/؛/ دمـوع الـرجـال /؛/
[align=center]السلام عليكم ورحمة الله وبركاته
قصيده لمدغم بوشيبه السبيعي ..
كل قصيده ولها سالفه وسالفت هذي القصيده ..
انه مدغم مره سأله محمد جارالله السهلي ..
ليه إنت دايما قصايدك حزينه ولا عمري شفت دموعك ؟
فرد عليه وقال مدغم :
دموع الرجال أغلى من ارقابها !
وعليها .. جت فكرة القصيده
\
\
\
يقول :
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
الغالي اللي يبي مني دموع اعتذار=ماقال لي عن دوافعها والا اسبابها
ان كان وده بموتي مت ذاك النهار=والادموع الرجال اغلى من ارقابها
غبن الهزيمه يروح بلذة الانتصار=الا الهزيمه بذل احباب لحبابها
لاوقفت سكتك وسنين عمرك قطار=اول ماتبدا من الطعنات تبدابها
الجاره اللي تعاملها بحسن الجوار=لاشدو البدو واطنابك على اطنابها
وانا كذا لاسدلت نفسي عليّ الستار=في وجه ليل يسوق الشمس لغيابها
اعدد اسماي لجل ان مرها الانكسار=يضيع فيها ولااخطاها ولا صابها
والاترا اسمي حقيقي واسمي المستعار=مامنه ثاني بأسامي الناس والقابها
لو ان للقلب غير الذكريات اختيار=اللي توقفبه الخطوه على بابها
ماكان خلاني اعرف قيمة الانتظار=والخوف من قول وداها ولا جابها
اكبر على الحزن لايجرح وقار الوقار=واقرا تعابير من حولي ولا القابها
الا احتقار النفوس وما اصعب الاحتقار=من عين تنبت سهوم البغض باهدابها
ياليت ربي ليامد البشر .. بالعمار=مايعطي العاشقين اعمار .. تشقابها
يخصهم عن سواهم .. بالعمار القصار=مايمدي الحزن يمكنها .. وينتابها[/poem]
\
\
\
تحيتي[/align]
رد مع اقتباس
مواقع النشر (المفضلة)