[poem=font="Simplified Arabic,5,black,bold,italic" bkcolor="transparent" bkimage="backgrounds/20.gif" border="none,4,gray" type=2 line=0 align=center use=ex num="0,black"]
تعال ياهمي إذا كنت رجال=قابلني في وجهي بقوّه وشجاعه
إلى متى تكسر خفوقي وتحتال=إلى متى تحرم فؤادي شعاعه ؟
كفاك ياهمي بهاذيل واهوال=ياكبرها فيني ولا بي استطاعه
أحمل بلاوي دنيتي فوق الاثقال=يكفيك تحطيم المراد وضياعه ؟
لا ماكفاك اني بدنياي رحال=ولا كفى نهش الزمان وضباعه ؟
وشفايدة عيشه بلا أرض وآمال=وشفايدة كوني بعيني اتساعه ؟
وشفايده نزرع ولا نحصد اثمار=وشفايده ناكل ,, واهلنا بمجاعه ؟؟
خلاص ياهمي حصل فيني زلزال=محتاج للراحه ولو ربع ساعه
ياشينها الدمعه على خد رجال=قالوها ,, واعيد المثل بنصراعه
الدمعه للجنسين في كل الأحوال=دمعة قهر , تغلب قلوب ٍ شجاعه ؟
ماكان ودي اشرح الهم بمثال=غصب ٍ على روحي ترى القلب شاعه ؟
لما اطفحت فيني مكاييل الأكيال=صار الخبر واضح بليّا إذاعه ؟
ياليت همي آدمي كنت بالحال=أقضي على عمره وكلي قناعه
إني قتلت اللي مداهيله غربال=وادفن بلاوي جثته وسط قاعه ؟
مير البلا همي كما قيل دجال=في هالزمن كلنا ضحايا بذراعه[/poem].
.
.
الشاعر
محمد شاهين
مواقع النشر (المفضلة)