ما الحبّ // (إلا للحبيب الأوّلي)
[poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أكذب بيوت الشعر // بيت اللي يقول =ما الحبّ // (إلا للحبيب الأوّلي)
وأكبر دليل // إنك معي (أربع فصول)=وألغيت كل النااااااس//(ياريحة هلي)
ألغيتهم //وأنا أحسب إن مالي ميول =إلا ( لأول حب) // بالقلب الخلي
بس إنت // ماخليت للماضي قبول =وعلمتني بالحب // مقدار جهلي
وسميت بإسم الله عليك من (النضول)=واللي يهدم البير من فوق الدلي
(هلا هلا ) // (يافزّة الظبي الجفول)=يامن لك الخافق.. يفيض //ويمتلي
(حقّي عليك)//(تحبّني حسب الأصول)=وإن كان أنا ماوفيت لك// (حقّك علي)
أشغلت فيك الناس// وأصحاب العقول=ماغير أسولف عنك وأفليها فلي
سمّوني المهابيل //(مهبوووووول)=وأنا هبالي لك //وثقل العقل لي
وش لي !! لاوالله مالي شيء موووول=ياموووووول عن شعب الإمارات أوملي
(أخذتني كلّي) وأنا كلّي ذهول =مدري (غلا)!! ولاّ (غلو)!! ولاّ (غلي)
مثل (الخليفة) والأمه (ذات الحجول)=يوم سمعوا صوت صفير البلبلي
مالك سوى تآمر //وأنا لأمرك عجول=حتى ولو أمرك (هدم مستقبلي)
أقول (إيوه) وإن بغيت (الإيه) أقول =ولاّ على قولة هل البصرة (بلي)
معك//معك//دايم!!ورغم أنف العذول=(أعلن موافقتي) !!وشرطي مايلي
(إنّك ترضّاني) إليا (جيتك زعول)=وإنك (تزعّلني)!! إليا غاب زعلي
وإنك (تقاضالي)!!من (الرمش الكسول)=وإنّك (تلحّفني) (الجديل المخملي)
مانك موافق زين (يالظبي الجفول)=باقي معي كلمة!! بصدري تصطلي
تبي الصراحه عاد صاااادق من يقووول =( ما الحب ) // إلا (للحبيب الأوّلي)[/poem]
الشاعر مطلق النومس العنزي
رد مع اقتباس
مواقع النشر (المفضلة)