[poem=font="Simplified Arabic,6,darkblue,bold,normal" bkcolor="transparent" bkimage="backgrounds/49.gif" border="double,4,darkblue" type=2 line=0 align=center use=ex num="0,black"]
صدري شمالي والشمالي ليا ضاق = ماينفعه بعض الحكي والتسلي
يطوش لادنى شي وتشين الاخلاق = وليا جلس من مجلسه يستملي
وانا سرقني من غثا الناس سراق = لارضٍ خلا مافيه صوتٍ يهلي
واطلقت رجلي ناصيٍ قمة افواق (1) = اللي على جيان قريه امطلي
ليته يخفف ضيقةٍ وسط الاعماق= ازرى يخففها الصبر والتحلي
ويطرق دراويز الفكر مية طرّاق =لكن معليها غدى بالمدلي
دققت باللي باقيٍ من ارفاق = ياقوم ياويش احسب وياويش اخلي
واونست مابين المحاديب دقاق = يقول لي وش راح وش باقيٍ لي
ياحيف ياللي له مبادي ميثاق = ثاني سنه ترجع على طير ياللي
ولا المفلس صار ماعاد ينطاق= ياعونة الله من زمانٍ مولي
وان كنت في دنيا المغثه على ساق = بتموت والاشغال ماتضمحلي
حاولت اوآصل والتلفون ينعاق = خطٍ مقفل واخرٍ مايشلي
وان كنت ثقلانٍ على بعض الارفاق= ياشيخ روح للحريم التغلي
وان طعت هرج اللي فلح بالتشداق = والله ماتهنا ولا تسفهلي
هذاك نمامٍ وحساد نقاق = ان جاء مثل (عادل) واذا غاب (نللي)
يفر دولاب الدهر يوم ويذاق = طعم الندم في حزةٍ ماتسلي
وعودت احس بثومة القلب مطراق = وهمٍ غشا صدري غدى مثل ظلي
ليته غدا عن قمة افواق(1) عواق = او ليت مشراف الحجا ماحصلي[/poem]
[align=center](1) افواق (( جبل عاالي جداً يقع في محافظه قرية العليا - (الصمان) - ))[[/align]
عبدالله خلف الخالدي
مواقع النشر (المفضلة)