أضع بين إيديكم هذه القصيده أمل أن تنال إعجابكم
[poem=font="Simplified Arabic,4,blue,normal,normal" bkcolor="transparent" bkimage="" border="none,4,blue" type=1 line=0 align=center use=ex num="0,black"]
أنا همومي مثل عال المشاهيق=دوم أتفكر كيف وشلون تنشال
إن جيت ابفرح جتني تنشف الريق=واقعد مع العربان والفكر جوال
وإن بان همي في عيوني من الضيق=بررت للي شافني حفت الجال
لو جبت تفصيل الهموم المداريق=يمكن يصيبه من سواليفي هبال
ماله لزوم تعرف كل المخاليق =عن ماحواه القلب والروح والبال
لو ينحرق قلبي من الهم تحريق=مااشرح همومي لي شخصً ورجال
ولو ينفتح في وجهي ألفين تحقيق=مااعد غير اللي له العقل يحتال
أخير من شمت العدا والمشافيق=اللي تحب اتزود فالقيل والقال[/poem]
وسلامتكم
تحياتي أخوكم(دربي خضر)
مواقع النشر (المفضلة)