[align=center]بسم الله الرحمن الرحيم
رحله ،، وياعل مارحله
سفري قبل ثلاثة ايام على متن الخطوط الجويه من حائل
متجهاً إلى العاصمه الرياض إلى عم مريض هناك
في مستشفى الحرس الوطني
القصيده تشكي حالها
أتمنى ان تعجب الجميع
[poem=font="Traditional Arabic,6,red,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
ركبت طياره من النوع برلين = ماجابه عليان ولا جِفَالي
ياكود كردن صمموها جديرين = أهل العقول الوافيات الجزالي
ثم أستعدت تطوي يسار ويمين = تقول ثعبان(ن) بوسط الرمالي
ثم فرها فوق المدرج بخمسين = لين ارتفع خشمه براس العلالي
وقام يتفنن هالصعيدي بنا زين = ومساعده يضحك يغني بئالي
عدنان ولا ياملا والله الدين = يازين ممشى الارض قاله رجالي
لاواهني اللي على الارض ماشين = ماعرفو السفرات يمن وشمالي
ثم اضحكن جنبي بنات السلاطين = اوصافهن أتفوق رسم الخيالي
وحده تناظرلي على طرفة العين = والثانيه مثل القمر بالتلالي
والوضع مايحتاج شرح وعناوين =راكب مع العالم وكني لحالي
وجهي على الغالين ياعبيد غالين = وجهي على عم(ن) عزيزً وغالي
اللي ليا صكت عليه الميادين = تسمع هديره مثل هدر الجمالي
تفداك ياعمي عروقي مع العين= ويفداك شرياني وباقي حلالي
الله يطول في حياتك لتسعين = ومن فوقها تسعين والعمر بالي
يصادق النيه ويصادق الدين = يحفظك رب البيت من كل قالي
بالمرجله مافيه مثلك كثيرين = اللي عيالك بالمواقف رجالي
الدين والاخلاق فيهم وسمحين = البر فيهم والوفاء والعدالي
وقطفت من جزل المعاني بساتين = في رحلتن منها تغير مجالي
وصلو على محمد شفيع المصلين = عداد ماهلت مزون الخيالي[/poem]
وسلامتكم
\
/
\
/
أبنّ بشَير[/align]
مواقع النشر (المفضلة)