[align=center][poem=font="Simplified Arabic,5,darkblue,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
يا عقاب مدري مدح والبستـك اوشـاح=والا الرمـوز يْحلهـا مـن طرقـهـا
يـا سيّـد الزرقـا تعلّـي ومــرواح=لـن سقتهـا مـع قبـة الكـون سقهـا
تكّـي بصـدرك للذعاذيـع وارتــاح=وافلـج محاديـب السحايـب وفقـهـا
خلّ السواري عنـك وانـزاح وانـزاح=واعلا مراقيـبٍ علـى الجـدي وقهـا
مثلك ليا ستّـل جناحـه مـع الضـاح=وارخى سمـار الريـش فـي معتلقهـا
استسلمت كـل الجـوارح لمـن شـاح=عنهـا وجـدّد مـن عـلّـوه رهقـهـا
سيفٍ ليـا جـرّد علـى الصيـد ذبّـاح=وموسٍ ليـا نـاش الضوافـي حلقهـا
اهـواي نجـم وكفختـك بــارقٍ لاح=وتكبيـرة الميـت علـى اللـي لحقهـا
وما بيـن مخلابـك وفـلاج الاصبـاح=بيـض الثنـادي قبـل يرهـج علقـهـا
زوعتك سيل وطعنتـك عَيْلـم ارمـاح=مـن مخلـبٍ واليـا صفقهـا صفقهـا
لا ملت شلت ولا تواسيـت وان طـاح=ضلّـك علـى كبـد الطريـده فلقـهـا
والا ليا نشـت الخريشـه مـن الـراح=مـا كـن ربـك بعـد تدمـي خلقهـا
واليا شلعـت وجالـك صْيـاح وطْيـاح=كنّـك وكـنّ اللـي ذبحـهـا وفقـهـا
وصف الاصيل اللـي ليـا لـز طفـاح=هــذي توطـاهـا وهــذي فهقـهـا
عن بعد ( حر ) ولا تقاربـت (سـراح)=وان جيت (عبد) اضنى (الحرار) وعتقها
واخطا عليك مْسمي الصقر يـا صـاح=الحـر وانـت الحـر للـي فرقـهـا
وشلون حـر وجـذب راسـه بْملـواح=عيشه علـى كـف الرجـال وْعرقهـا
وانته سندك عْضود وصْعـود وجْنـاح=وحـداد سـم الطايـره فـي شنقـهـا
مـا ذلّـك البرقـع ولا ردّك صْـيـاح=ومن حيث ما تبغى مـع الكـون سقهـا[/poem][ramv]http://www.nabdhy.com/vb/uploaded/2_01204752437.amr[/ramv]
المبدع : خالد العتيبي [/align]
مواقع النشر (المفضلة)