{}{...قابلتها صدفه مـا بيـن الدكاكيـن ...}{}{
السلام عليكم
قصيده لـ/ شاعر سداح العتيبي
[poem=font="simplified arabic,5,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قابلتها صدفه مـا بيـن الدكاكيـن=لا نـي مواعدهـا .. ولا واعدتنـي
طرقي ولا لـي حاجـة ٍ بالمزاييـن=بسم الله الرحمن من ويـن جتنـي
قامت تشيـل العيـد بعيونهـا ليـن=لمحتهـا وبسلهـمـه عايدتـنـي
من رزة البرقع .. ومن نظرة العين=مدّت سلـوك الكهـرب وكهربتنـي
فيها الجمال الأنثوي بيـن قوسيـن=بسهومهـا وأقواسهـا صوّبتـنـي
سكبه ونكبه مثـل نكبـة فلسطيـن=مبعد عـن النكبـات ميـر أنكبتنـي
يا كثر ما فيها من الملـح والزيـن=يـا الله تعدّينـي خطرهـا نصتنـي
تمشي على نغمـه بوحـده وثنتيـن=حتى عطتنـي راسهـا وأنطحتنـي
قالت يا سداح العتيبي علـى ويـن=كـذا بـدون مقدّمـه فاجأتنـي !!
وقمت أتصيقه وأنظر يسار ويميـن=وبغت تطيح عمامتي فـوق متنـي
وأقفت وأنا أدوّر جـواب السؤاليـن=وش كان مطلبها .. وكيف عرفتني
[/poem]
تحيتي لكم
حـــيران
رد مع اقتباس
مواقع النشر (المفضلة)