ّ..تعـال ولَمْلِـمْ جُروحـي ورَتِّـبْ فُوضَـة أجزائـي..ّ
/
يسعد صباحكمـ,
قصيده من متصفحي عسى أن
تنآلـ أعجابكمـ,
أجي مِسْرع إلى ذاك المطار , ويرتبـك نصفـي ..
ونصفي الثاني يتسائل عَن اللِّي صار و.. أخطائـي
شلون عَنْ عيني .. وتبدِّل قوِّتي بـ ضعفي[mark=666666] !![/mark]
ولا به شي يستاهل عشانـه .. تبـدي إيذائـي ..
( [mark=000000]مسافر[/mark] ) دُونْ ما أدري وحِزنـي داخِلـي مخفـي
أبيـك الحيـن مـو باكـر تِحلِّـقْ فـوق أجوائـي
مطار القلب يتحـرى رجوعِـك , غيبتِـك تكفـي
أبكتب لِـكْ ولا أقـدر علـى .. التعبيـر وإملائـي
غيابك ما رحَـم حالـي وحرفـي آآآه يـا حرفـي
تلعثمت , وعجزت آخذ في وقـت البُعـد إجرائـي
أنا كلِّي عَطَـشْ ضامـي أعيـش بغيبتِـك حتفـي
لأنك ساعة الضيقـه هـواي , وبالعَطَـش مائـي
أحبك يا [[mark=FFCCFF] وَطَنْ [/mark]] غالي عَليْ وحَضْرتِي " [mark=FFFFFF]منفي[/mark] " ..!
كفايـه لا تِشتِّتْنِـي تعـال .. وجَمِّـعْ أشيائـي !!
وَطَنْ شنهو وَِطَنْ .. إلاَّ عُيونِكْ في لُغة وصفي ..؟
غريبه شلونْ تتركْني .. وإنت بداخل
([mark=999999] أحشائي [/mark]) !
( ثلاثْ أيَّـامْ ) تهجرنـي ولا بيَّنـتْ لِـكْ نزفـي
ودُواي اللِّي تِكاثرْتَـه عَلـيْ وصِـرتْ لِـي دائـي
( ثلاثْ أيَّامْ ) ما نامَت عيوني وما قِدَرتْ أغفـي !!
لي الله كِلْ ما حُولـي غريـبْ وعَالَمِـي .. نائـي
( ثلاثْ أيَّامْ )وأنـوار المدينـه يـا الغـلا تطفـي
وتِعِمْ الظَّلمَه في قلـب الشـوارع وأفقِـدْ أضوائـي
تِصَدِّق حتَّـى بسماتـي .. أهَلِّـي فِيهـا وتِقفِّـي !
تعـال ولَمْلِـمْ جُروحـي ورَتِّـبْ فُوضَـة أجزائـي
يجيني الجَرَحْ مِنْ إيدكْ .. و[mark=000000]أصْفِـقْ[/mark] كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!
( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..
كأنْهَا طَعنِتِكْ " ضِيفٍ " وقلبي ..... [mark=CCCC99]حَاتِمْ الطائي [/mark]!!
,
ودمتمـ, بود..,
"
رد مع اقتباس
مواقع النشر (المفضلة)