اسعد الله اوقاتكم بكل خير
واليكم هذه الابيات واتمنى
تصل ذائقتكم وتحيتي لكم

تقهونـي فنجـال بـنٍ بيمنـاك
وانا من اشواقـي ابهـر دلالـي
وازل لك دلـة مشاعـر العينـاك
واقدع غلاك وبسمتك في خيالـي
وكل ماذكرتك ارتكـي واتقهـواك
والياتقهويتـك كـأنـك قبـالـــــــي
سحابة افكـاري تغنـي بذكـراك
وتسقي فياضك كلها من خلالـي
افرش ورودي كلها تحت ماطـاك
والشمس حظي وانت حظك ظلالي
كل شي بالدنيـا تمنـى مخـاواك
وكل شي بالدنيا يحسـك محالـي
حتى النسيم اليا وصلك وتعـداك
يرجع جنوبي عقب ماهو شمالـي
يفرح اليامـن قابلـك او تقفـاك
يطربه عودٍ كـل ماهـب مالـي
ابن الملوح لو لمح حمرة شفـاك
وشاف الثغر مثل الذهب واللألـي
ينسى هواء ليلى ويقتلـه ليـلااك
ويكتب حروف اسمك بصم الجبالي
وانا وجودي كل ماحـل طريـاك
وجد الذي فاقـد كبيـر العيالـي
والا وجود اللي غدى حظه اشواك
خانه صديق وعذربـوه الرجالـي
ماالوم شعري لو تغزل بحسنـاك
وجته القريحه بالبيوت الجزالـي
كل المشاعر ترتبك وقـت لقيـاك
استسلمت لك واعلنـت احتلالـي
لاهان راس اللي على الغنج رباك
وخلاك نجمه شامخـه بالعــــلالـي
سبحان رب الكون يوم انه اعطاك
كل الغلاواعطـاك كـل الجمــــالـي