يا شينها لا صرت معجب وخجلان

[حنـوُن بجنـونْ]

[align=center]السلام عليكم ورحمة الله وبركاته

أنقل لكم مما قرأت وإن شاء الله يعجبكم

،

[poem=font="Times New Roman,5,royalblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا شينها لا صرت معجب وخجلان=خوف المصارح لا يجيب المطمّه

أخاف أصارح بالغلا ذاك الإنسان=وينقلب جو المصارح مذمّه

ويا شينها لا صرت مغرم وزعلان=محد(ن) يراضي قلبك ومحد(ن) بيمّه

وإن رحت محد(ن)ٍ قال لك وين يا فلان؟=روحتك مع جيّتك ما هي مهمّه

ويا شينها لا صرت عايش بحرمان=مثل اليتيم إللي فقد شوفة أمّه

مأخوذ حقه وإنظلم شوف الأعيان=وإللي اظلموه عيال لحمه ودمّه

ويا شين صاحب دربك إن صار ثعبان=لا هو تركك ولا نفث فيك سمّه

كنا خويّا وانتسمى بالأخوان=واليوم اسمه بأخبث الناس سمّه

مثل الإمام العالم بفقه الأديان=يومه نجح والكل صاروا أئمة

ويا شينها لا صرت تايه وحيران=وسط الطريق وباقي(ن)ٍ فيك همّه

ودّك تروح وآخر الدرب ما بان=تخاف تمشي ثم تغشاك غمّه

ويا شينها لا صرت مبلي ومنهان=والعلم كلّه .. من أكاذيب نمّه

ما فيه ضدّك لا دلايل وبرهان=ودخان نارك مستحيل(ن) تشمّه

ويا شينها لا صرت من روس الأعيان=ثم تنقلب في نظرة الناس رمّه

ويلاااه يا وقت(ن)ٍ نوى لي بعصيان=أثر الزمن يا ناس ما فيه ذمّه

ويا شين طرد المقفي لو كنت ولهان=يأخذه شيطان الغرور و يخمّه

يظن إنك هايم(ن)ٍ به وشفقان=ما يدري إنه لو فطس ما تهمّه

ويا شين من معاشر قليلين الإيمان=درب الهداية لا أبد ما تتمّه

الخلق سجن وصاحبك فيه سجّان=والعلم خال العز .. والجود عمّه

ويا شينها أصلاً بقى شي ما شان=هذي الليالي طبعها مدلهمّه

ويا زينها لا صرت لاهي و طربان=وحبل القصايد يرتجيك وتلمّه

يا ليل دانه .. ليل دانه .. لا لا دان=ما فيه ثوب(ن) يستر أطراف كمّه

يا زينها لا صرت معجب وخرمان=تنثر علومك لو تجيب المطمّه[/poem]

،

آمل أن تنال إعجابكم وإعذروني إذا تكررت $222[/align]