كلنا نعرف الناي ومدى تأثيره عند سماع صوته الحزين والمؤثر
احببت بهذه القصيده المتواضعه ان اخاطب العازف نفسه بأن يتوقف
عن هذه المقطوعه الحزينه ....
ياعـازف النـاي بسـك لاتبكينـي
يكفي عيوني من الغربـال ماجاهـا
ان كان ودك بعزف النـاي تلهينـي
صوته يصحي شجونن طال ممساها
ذكرتني اللي من العربـان تغلينـي
والقلب في حبهـا ذايـب ويهواهـا
حالت ظروف الزمن مابينها وبينـي
وعاهدت قلبي مع الايـام مانساهـا
وان كان ودك تشوف طعونها فينـي
شف حالتي وانت تدري عن سواياها
كني صويبن نصوه القوم غازينـي
واكبر عياله ثمان سنيـن ماجاهـا
يصيح يزهم علـى ربعـن مقفينـي
مافيهم اللي ثنـى خيلـه ونصاهـا
هاذي ترى حالتي بعد اريش العيني
اموت من بعدهـا واحيـا بلقياهـا
ارجوك تكفى دخيلك حل عن عيني
ونات جوفه حزينه حيـل ماقواهـا
وسلامتـــكم...
اخوكم /عــــــســــــــــاف
مواقع النشر (المفضلة)