السلام عليكم ورحمه الله وبركاتة
جرح الصداقة
كل ما بنيت الحلم فالقلب وكمل .:. .:. .:. قبل اعلنه يظهر صدى عداوته
واضحت همومي من ورا الخافق همل .:. .:. .:. واحجامها حسب الوضع متفاوته
وانا العزيز إللي تشبث بالأمل .:. .:. .:. عسى يشوف من الزمن طراوته
درس الحياة القاسيه لو اشتمل .:. .:. .:. على الجبابر لا عرفوا قساوته
تلقى بعض تجارهم يمشي ثمل .:. .:. .:. مع الفقارى يرتشف حلاوته
والقاضي إللي في كلامه ما صمل .:. .:. .:. فاضي عمل مسترسل ب فضاوته
قال المثل خلى الجمل إن ما حمل .:. .:. .:. صافح عدو وان ما يمين(ن) قاوته
رجل ضلوعه للحمل ما تحتمل .:. .:. .:. يحرم على رجلي حشى ما خاوته
مثل النعامه راسها تحت الرمل .:. .:. .:. ومن ظلها تشكي مدى ضراوته
جرح الصداقه فالظهر ما يندمل .:. .:. .:. عيت سنيني كلها ما داوته
من كلمات سمو الشيخ حمدان بن محمد بن راشد آل مكتوم (فزاع )
القصيده تعني لي الشئ الكثير دئمن مارددها ....
مواقع النشر (المفضلة)