أقدمها على استحياء-- نبض من الروح وبدون تكلف
هي كما أتت-- علها تجد القبول--
(( تجلا الليل وراح الهيامي))
[poem=font="Simplified Arabic,6,teal,bold,normal" bkcolor="transparent" bkimage="backgrounds/33.gif" border="inset,4,teal" type=2 line=0 align=center use=ex num="0,black"]
يومِ يمر بدون شوفك وطاريك= يصبح علي الصبح كنه ظلامي
ربيع قلبي يوم اشوفك واناجيك= واعطيك واخذ منك حلو الكلامي
يفز قلبي وآتخيل مواريك = وافز لو اني بحالي منامي
انا عليله منك مافيه تشكيك= حبك لجا بين الضلوع الهشامي
يزورني طيفك وبالحلم انا جيك= وليا تجلا الليل راح الهيامي
مهما يطول البعد مانيب ناسيك=منساك ياغاية مناي ومرامي
يانور عين اللي من القلب مغليك= ياروح روحي ياهواي وغرامي
لاتطوّل الغيبه ولك ناس ترجيك= بين الرجا والياس ترجف عظامي
قلبٍ خذيته يابن الاجواد بيديك= إرفق بخفاق ٍ طواه السقامي
يابعد عمري ياعسى الله يخليك = طال السهر عقبك وطال الظلامي[/poem]
[align=center]
الحوراء بنت نجد-- الرياض20\12\1428[/align]
مواقع النشر (المفضلة)