مات الجمر وقلوب الأحباب حيه
مات الجمر وقلوب الأحباب حيه
والموت لا ماتت قلوب الحبايــــب
العام كان لي من الأحباب ميه
وقت الرخا لكن جفوا بالنوايــــــب
لاهنت يا قلب شكى من خويه
كم راس من طعنات الأحباب شايب
مرات أقول أن الخبل يا هنيه
ولقيتهم يشكون من ظلم القرايــب
ومرات أقول أن النذل نارهم حيه
وأثر النذل في بعض الأوقات صايب
يانفس شيليها على السامريه
شيلة طرب ماعاد فيها طلايـــــــب
وش لي بتنبيه القلوب العميه
وحنا بهب الدنيا دروب وركايـــــــــب
أبتغزل في هذيك البنــــيــه
بنت تفـل القلب فل الذوايـــــــــــب
كم بعثرتني واجمعتني هنيه
بنفس المكان اللي جمعنا غرايــــب
يا ضعفها معهم وعندي قويه
منها غدا ثلثـــين قلبــي خرايــــــــب
مرباعها بين القلوب الشقيه
ومقياضــها بين الجروح القطايـــــــب
مأقول زينها يذبح بس هيه
تلفت لها قلــب عن الحــب تايــــــب
تلفت لها عود عن الحب تايب
ما أقو مغروره ولا هي حليه
فيها طلع طفـــل تبــــناه شايــــــب
جمال نجد وفتنة حايليه
وش جمع الثنـتين فيها عجايـــــــب
إليا أقبلت بين حسنات وسيئه
يا كثر ذنوبي بين طيب وغصايــــب
وإليا ادبرت فيّ دمعتين نديه
قلب معاها وقلب في الصدر ذايب
راح العمر مابين روحه وجيه
ياكثر غلطاتي ولانـــي بهايـــــــب
شب الجمر ما دام الأشواق حيه
وطف العتب والعمر ضحك ومصايب
للشاعر حمد السعيد
رد مع اقتباس
مواقع النشر (المفضلة)