قصيده للشاعر / ناصر النفيعي في الشيخ / محمد بن زايد النخيش
بسم الله الرحمن الرحيم
السلام عليكم ورحمة الله وبركاته
أقدم لكم هذه القصيده للشاعر/ ناصر النفيعي عندما تشرف بزيارة الشيخ / محمد بن زايد النخيش رئيس مركز البجادية
يوم الأربعاء 12 /12/ 1429هـ فقال هذه الأبيات :
[poem=font="simplified arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماجور يامن حط وسمه وعرقاه=على البجادية وابوها بجادي
سلّم ثمنها بعربي حر وجناه=يوم الحياة امراس ضيق وجهادي
عد ٍ طروش البدو تارد على ماه=وارض ٍ فلا وحزوم قشع وعرادي
كم واحد لو المرض ينهش اعضاه=يمر موضوع امرضه شئ عادي
قالوا مريض وقلت وجدي ياوجداه=يااهل البجاده حضر والا بوادي
والنير وديانه وسائر قراياه=واقصى عقب جنوب يم ابن هادي
ومن مخنق اخنوقه اليا راس شهباه=لطلح طلحة والقوازين غادي
من راس مسعودي وهند ٍ محناه=ابناء البسايس عد وابناء الزيادي
سبع القبائل بالاسامي مسماه=اهل الظفر والجود علم ٍ وكادي
مدام ابن زايد عنا وقته اضناه=قام المرض يرعاه رعي الجرادي
ان طاح ابن زايد تبا تشكي الآه=والله لتونس من صديق ومعادي
هزعة وجزعة واحتقار ومعاناة=فأول شهر غرّّا وتالي جمادي
الشائب اللي نهج دينه ودنياه=سيرة فخر عبير مسك وزبادي
ريح ٍ على ظلم المنافق وعجفاه=اليا ظهر فالعلم حادي وبادي
اليا احتدى المعصار ياسرع ممشاه=واليا غضب واليا احتدم سيل وادي
من دون ربعه ماتضعضع ولاتاه=ولاعليهم يوم مال متحادي
لوشاف في ربعه جهاهيل وعصاه=مهما الخطا ناشه على غير قادي
ماشاور الرديان رعّاية الشاه=ولايصغي اذانه لهرج الدوادي
ولايلتفت لا اقوال هذا وهذاه=شوره براسه كالزعيم القيادي
العلم منه اليا دعى الداعي الياه=ابو فهد واليا حدى العيس حادي
شيخ ٍ وكل ٍ يظهره فعل يمناه=ماهيب شيخة ختم والا شدادي
اتهوم فعله روس ناموس وجباه=وتقصر طوال ارقاب وطوال ايادي
لعدوا الشيخان كل ٍ ومركاه=سجله التاريخ ماله ملادي
ماهو فقط زود ابن زايد على اباه=على جبر وشيوخ بالطيب زادي
خالي وحاضي ماينوبه ماخلاه=وفي حبه ومدحه فلانيب غادي[/poem]
الشاعر / ناصر النفيعي
رد مع اقتباس
مواقع النشر (المفضلة)