ما دريتي
انك البارح طغيتي
وابتديتي
فالخفوق ولا انتهيتي
مادريتي انك أرحم هم زار
وانك أكبر شوق ..ثار
وانك أطول .. انتظار
وانك اجمل سالفه في مجلسي قبل النهار
كان شوقي لك صبر
وكانت اللحظه عمر
وكانت اطراف الامل في داخلي نار وجمر
وانتشر حبك على كل الثواني ..والاماني والقدر
مادريتي؟
يالعيون الساحره
انتي اجمل حب عندي
واصدق اصدق من جروح ضامره
وكال هالشوق انتهي فيني سهر
وكل هالحب ابتدى فيني نهر
ابتدى فيني طيور مهاجره
سرب حب .. كله طيور خضر
وسرب خوف .. من الطريق وآخره
م . ق
مواقع النشر (المفضلة)