لــيــلــة ســرمــد يــه
ليلة سرمدية
[poem=font="traditional arabic,6,black,bold,normal" bkcolor="transparent" bkimage="backgrounds/39.gif" border="double,4,gray" type=1 line=0 align=center use=ex num="0,black""]
ياليل لوتسمح تحيرإشويه=طول نبا نؤجل إطلوع الصباحي
ياليل أبيها ليلة سرمد يه=حتى تكون إلرغبتي مستراحي
أرتاح في ليلي ونفسي رضيه=تحت الظلام أسهروألملم إجراحي
النوم مافاد القلوب الغبيه=اللي تنام إليا النهارالضياحي
تنام فيه وتصبح الصبح هيه=بالنوم مافازوا إبلبس الوشاحي
أسهروأنام ولا تغيرعليه=إن نمت ولا كنت بالليل صاحي
أنا أنا مازاد بيه إبليه=إسمي وجسمي في مجي ومراحي
مامن نقايص لوثمين الوقيه=أنا أنا كلي كمال ونصاحي
ماشفت أنا بالسهرللعين سيه=أسهروأتابع بالنهارإنشراحي
مابذني غيرالحبيب وحيه=يوم أبعد وبه وأبعد الشوق ناحي
أبعد هوايه وأتلف الروح غيه=غاوي خفوقي للغلا مستباحي
تلعب به الأشواق لعبه خفيه=وإجرام خلي في غلا يه مباحي
ياشوق ياللي ساطي بي كيه=وش تنتظرياسيد كل الملاحي
لأجلك إلياحلت عليْ العشيه=فارقت نومي من تزاعج إنياحي
لا تحسبني حالتي مخمليه=هم وكدرفاقد هناي وصلاحي
إن كان ماعندك إبحالي دريه=خوذ الخبرمني سليم صحاحي
عايش بعدكم في حياة شقيه=شربي تغثرب عقب شرب القراحي
آرد على بيرلقيته صريه=وآروح أدورميركله ملاحي
مراتع الغايات ماهي مريه=من غيبتك كله عليه إشحاحي
يابنت كنك بالموده ذكيه=قلبي معك يابنت للبعد راحي
مابي إلغيرك بالهوى مقدريه=عقدي مع اللي غيرودك سفاحي
كلمة غلا يه في غلا كم جريه=آقولها من جد خوذي صراحي
أمطارحبك ياغلا موسميه=بالروح عنها هجعن الرياحي
لغشونها إبنفس الرضا مرحبيه=منها أعشبت بالجاش كل النواحي
ماأظن عشرة صاحبي مصلحيه=حب ونقا منقي وداده سماحي
بعض الغلا في ودها بربريه=تورد وتلقى جم رسه ضحاحي
للود الأ قشر ماعليْ مشرهيه=ملزوم عن غيره إنتابع إكفاحي
لوكلف المجهود ألا واهنيه=وشعاد لوبعدن عليْ المشاحي
يدفع مرادي حب كله غريه=للصويْحب كنه ظبي البياحي
لوبالمشاري جبت خلي شريه=المال من شانه رخيص متاحي
بس إنتظر ياليل لحظه إشويه=إصبر إلياما إنشوف نورالصباحي
[/poem]
ملك القوافي
رد مع اقتباس
مواقع النشر (المفضلة)