مساء السنآعة اللي ماتجي إلا أيام الاختبارات
أكيد كل وحده أختبارها السبت بتعرف وش طعم هالسناعة بهالوقت im22
طبعاً كل اللي معي للعجازين أمثالي وللعزابية بعد :24ar:
يعني خفيف خفيف وطعم حلوو وموش بطال
1
سمبوسة بالخضار
قطعي لك بطاطس صغير وجزر صغير وحطيهم بقدر صغير
ومويه على قدهم بس لانا مانبي باقي ولاشي من المويه في الاخير حطي ماجي أصفر مكعب واحد
وشويه مره ملح ، وشوي فلفل أسود وخليها لين تستوي im3
وإذا بدت تتشرب حطي عليها بازلاء خضراء < ليه قالوا لك فيه بازلاء ألوان
الموهيم قطعي فلفل حار احمر والا اخضر وشوي مره لا تتهورون بس عشان يطلع فيها حراره شوي :24ar:
هذا شكلها يوم خلصت
لفيها سمبوسه رمضان العادية
بس للأمانه موب أنا اللي لافتها الشغاله
والقلي أنا والله
وهذا شكلها يوم خلصت.
2
بيتزا الفطر بالخبز المفرود
جيبي لك مفرود وحده وحطيها بصينية كبرها
زي هيك
بعدين حطي عليها صلصة البيتزا الجاهزة تلقينها ببنده ادهنيها
وحطي طبقه جبن موزيريلا ولا أوصيك بالجبن صيروا كريمين im22
شغالتنا بتنهار وانا احط
تقهر وقسم كنه من فلوس أبوها ماعلينا
حطي مشروم شرائح عليه وفلفل اخضر بارد مقطع زي هيك
بعدين حطي عليه جبن موزيريلا بعد هيك
دخليها الفرن من فوق بس وهذا شكلها النهائي
3
فطيرة الزعتر والجبن
ذي عاد انا مخترعتها في لحظة جوع
نفس الشيء خبز مفرود بس ندهنه بجبن سايل بوك ، كرفت اللي تحبون
زي هيك
ونرش عليه زعتر شوي وبعدين جبن موزيريلا وبس ندخلها الفرن من فوق
لين تميّع وتتحمر زي هيك
ودخلوها الفرن من فوق تحمر بس مدري وين طست صورتها تخيلوها
الرتوش والتزيين ببقدونس بس
وبس جيبوا ببسي وجمعوا اهلكن معكم وكل شي يطلع يهبل :24ar::24ar:
وعذراً على الحوسه بالصور اصور بكامي الجديده وخايفه تتوصخ :*:24ar: < براا
وبس بالهنا والعافية على قلبي :24ar:
والله يوفقنا في امتحاناتنا يارب
مواقع النشر (المفضلة)