[align=center]السلام عليكم ورحمة الله وبركاته

حضور متواضع اتمنى ان ينال رضاكم واستحسانكم :

لمن يسأل عن حالي واحوالي اقول له :[/align]

[poem=font="simplified arabic,4,black,bold,normal" bkcolor="white" bkimage="" border="solid,4,darkblue" type=2 line=0 align=center use=ex num="0,black"]
الحال ياللي نيتك تعرف الحال=كانك تبيها قلب .. ولا لساني
الحال بلساني من العال للعال=والحال في قلبي ترى حال .. ثاني
والضيق بمحياي ماجاه مدخال=تكسر مجاديفه صخور الأماني
المشكله فالجلسه اللي مع البال=لاصارت عيون العرب ماتراني
يطري علي بين المواويل موال=واعزف على اوتار الحزن في ثواني
لاصال عمري في دجى الليل او جال=احاسبه في كل ماكان .. كاني
ولا أشكي على دنياي تبديل الاحوال=أحاول أكسر كل شي ٍ عصاني
يوم التمني ماوفى دين رجال=(( وياليت )) ماتبني عظيم المباني
أقوم للدنيا لوحمولي ثقال=لأجل يتكلم في زمنهم .. زماني
هاذي تراها علوم من واقع الحال=يالله عساها واصلتك المعاني[/poem]

[align=center]وسلامتكم .. احساسي صادق[/align]