[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قرار فرقـاك مـن اصعـب قرارتـي=لكـن وصلنـي كـلام حدنـي حـدا
اللـي حواليـك زادوا فـي معاناتـي=وسمعونـي كـلام يوجـب الـصـدا
لذلـك اودعـك توديـع الامــواتِ=اللـي عزلهـم ظـلام القبرواللحـدا
وآخر طلب باطلبـه يتضمـن الآتـي=ان كان باقي بقلبك لـي بعَـض ودا
تناسي اللي مضى في ذيـك الاوقـاتِ=وانسي غرام لسوء الحظ مـا امتـدا
وانا ولاشـك بانسـى كـل مافـاتِ=ولا كأنـي عشقـت العيـن والخـدا
وان صار في يوم سالت بعض دمعاتي=اوعدك ما ابيّـن المكنـون والسـدا
واوعدك ماعاد انا اكتب لاجلك ابياتي=واوعدك ما اخلي بحقـل الغـلا وردا
واوعدك لاكتم بصـدري كـل وناتـي=حتى ولـو زاد هـم البعـد واشتـدا
صحيح ذكراك الاجمل فـي رواياتـي=صحيح كانـت محبـة رائعـة جـدا
لكن عزاي الامل فـي خيـر ماياتـي=يمكن يزول الحزن والهـم والوجـدا
وعـزاي لامـن تذكـرت البـدايـاتِ=وحسيت نار بجوفـي تحـرق الكبـدا
انـي دريـت انهـا شمـس وفيّـاتِ=وان القدر يهزم اللـي قـام يتحـدى
كـل البدايـات تقفـاهـا نهـايـاتِ=مير اسمعي كلمتـي ياحلـوة القـدا
ابا اعترف لك وباصدق باعترافاتـي=ومن قبل لاتسألي باكتب لـك الـردا
علاقتي فيـك مـن اقـوى علاقاتـي=لكن ماعاد لـي مـن قطعهـا بـدا !
[/poem]
[align=center]راجي الوصل[/align]
مواقع النشر (المفضلة)