السلام عليكم ورحمة الله وبركاته
كيفكم عساكم سالمين وغانمين
اليوم يالحبايب سويت غدا لازانيا وقلت خليني اصور لكم im3
احم احم نخووووش باللازانيا
مولازم اكتب مقادير لان لكل شي مقاديره يوووه ماعرفت اشرح
تابعوا معي وانتوا شاطرين ومركزين
اولا نجيب اللازانيا ونحطها بصينيه ونسلقها مع مويه وملح وشوية ماجي ابيض وزيت عشان ماتتلزق
ولازم تحركينها بين فتره وفتره عشان ماتلتصق
وعقبال ماتنسلق نسوي الحشوه انا هنا سويت دجاج مفروم وتقدري تستبدلين بتونه او لحمه مفرومه
هنا كشنت بصل وثوم وحطيت الدجاج وحطيت ماجي وشوية صلصة طماطم
وبهرتها ببهار مشكل وملح وفلفل اسود وكاري وباربيكيا
وبعدين بشرت طماطم وحطيته عليه وخليته يتسبك تمام التمام
×××××××××××××
وبعدين سويت البشاميل عباره عن :
اربع ملاعق دقيق مع اربع ملاعق زيت وحطيتهم عالنار
وبعدين اضفت لهم اربع كاسات حليب وماجي وملح وفلفل اسود رشه بسيطه
ولما يبدا يثقل وتحسينه جهز تحطين عليه ملعقتين جبن سايل وتحركينه بسرعه وتطفين النار
×××××××××××××
هنا اللازانيا استوت وافضل طريقه تصفينها تسذا عشان ماتتلزق
نجي للصينيه اول شي تحطين بشاميل وبعدين تصفين اللازانيا
تحطين فوقها اللحمه وفوق اللحمه جبن موزاريلا وتحطين شوية بشاميل
ثم تصفين اللازانيا وتسوين طبقه ثانيه
وتعيدين نفس الطريقه
اخر شي تحطين بشاميل وترشين فوقه جبن وتدخلينه الفرن
وهنا بعد ماطلعتها ..
وهنا قطعتها وحطيتها بالصحن
وهنا اقرب
وخلاص تم الهجوم والحمدلله هع هع
وبالعافيه على قلوبكم ودمتم سالمين ..
مواقع النشر (المفضلة)