:: عفا الله عن خطا غدر الخناجر والضلوع ابطال ::
عفا الله عن خطا غدر الخناجر والضلوع ابطال
بـ اسامح واتركك تحت الظلام الحــــالك لـِ حالك
دخيلك وفـــرّ دمــوعك ترى هـــدر الدموع اذلال
وترى مــا فيه أحد يصبر مثل صبري بـ غربالك
انــا عيـــب ٍ علي انقـــض كلامي والرجال أفعال
وإذا قلــت اقطـــع حبالك ... تراني بـ قطع حبالك
عشان اكسب هدب عينك تجرعت العــذاب أشكال
وليتــك تراف بـ حالي ... علشــان أراف بـ حالك
مسـوي فـــي حياتي شـــي مــا يذكر ولا ينقــال
حشـى العــدو (وهو العدو) مــا يعمـــل أعمـــالك
تمسيني على الهـمّ ... وتصبحنــي على الغربال
تقلطنـــي فناجيلــك .. وتقصــــر عنـــي دلالــك
تحملّت التعــب لجلك .. وانـــا حملي يهــد جبــال
رحلت من العـــذاب ... وما وقفت إلا علــى جالك
عــلامك كـل ما اجيك متواضع .. جيتني تختال ؟!
معــاك اليّا متى بـ اصبر وصبري معك يحلى لك؟!
مثــل مــا اقبلت لـِ عيونــك لـزوم تلــدلـي بـ اقبـال
ومثل ما قد حشمتك .. حسّ.. واحشم قلبي اشوالك
انـــا محـد ٍ بجــابرني اســـاير معـــك هـ المنـــوال
تــرى لانـي تبيــع ٍ لك .. ولانــي بـ أصغــر عيـالك
انا جيت أعشقك نبض ومشاعر .. ما اعشقك تمثال
انــا جيــت أسكنـك واحيـاك وابقــى فيـك وابقـى لك
انا جيت ابـ ظمى عاشـق تعــب يطرد ســراب اللال
انا جيــت استفــز رضــاك مــن فـرقــاك والجــا لك
انا مــا همــت بك عاقل .. انا كنت اعشقك بـ خبال
انا مــا كنــت احبــك حـي .. انا كنت اعشقك هالك
تخيّـل مــن كثــر مــا أخـاف تلقــى للزعل مــدخال
اخـاف اخطـي على طيفك وادوس بـ رجلي ظلالك!!
تبعتــك والعــــرب تتبــع رعــود البــارق الهمّــال
وانــا شفــت المطــر يتبعك فـــي حلك وتــرحــالك
كــأن اللي خلق حسنـك خلقني مــع جســدك ظلال
وصــرت اقرب جسد يمشي معك بـ اقفـاك واقبالك
ابــي قلبــك يحـسّ إنـــه فقــد بـ محبتــه رجـــــال
ملكته من (هدب عين) وخسرت رضاه بـ (إهمالك)
صحيـح إن الفــراق أقســى ولكــن الوصال مُحــال
وانا صعـب ٍ علـيّ أرضــي غرورك وأضعف قبالك
بعــد مــا حققـــت عينـــي فــِ بُعدك للـرقــاد آمال
اعـــوّد للسهــر!! يــا خــوي فــال الله ولا فــالك
ببدل نظــرتك فيني .. واجي لك كل يوم بـ حال
بـ اكــون اقــرب مــن ثيابك عليــك ولا اتهيـــالك
بالّمك وانثرك واجمعـك وارجــع انثــرك بـ إهمــال
بـ اخونك وازعلك وارضيك وازعل منك وارضى لك
ابرسم بـ الثرى وجهـــك وابدفــن صــورتك بـ رمال
ابشكــي للعـــرب فــرقاك .. واضحك عنــد عــــذالك
ابهــديك الوصال فــراق ... واهديك الفــراق وصال
بـ اسوي مثــل ما اشوفــك تسـوي .. وافعل افعالك
عشـان تعرف من فينا (الزعول) ومن (وسيع البال)
ابيــك تــذوق فنجـــالــي ... وانــا بـ اذوق فنجــالك
نصيحه واحتفــظ فيهــا قصر معـــك الزمن او طال
ابــي تسمــع كلامـــي زين وتحطــه علـــى بـــالك
إذا حبك هبال أطفال !! إلك عنـــدي هبــال اطفـال
ولا وابشـــر بعــد بـ هبــال حــب ماهـو بـ هبالك
واذا قصـــدك تهين إسمي عشــان تشمت العذال!!
حشى لا انـت ولا غيــرك ولا عشره مـن اشكــالك
[rams]http://www.6rbtop.com/library/resources/7amed-zead/Collection/listen/17603_hi.ram[/rams]
[align=left][/align]
أتمنى إنها ترقى إلى ذااائقتكم الشعرية الرااااقيه
دُمتم في حفظ الله وأمنه**
رد مع اقتباس
مواقع النشر (المفضلة)