أشرب الفنجال وأكب البياله

[وضح النقى]

[align=center]
السلام عليكم ورحمة الله وبركاته [/align]

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

أشرب الفنجال وأكب البياله=طيب وحب سلم الطيبيني[/poem]
[align=center]
بيت اشهر من نار على علم

للشاعر المغفور له بأذن الله تعالى

راشد بن حسن بن رحيان العجمي
والملقب سابقاً بـ ( أبن الذيب )

والد الشاعر محمد بن الذيب

حكاية القصيدة اختلفوا عليها كثيراً

ولكن سأرويها لكم كما اجمعت اصوات من حولي لهم معرفه لهذا الشاعر

كان راشد ابن الذيب يعمل في شركة ارامكوا السعودية ( بالظهران )

ويملك سيارة الشركة ( جمس ارامكوا )

وكان كل ما يصادفه رجل او طرقي على الطريق

يقوم بأيصاله دون مقابل على سيارة الشركة

وفي احد الايام كان ذاهب إلى العمل وصادفته عجوز

فعرض عليها ايصالها بمبلغ مادي

رفضة العجوز العرض وقالت رح يبي يجيني أبن الذيب وياخذني

وهي لا تعرف انه هو أبن الذيب

فقال اركبي يا خاله أنا ( أبن الذيب ) وابشري بالخير [/align]
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

قالها إبن الذيب من هاجوس باله = كلمةٍ يلعب بها والبال زيني
قالها يومه طراله ما طراله = من هواجيسٍ تشيب المرضعيني
غرّني بعض الرجال بكثر ماله = مادرى إن الموت في حبل الوتيني
كيف ينفعني وبعض الناس خاله = ما يدوم البيت كان الساس طيني
ماش وين اللي عوايده الشكاله = مثل إبن ظافر حمد ليته يجيني
الثنا والجود دايم في خياله = علّمه ظافر سلوم الطيّبيني
جوّد العليا ولزّمها عياله = وأدركوا من علمته دنيا وديني
واهني من باع حظّه وإشتراله = سار في درب النبي وأخزا اللعيني
موقفه ماكل رجّالٍ يناله = ومن بغا ممشـاه يقعد مرّتيني
وكم ذبح من حايلٍ من حر ماله = وعادته لطمة خشوم العايليني
حالفٍ ماخذ على الطرقي رياله = وبالثلاث محرّم إنها ما تجيني
لا لقيت اللي على السكّه لحاله = يلتفت ويقول : وين المستحيني
أوقف الموتر حيا وأبغا الجماله = يوم ولد اللاش وجهه ما يليني
والطمع في كرّوة الرجلي رذاله = خصّ به وإن جا مجال الغانميني
والردي في حالةٍ ماهيب حاله = يا عوينه من كلام الطيّبيني
الولد وإن طاب قالوا : من خواله = بالخوال يسال قبل الوالديني
وأركبه لعيون من زينٍ دلاله = ما تحاكوا في قفاه الرامسيني
ما بغى غيري وأنا مابغا بداله = قاعدٍ لي بالرجا مدّة سنيني
ما قعدنا فالعمل نبغا الرزاله = ناخذ العليا طريق الفايزيني
أشرب الفنجال وأكب البياله = تابعٍ سلمي سلوم الأوليني[/poem]
[align=center]
يقال ان البيت المشهور محرف والصحيح الذي بالقصيدة

والقصيدة اطول من ذالك ولكن هذا ما يحضرني والمعذرة على التقصير


لكم
أعـــذب التحـــايا[/align]