يا مدور الحب وين الحب بارض العين
اهلييييييييييين انا عضوه جديده بامنتدى ذي اول قصه لي انشاء الله تعجبكم
يا مدور الحب وين الحب بأرض
الجزء الأول
في العين دار الزين وبتحديد في منطقة نعمه
في بيت سالم ( أبو خالد )
أم خالد (عايشة ) : ميري ....ميري .... ميري وصمخ
ميري : نعم ماما
ام خالد : جهزي غرفة خالد فديته اليوم بيوصل من مصر .
ميري :أوكي ماما
ودخل أبو خالد الصاله
أبو خالد : صباح الخير يا أم خالد
أم خالد :صباح النور
أبو خالد :عيل وين حموده ما قامت بعدها ، أمس حاشرة عمرها تقول بقوم بدري علشان تروح ويانا المطار .
أم خالد : انت مصدق حمدة تقوم بدري ما تعرفها تحب الرقاد وايد
و خاصة في الاجازة ما عندها شغلة غير الرقاد
وشوي فكتوريا داخله الصالة يايبه الريوق وياها
أم خالد :فكتوريا خلي حمودة تنش بسها رقاد قوليلها تتزهب عسب نروح المطار
فكتوريا :أوكي ماما
(حمدة تروح الصف الثالث ثانوي عمرها 18سنة)
وراحت فكتوريا غرفة حمدة علشان تقومها
فكتوريا :همده همده يلا قوم ماما قول يريد يروح مطار بابا خالد اجي اليوم يلا
حمدة: اف شو تبي انتي بعد خلاص سمعنا روحي يعلج ما تردين ويا هالصوت
وتقوم حمدة من الفراش تغير ملابسها و تنزل تصبح على امها وأبوها ويروحون المطار
وفي السيارة
تقول حمدة: متى بتي لطوف من بوظبي
أم خالد: قايله بعد ما يطلع ريلها من الدوام
حمدة : يعني العصر
أبو خالد: حتى قوم عمكم حمد بيون العصر
ويرن موبايل ابو خالد
أبو خالد : ألو
مريم: ألو هلا ابوي شحالك
أبو خالد هلا بنيتي شحالج وشخبار راشد وسلوم الصغير (على فكرة مريم ولطيفة متزوجين ولاد خالتهن راشد وعبد الرحمن)
مريم الحمد الله كلهم بخير أقول أبوي ها وصل خالد
أبو خالد لا بعدنا في الطريج رايحين المطار
مريم: انزين بتلقوني اترياكم في البيت يله أبوي مع السلامة سلم على امايا وحمودة
أبو خالد: يوصل السلام مع السلامة
وبعد ربع ساعة وصلوا المطار وهم قاعدين في مكان الانتظار تقول حمدة : أبوي صدق عمي وعياله بيونا البيت ما من عادتهم !!
أبو خالد : هيه بيون انطبي وعن الهذربة الزايدة
حمدة :خلاص انطبينا أف
أم خالد: ما جنه هذاك خالد
حمدة :هيه والله هو
و هلت دمعة أم خالد
حمدة : الله يهديج يا امايا ليش لصياح ألحين
و شوي الا خالد ياي صوبهم قبل راس أمه وأبوه وسلم على حمدة وطلعوا من المطار رايحن البيت
وفي السيارة
يلس خالد يسولف عن مصر وربعه هناك و عن دراسته
وصلوا البيت ودخلوا ولقوا مريم تترياهم
وسلمت مريم على خالد
وهم يالسين كلهم في الصالة
تقول حمدة: هاه خالد اخوي حبيبي شو يبتلي من مصر
خالد : خيبة بعدج انتي ملقوفة
مريم :لا بعدها زادت لقافتها الحين وبعد طول لسانها
حمدة : اسمع أبوي شو يقولون عني
أبو خالد وهو يضحك لا كله ولا آخر العنقود حموده
حمدة : احم احم
ويقول خالد : أنا بروح أرتاح غرفتي
أم خالد: هيه نعم روح فديتك أكيد تعبان من ا
خالد: اوه قبل ما أروح أنام تعالي حموده خذي الهدايا
حمده: الا جذيه إن شاء الله روح يايه وراك
وراح خالد لغرفته علشان يرتاح وتبعته حمدة عسب تآخذ الهدايا
مريم:أنا بروح اشوف سالم جان قام من الرقاد وبروح اشوف الخدمات
شو بيسون من الغدا
أبو خالد :بقوم ارتاح سويعه لين ما تجهزون الغدا
وراحت أم خالد المطبخ لتشرف على الغدا كالعادة
وحمدة فغرفتها تنبش فالهدايا دخلت عليها مريوم شاله ولدها سالم اللي عمره سنة ونص
مريم :شو يالسة اتسوين
حمدة : انبش هالهدايا بصراحة ذوق خالد حلو شو فيه سلوم مبوز جذيه
مريم : الولد يوم شافج تخرع
حمدة ههههههههههه بايخة النكته مب حلوة طول
مريم : عيب عليج تكلمين اختج العودة جذيه
حمدة: لا ما عيب تراج قلتي أختي يعني أتكلم وياج بحريه تامه
أقولج ؟؟؟؟؟؟لا لاحرام أمزح ، أقول مريم دريتي
مريم : دريت عن شو
حمدة: عمي حمد وعياله بيون اليوم العصر
مريم : صدق والله
حمدة: هيه والله
مريم شو عندهم ما من العمر ايونا
حمدة: بيون علشان خالد راد من السفر
مريم : تصدقين يا حمدة من زمان ماشفتهم ولا حتى ليلى
حمدة أنا ما أشوف عير فطوم في المدرسة
مريم : ألحين فطوم أي صف
حمدة فطوم أول ثنوي
مريم: وليلى سنة ثانية جامعة وداشه هندسة معمارية صح
حمدة : هيه داشه هندسة
مريم : تصدقين ليلى ما شاء الله عليها فيها جمال غير طبيعي
حمدة : هيه والله ماشاء الله عليها وااااااايد حلوة
سلوم وهو يفتش في غرفة حمدة يطيح المزهرية من فوق الطاوله
مريم : سلووووووووووم شو سويت
حمدة : مريوم ابشرج هالولد بيطلع شيطان وااااايد ودلوع
بسم الله شفيه صاح محد قاله شي
مريم : اصلا ولدي مهذب حس بغلطته بروحه وصاح
ههههههههههههههههههههه حمدة ومريم يضحكون
ويلسن حمدة ومريم يسولفون ودقة الساعة ثنتين الظهر
أم خالد : حموده ...... حموده
حمدة: نعم امايا شو تبين
أم خالد : سيري قومي أخوج خالد وأبوج من الرقاد علشان يتغدون
حمدة : ان شاء الله
ودق جرس الباب
مريم : أكيد راشد وصل
فكتوريا......فكتوريا روحي شوفي من عالباب
وراحت فكتوريا تبطل الباب
راشد: السلام عليكم
مريم و أم خالد: وعليكم السلام والرحمة
أم خالد : تفضل ولدي قرب
راشد:دام فضلج
مريم : اشفيك اتاخرت
راشد: حصلت ربيعي فيصل في الطريج ويلسن نسولف ومضى الوقت ما حسينابه هاه سلوم حبيبي اشحالك تعال اشفيك من ضربك ماما تعال حبيبي تعال
عيل وين خالد ما اشوفه
مريم: الحين بيي
أم خالد : شخبار أمك وأبوك و إخوانك من زمان ما شفناهم
راشد : بخير الحمد الله يسلمون عليكم هم اليوم بيون عسب يشوفونكم و يسلمون على خالد
حمدة: السلام عليكم هلا و الله راشد اشحالك
راشد: بخير الحمد لله شخبارج انتي
حمدة: ما شي الحال
أم خالد:عيل وين خالد و أبوج
حمدة: الحين بينزلون
دخلو أبو خالد و خالد و سلموا على راشد
راشد: الحمد الله على السلامة خالد
خالد : الله يسلمك
راشد شخبارك وشخبار الدراسة في مصر
خالد :والله الحمد الله الدراسة وايد زينة هناك ومصر تسلم عليك بعد
راشد: لازم تقول جذيه ترى مصر أم الدنيا
خالد : أكيييييد
راشد وهو يقول بصوت منخفض لخالد شو شخبار البنات هناك أكيد طايحات عليك طيحة
خالد :ههههههههههههههههههههه الله يقطع سوالفك يا راشد انته بعدك ما تبت عن هذي السوالف
راشد :الله يهديك يا خالد ليش ما يبتلي وحدة مصريه من هناك ترى المصريات حلوات وغراشيب
مريم : احم ... احم رااااشد تراني أسمعك شو تقول
راشد:أنا ما قلت شي اسألي خالد بعد
خالد: لا أفا عليك ما قلت شي أبد
فكتوريا : ماما حطيتوا غدا داخل مجلس
أم خالد : يله تفضلو تغدوا
ودخلو يتغدون الحريم رباعة والريايل رباعه
وبعد ما خلصوا غدا خالد وراشد يلسوا في الميلس يسولفون وحمدة و مريم دخلن يرقدن وابو خالد وام خالد يلسو يسلفون في الصالة
العصر الساعة أربع
قاموا كلهم يصلون العصر
وبعد شوي دخلت لطيفة هي وعيالها وريلها
وسلموا عليهم ويلسو يسولفون وراحن البنات يجهزن في المطبخ لان عمهن وعياله بيون وبعد نص ساعة يو قوم عمهم حمد
أبو علي (حمد)وعياله : السلام عليكم
الجميع : و عليكم السلام و الرحمة
وسلمن البنات (ليلى وفطوم وخولة) على عمهن
وراحن البنات فوق ويلسو الريايل في الميلس
(في الميلس )
أبو خالد : هلا و الله بأخوي حمد شخبارك
أبو علي : بخير الحمد لله يسرك الحال
أبو خالد: وانت علي شخبارك من زمان ما شفناك ما تقول عندي عم بزوره بسلم عليه حي ميت
علي : و الله الدراسه شاغلتنا يا عمي
أبو علي : الحمد لله على السلامة خالد شخبارك
خالد: الله يسلمك عمي الحمد الله بخير
ويلسو يتقهون و يسلفون عن المزارع والشغل وأما فوق يلسن البنات يعاتبن ليلى وفطوم ليش ما اين عندهم
مريم : شدعوه شسوينابكن علشان ما تينا
ليلى: افا عليج يامريم ما سويتو شي لكن تعرفين الجامعه وبلاويها
حمدة انزين وفطوم ليش لهلكثر المدرسة شاغلتنها
فطوم : ااااااااف ما تعرفين أول ثنوي ومواده الوايده والغلسه
حمدة : هيه والله صدقج
ليلى : اه بنات بسكن معاتب
وتدخل عليهن لطيفة وتقول: يا هلا ومرحبا بليلى زارتنا البركة والله
ليلى: هلا فيج
لطيفة : ليلوه تذكري أيام زمان يوم نلعب مع بعض ونتضارب
ليلى: ايام وااااايد حلوة
مريم : بنات شرايكن نروح حديقة الهيلي مع بعض
ليلى: فكرة واااااايد حلوه
ويمر الوقت والبنات يسولفن مع بعض
ام خالد :ليلى يلة بنيتي بتروحون
ليلى : ان شاء الله
خوله طول الوقت ساكته وتسمع البنات ويوم قالو بيروحون قالت : لالالالا خلينا ليلوه نيلس
ليلى : شو عيبتج اليلسه
لطوف : خليها تيلس بتلعب ويا بناتي ( روضه وبشاير ونايف)حليلها ما عندها حد تلعب عنده
ليلى: والله علكيفها تبا تيلس تيلس ماحد بيقولها لا
ام خالد :وهذا مب بيت غريب هذا بيت عمها
ليلى : هاه خلود بتيلسين
خلود: هيه بيلس
نزلن البنات علشان يروحن يسلمن على عمهن وكانوا في الميلس او خالد وابو على وخالدو علي أما راشد وعبد الرحمن ريل لطيفه طالعين برع
ودخلن ليلى وفطوم وكانن ما متغشيات
ليلى تسلم على عمها يله عمي مع السلامة
و فطوم تسلم على عمها بعد
ليلى اطيح عينها على عين خالد
ليلى: الحمد الله على السلامة خالد
خالد : الله يسلمج
خالد منصدم !!!! ويسأل نفسه هذي ليلى الشريرة اللي كنت ألعب وياها زمان؟؟؟ خالد ما مصدق لان ليلى صارت حلوووه واااايد
خالد: شخبارج انتي
ليلى: الحمد الله بخير
وتسلم فطوم على خالد ويطلعون من بيت ابو خالد
ابغاااااااردود مثل الفل :189[1]:
رد مع اقتباس
مواقع النشر (المفضلة)