[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يكبر قسى جرح السنين ويعنّي=رجل الحزين اللي على حد الادراك
هذا أنا يوم أخلف الوقت ظنـّي=الحزن حزني والسوايا سواياك
بكيت وأبكيت العيون وبكنـّي=تعال شفني كل ما حان ذكراك
كم واحدٍ جاني بعدك وسألنـّي=شخبار من حبيت وأقفى وخلاك؟
وأصد والحزن الخفي ممتحنـّي=وأن قلت منهو قيل ماهوب يخفاك
قيل العوض قلت العوض ما شحنــّي=والله لا هذا ولا ذا ولا ذاك
يا ما بعضهم مرني ما فتنـّي=يا جعل ماهم بالعوض في محياك
الله لا يجبر عزا من عذلـنـّي=ما جاه ما جاني ولا جاه ما جاك
واللي عذل ويقول (لو و لو أني)=جعل يعشق له واحدٍ كنه إياك
ما فيه شيٍ في حياتي غبنـّي=الا نهار أقفيت وأنا أسمع إبكاك
الله من جرحٍ قديمٍ مكنــّي= أمداك نزفه لكن ادواه ما أمداك
عليّ كم جار الزمان وطعنــّي=أسمع صدى صوت المعاليق تنخاك
وين أنت ياللي كل ما غبت كنــّي=واقف على باب الأمل وأتحراك
ليتك تعرف تخون وأقول خنــّي=على الأقل القى سبب وأتناساك
وليت الزمن فمحبتك ما خذلني=وليت الهجر من طيب خاطرك ورضاك
لو أن قربك والوصل بالتمنـّي=ما غبت عن عيني كثر ما اتمناك
خايف يطول البعد وتسج منــّي=وياخذ مكانك شخص ماهوب يسواك
وش عاد أسوي يومك أقفيت عني=لا أنا أتبع المقفي ولا أحب فرقاك[/poem]
[align=center]حمدان المري[/align]
مواقع النشر (المفضلة)