بسم الله الرحمن الرحيم..
هذي ثالث قصيدة لي واهي أول قصيدة كتبتها بدون وزن
وشاورت فيها الاستاذ / ظميان غدير ..
وبعد إذنه بأنزلها قبل وبعد التعديل..
قبل الوزن:
من قديم الوقت وحنا في جدال..
لطلبتك عشق تعطيني ألم..
الرضا منك صعب المنال..
ياماذاق منك المر قلبي وانظلم..
وكل مانويت أشد عنك الرحال..
تجي تتوسلني تبي مني السلم..
دام ماتعتبر الحب من سلوم الرجال..
ليه تخط لي أحبك بأطراف القلم..
وتعيشني بدنيا كلها أحلام وخيال..
وفجأة تصحيني بصد "أنت في حلم"..
لعنبو حيك إن كان هذا دلال..
أجل ذوق من مري ويوصلك العلم..
أنا لا حبيت وفيت وأهديت الوصال..
ولا أقفيت صديت وأهديت الألم..
بعد الوزن:
من قديم الوقت وحنا في جدال
لي طلبتك عشق تعطيني ألم
الرضا أصبح علي صعب المنال
ذقت منك المر والقلب انظلم
وكلما أنوي اشد عنك الرحال
جيت تتوسل تبي مني السلم
دام ماهو الحب من طبع الرجال
ليه تكتب لي أحبك بالقلم
ليه تعيشني بأحلام وخيال
ثم تصحيني وأنا وسط الحلم
يا حبيبي كان هذا من دلال
ذوق مري ثم يوصلك العلم
لو أنا بأهوى بأهديك الوصال
ولو انا باقفي بأهديك الألم
وسلامتكم..
مواقع النشر (المفضلة)