إلى كل حبيبين
إلى كل حبيبين ربطهما رباط الحب والعشق.. أصبحت حياتهما متعلقة ببعضهما ..ولكن ظروف الوقت لاتبقي شي على حاله فلابد من لحظات يضيق بها الصدر وتتكدر فيها الأفراح لذا أهديهما هذه الأبيات ...
يضيق الصدر.. لاشفتك.. حبيبي تمسح دموعك
ترى مااقوى على حزنك.. لك الله لاتبكّيني
حبيبي للفرح دايم.. أبيك اتوّقد اشموعك
وأبي زولك.. وأبفرح به.. لو إنه مايدانيني
وش اللي صار باحوالك.. طلبتك قول موضوعك
إلى هالحد تغليني.. وماودك تعنيّني
تعال وشوفها أحزانك.. بَنَت في روحي افروعك
هدمت أفراح من شانك.. وماتن بي بساتيني
حرام أرتاح في نومي.. إذا ما ارتحت بهجوعك
قسم بالله ما أخونك.. مدامك حيل تغليني
تراك النور لعيوني ..طلبتك جود بطلوعك
أنا المجنون والتايه.. وليل الهم معميني
ومدامك مكسف وذابل ..وزايد ياسك وروعك
أنا لامن دخلت الويل ضايع.. من يقدّيني؟!
وليل من الفرح يبكي .. يبيك اتجود برجوعك
وهمّاً ياتلف حالي.. كفر بي.. لاعباً فيني
حبيبي وش تبي قلي.. أنا كلي رهن طوعك
علامك يابعد عمري.. حزين وماتحاكيني
تعال وخذ من اشعاري.. تسّلا عطني اسموعك
وإذا ماجاز لك شعري.. حرام اتخطه ايديني
تبي قلبي ترى جالك.. رحل لك ..داخل اضلوعك
تبي روحي ..تبي فرحي.. تبي مالي.. تبي عيني
حبيبي جيتك ابدمعي.. وودي تمسح ادموعك
أنا غصّتني العبره.. دخيلك لاتبّكيني..!
زمن الوفاء
رد مع اقتباس
مواقع النشر (المفضلة)