[align=center]
السلام عليكم ورحمة الله وبركاته
حروف متواضعه واتمنى ان تصل لذائقتكم الجميله [/align]
[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عليك الحزن يا ورد الحدايق ماهو بــ لايق=حرام الدمع يذبل من شجونك حرّق جفونك
متاهات الأمل لو هي غلايق ماهي بـ عايق=تبسّم يمشي الدرب لعيونك, نوره عيونك
وسولف للسما وتصير رايق وانت متضـايق=وغنّ, ترقـّص نجومه لحونك واعذب فنونك
ومن غيمه على غيمه تهايق حسنها الفايق=وعبّر عن مشاعرك ويجونك ويتبنّونك
وسافر مع ضميرك بالوثايق عينك توايق=على بحرٍ ليا خايل ردونك هلّت مزونك
توقّف عند شطآن الحقايق, والوفى سايق=وناجِ اللي جروحه عن طعونك مايناجونك
تعال أفصح لمحبوبك, تضايق ماهوب بــ طايق=مهوب انصاف محبوبك يصونك تبخل بعونك
لا تترك للوهم فرصة دقايق لنـّه البايق=يبوق أجمل لياليك, ويخونك ويخطف لونك
تفائل, واحلم, بكل الطرايق حلمنا فايق =على الله لا تسايرها حزونك والبدر كونك
ولا تهتمّ لو ولّع حرايق قلبي التايق=يموت ويحترق ويذوب من دونك ومن دونك
عليك الله يا ورد الحدايق والدلع لاااايق=عليك الله يحفظ لي عيونك لا يحسدونك[/poem]
[align=center]
وسلامت قلوبكم
اخوكم
بدر بن تركي العتيبي
[/align]
مواقع النشر (المفضلة)