يــا خـــاطـــــــــري ...
الســـــــلام عليكم
ومساء وصباح الورد
وابيات من الخاطــــر
اتمنى تعجب خواطركم
يـا خـاطري
يا خاطري وشفيك ضايق ومحـزون
قلي علامـك يمكـن أنـي اسليـك
يمكن يكون الوضع قاسي ومجنـون
وحتى الأمل يمكن بعد مـا يواسيـك
دام الأمل بالناس صوره بـلا لـون
ضاعت مبادينـا واخطـت هقاويـك
من عز نفسه يصبح اليوم ممهـون
هاذي مبادي هالزمن مـا تراعيـك
خلك على ما قيل من اللي يبوقـون
وابشر بأن الوقـت دايـم يصافيـك
ولاصرت تبغى تكون من اللي يزكون
فانته سقيم الحـال وكـلٍ يجافيـك
دنياك هـاذي كلهـا هـم وطعـون
لو اضحكت لك يوم يوميـن تبكيـك
تفنٍ على الحاجة وقولتـك تكفـون
مدامها عنـد العـرب مـا تداويـك
خلك تموت احسن مع اللي يموتـون
ولا ينحني راسـك وشيـم معانيـك
النوح والغربال سنـه بهـا الكـون
كـذا تـرى دنيـاك تبغـى تربيـك
وترى الأمل بالله واضح ومضمـون
هو فارج الكربة ويسمـع دعاويـك
يا خاطري اصبر ومن ربك العـون
واصبر وصابر ليـن ربـك يقديـك
يا خاطري بالهون وابشر تبي تهون
مـدام ذكـر الله يـنـور ليالـيـك
الشمالي
رد مع اقتباس
مواقع النشر (المفضلة)