{•• اللي مايشتري يتفرج ••}

[جنونـ طفله]

مساكم الله بالخير والسرور والهنا

بمناسبة بداية كأس العام وتوافد السكان الى المباريات

وارتزازهم امام الشاشات طول اليوم عشان يتابعون المبارات

سويت كم طبخه وحبيت اجمعها في هالموضوع

>>> طيب الحين ابي افهم وين الرابط المشترك خخخخخ

الزبده عندنا اليوم اربع طبخات واللي هم ..

1/ الايدام الصيني

2/ مكرونه خاصه

3/ بيتزا

4/ بسبوسة الجالكسي..

نبدأ بالايدام الصيني ..

المقادير ..

فيليه صدور دجاج مقطعه مكعبات

جزر+ فلفل رومي + بطاطس مقطعين شرائح طوليه

بصل مقطع جوانح

صلصة الباربيكيو الحاره

صويا صوص

ملح + بهارات

الطريقه ..

ناخذ الدجاج ونتبله بملعقتين من صلصة الباربيكيو وملعقه من الصويا
ونضيف البهارات والملح ونحركهم ونخليهم حوالي نصف ساعه

بعدين

نحمس البصل مع زيت الين يذبل

ثم نحط البطاطس والجزر والفلفل البارد ونحط شوية ملح ونقلبهم ونغطي عليهم

انا ماحطيت جزر ماعندي خخخخ

بعد ماتلين الخضروات نطفي عليهم

نجيب قدر ونحط عليه شوية زيت ونحط الدجاج مع تتبيلته ونغطي عليه الين مايستوي

واذا استوى نحطه فوق الخضار ونقلب

واخر شي نسوي الصوص اللي هو عباره عن ..

ثلاث ملاعق زيت + ثلاث ملاعق دقيق ونحطهم عالنار ونقلب وبعدين نحط ملعقه صلصة الباربيكيو وملعقة صلصة طماطم ونقلب بسرعه ونضيف مويه على حسب غلظة الخليط

يعني نخليه وسط لاغليظ مره ولا سايل مره يعني متماسك ونضيفه فوق الدجاج ونقلبهم على نار هاديه الى ماتتسبك الطبخه

ونقدمها مع رز ابيض زي ماشفتوا ..

وبالعافيه ..

الطبخه الثانيه .. مكرونه بطريقه جديده

هذي ياحلوات مكرونه شفتها في احد المنتديات ومالها اسم سويتها واضفت لها بعض التعديلات

نحمس بصل مع زيت عالنار الين مايتحمر واضيف

(( دجاج مقطع مكعبات او تونه )) << على حسب الرغبه

انا هنا سويت تونه ^_^

بعدين نضيف كزبره وبقدونس مفرومين

وفلفل رومي مقطع مكعبات صغيره

والبهارات والملح والفلفل الاسود واقلب الخليط

ثم اضيف الجبن الشرائح + المايونيز >> تقدرين تستغنين عنه

واضيف كمان كريمة الخفق واقلبهم وارش عليهم شوية زعتر +الاوريغانو

بعدين اضيف فوقهم المكرونه بعد ماسلقتها بمويه وملح وماجي وزيت

واقلب الخليط الين مايتجانسوا واضيف عليهم حليب سايل اذا شفت المكرونه تلزقت مع الخليط

واخر شي نحطها بصينيه نرش فوقها شوية كريمة خفق وشوية جبن كرافت مبشور وتقدرين تستبدلينه بجبن شرائح ورشة زعتر ورشة اوريغانو

دخليها الفرن الين ماتذوب الجبنه وقدميها ..

وبالعافيه ياعسولات ..

يتبع..

[جنونـ طفله]

3/ البيتـــزا ..

نعجن العجينه كالتالي

ثلاث كاسات دقيق ويفضل دقيق كويتي

وملعقتين حليب بودره ورشة ملح وفنجان سكر

وملعقه خميره وبيالة زيت زيتون واعجنيهم بمويه دافيه

الى متصير لك عجينه لينه

خليها تخمر ربع ساعه

افرديها فردا مبرحا وحطي الصلصه فوقها واللي هي عباره عن

(( حمسي البصل مع شوية زيت وبعدين دقي ثوم وحطيه عالبصل وبعدين ابشري كم حبة طماطم

وحطيها عليهم وبعدين حطي مكعب ماجي + صلصةطماطم + كاتشب + شطه

ورشة اوريغانو + ملح )) وخليها لين تتسبك وحطيها فوق العجين

قطعي فلفل رومي حلقات وصفيهم وزيتون واذا حابه طماطم وفطر وبعدين رشي جبن موزريلا

والافضل تغرقينها >> انا انقهرت الجبن ماكفت خخخخ

وخلاص دخليها الفرن

وبالعافيه عليكم

4/ بسبوسة الجالكسي ..

المقادير ..

ثلاث حبات بيض

رشة فانيليا

علبة قشطة نستله

وبنفس العلبه تحطين

واحد ونصف العلبه سميد

ونصف العلبه جوز هند

وعلبة سكر ناعم

بيالة زيت

ملعقه كاكاو بودره

ملعقه نسكافيه

ملعقه بكنج باودر

وللتغطيه ..

علبة حليب نستله كبيره

حبتين جالكسي مربعات الساده

الطريقه..

نخلط المقادير السائله مع النسكافيه والكاكاو

وبعدين نخلط الجافه

ونحطهم بصينيه مدهونه يازيت يا طحينه سايله

وندخلهم الفرن

وبعد ماتخرجينها حطي عليها النستله وانتي وذوقك ياكل العلبه يانصها براحتك وابشري جالكسي واحد

ودخليها الثلاجه الين تبرد وقبل ماتقدمينها ابشري الجالكسي الثاني

وبالعاااااافيه على قلوب الجميع

وكذا خلصوا الطبخات اتمنى انها تعجبكم

[merci]

البيتزآ البيتزآ البيتزآ
يعطيك ألف عافية يآرب..,
ماشاء الله لايضرك مو غريب عليك ^^"

[شـ ـ ـ ــ ـ ـ ـذى ـآ]

وعليكم السلام

ماشاء الله تبارك الرحمن im3
ربي يحفظك جنو طبخات ذوق
وسهلات جدا:*
تسلم الايادي غلاي :24ar:
يعطيك ربي الغافيه والصحة يارب
+احلى تقييم تستاهلين كل خير :24ar::25ar:

[alzen57184]

ماشاء الله عليك :24ar:

احب الاكل الصيني :24ar:

بأجرب الايدام ان شاء الله

والبيتزا شكلها شهي جدااا


ربي يسلم ايديك ياعسل :25ar: