجـه وخليتهـا
ودامك طليق(ن) ما قهـرك المعتـدي والمهتـوي =وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي =مـا بيـن مرحـان الشواويـه لـيـا عشيتـهـا
يا موجل(ن) قلب حضري يا موجل(ن) قلب بدوي =ياللـي تشيّـم خــوة الرجلـيـه ان خاويتـهـا
عامر خوي الذيب في عصر الفـوات المنطـوي =وقصتـك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي =لعيـون خوتـك الفريـده والبقـا فـي صيتـهـا
يـا ذيـب يكوينـي قنيبـك لا توحّيتـه كـوي =علـى غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي =لكن خطواتـي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي =وقبـل زمـان العولـمـه للـنـاس وآتيكيتـهـا
وقبل يغيب المنطـق الحسـي ويبقـى المعنـوي =والغيـره تـوزع تجمّعـهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي =والنـاس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي =والهاشميـه فـي طـرف عيـنـي ولا دنيتـهـا
لا جيث ابرثي حالتـك ضـاع الكـلام اللغـوي =والمفـردات الـلـي تجملـنـي لـيـا عديتـهـا
والهاجس اللي كـل مـا فليـت حويـه ينحـوي =وافكـاري اللـي تتعـب الخافـق ليـا هليتـهـا
واخـاف لا تكمـل وينحـاك النزيـف الدمـوي =وابقـى علـى قـول المثـل خميتهـا واخطيتهـا
ياذيب واقنب خـل صوتـك يـدوي العالـم دوي =مـادام خانتـك الظـروف الله يـخـرب بيتـهـا [/poem]
رد مع اقتباس
المشاركة الأصلية كتبت بواسطة يزيد الخالدي
مواقع النشر (المفضلة)