يا أخــــــــــــــــوي وينــــــك؟؟؟

[غربه الروح]

هذي المصافحه الاولى من كتاباتي الخاصه لكم


يا أخــــــــــــــــوي وينــــــك؟؟؟



العين عقبك عــــــــــــــــافت نظرهـــــــــــــا*** والهم كاسيني ولا به مشـــــــــــــــوره
الدار تنعاف عقبك هي وحجرهــــــــــــــــــا ***لا صرت راحل وأنا مأســــــــــــــــــوره
بين الزوايا الموحشة وسهرهـــــــــــــــــــا ***أقضي معاناتي بتقلب الصـــــــــــــــوره
ليت المنية وجهتني لحفــــرهـــــــــــــــــــــا *** بعصر الربوع ولا أعيش مقهــــــــوره
يا أخوي وينك؟؟يا كل المعاني وأسرهــــــا*** دمعي على الخدين وتذرف حجــــــــوره
نادتني الذكرى وهو حاضرهــــــــــــــــــــــا***وتركت الحاضر وتراني معــــــــــــــذوره
دنيا بلا(..........) ينسى قمرهـــــــــــــــــــا***يابهجت الخاطر وموسع صــــــــــــــدوره
ياكم ضيقة بي قام وقبرهـــــــــــــــــــــــــــا***وأفتى بالاحزان كله مهــــــــــــــــــــدوره
أسعد حياتي وكل ما نقصني جبرهــــــــــــا***ولملم شتاتي المرهف ولبى شعــــــــوره
آه يادنيا !!ليه تعلن قدرهـــــــــــــــــــــــــــا ***خلتني لحالي أعاني وأكتب أسطـــــــوره

وسلامتكم
7
7

مقسوم أنكـــــــسر



استرجع الماضي بتقليب صفحـــــــات ***وقت مضى وياه مثل الثوانــــــي
يروق لي وقت مضى مافيه ونـــــــات *** وآآآهات وجروح وأنا أعانـــــي
ليت الزمن ياقف لو بضع ساعــــــات *** ويرد روحي ويلــقى كيانـــــــــي
أو ليتني ما عشت أصلاًبدايــــــــــــات ***ولا تعلقت روحي بشخص ثانـــي

حبه من الله ماله نهايـــــــــــــــــــــات *** أخوي بالــــــــــدم مني وفينــــي
لو قالوا الناس (..........)مــــــــــــات*** والله ما مــــات عندي بيدينـــــــي
أقلب الصوره بكل لحضــــــــــــــــــات ***ويزود حبــه وشوقي وحنينـــــــي
أرفع يديني وأدعي بدعــــــــــــــــوات *** ربي تجعل لقاه وتقصر سنينـــــي
أن كنت حية بنصف هالــــــــــــــــذات؟ ***وش لي بنصه!! ونصي دفينــــي
يارب العوض بكل ما فـــــــــــــــــــات*** تجبر قواي وتخفف آنينـــــــــــــي
مقسوم أنكسر وتسكني معانــــــــــات ***وأهذري بفرقاه وأكشف كنينــــي
أخوي (........) وهيـــــهات هيهــــات ***ماغيره سكن بالحشاء يا ضنينـي
لا تسألوني وش اللي بداخلي بـــــــات***ماغير ذكره وشوقي وحنينــــــــي




آرجوا من الجميع القراء الدعاء له بالرحمه والغفران ودخول فسيح الجنان
وأتمنى منكم النقد الهادف وتوجيهي الصحيح
فكل انسان لا يخلو من الاخطاء **وها انا اضع بعضاً من كتاباتي الخاصه بين ايديكم الامينه
لنقدكم وآرائكم وأتمنى تعطوني رايكم بكل صدق وصراحه ومن دون مجاملات

لكم مني أطيب التحايا والاحترام

اختكم غربه الروح

[وضح النقى]

[align=center]
الاخت العزيزة غربه الروح

صح لسانك ولا هنتي

والله يرحم اخوك ويجمعك معه في نعيمه يارب

تمنياتي لك بالتوفيق [/align]

[احساسي صادق]

غربة الروح
الله يرحم اخوك ويسكنه فسيح جناته
ويرحم جميع موتى المسلمين
والله يعطيك طولة العمر

بالنسبه للمشاركه جميله جدا وكلماتها معبره
ولكن تحتاج " للوزن"
اتمنى لكي التوفيق
تنقل لمجلس الزين للمواهب الشعريه
دمتي بخير

[غربه الروح]

اشكرك على مرورك شاعر مميز ودعمك لي

اشكرك احساس صادق على نقدك الهادف أفدتني ذخر وفخر لا عدمناك

دمتم بود

[ابعـاد الجفـا]

الله يرحم اخووك ويسكنه فسيح جناته

قصيدتك حلوة