..{ أبيك .. ولا أبي غيرك .. على صدري ينام }..
السلام عليكم ورحمة الله وبركاته
صباح / مساء الزهر }..
أبيك و ما أبي غيرك على صدري تعال ونام
أبيك ويشهد الباري ملكت أرض الغلا فيني
أغيب أيام وارجع لك بشوقٍ يحتريك أعوام
بعيد لكن بروحي سكنت وضمتك عيني
ثلاث أيام من عمري كتب موته بعد ما قام
ودمع العين يا ويلي يدق الباب ويلفيني
أنا من رحت حلت بي هموم ٍعشتها واسقام
ملت روحي يا روح الروح..حضنت الموت بيديني
ملامح لهفتك تضوي سماي وقلبي لاأبد ما رام
يا كود تمره بليله وتشعل باقي سنيني
تزاحم في الحشا نبضي وتسكن في المنام أحلام
تمنت تلتقيك اليوم ومدري كان يمديني
أنا لا قلت فمان الله أحس بخافقي سهام
تزيد طعونها وتغرس ألم واحزان تكويني
تقول اليوم تعال لي دخيلك عجل باقدام
خطت فوق الثرى تنوي بعادي بس يكفيني
دخيل الضمة واللمة (فديتك)(عمري) وانت الهام
يحرك خافي أشواقي وبعد الموت يحييني
طلبتك لا تغفي عينك على ليلٍ حلف ما ينام
تراني يمك وحولك أسقي بك شراييني
تصدق كل كلماتك حلا منثور وريح خزام
تعطر خافقي ومعها أضيعها عناويني
أحبك والغلا يشهد وحرف يشتعل واقلام
تخط بحبرها أعذب قصيدة في دواويني
مما أروى ذائقتي فـ احضرته ..
و لكم الاحترام
رد مع اقتباس
مواقع النشر (المفضلة)