ياليت رأيكم يا لجنة التحكيم

[خرطوش]

انا خرطوش احب الشعر ولي محاولات :5ar:
بس ودي احد يقيم محاولاتي

بقول بيتين وش رايكم فيها هل هي موزونه او لا

هذا مره ورع في حارتنا دايم فوق الساس ( والساس هو الجدار اللي بين البيوت )
المهم الورع ذا اشغلنا يحذف ويقول كلام مش كويس

فهاضت قريحتي وقلت :

ياورع ياللي دايمن فوق فالساس ,,,,, حول لاصنك بالحصاه الكبيره
من كبر خشمك نحسب انك بلا راس ,,,,, شعرن ملفلف والعيون الصغيره

اصنك = يعني احذفك واطقك ماخوذه من الصن اي الطق وليس الصن المقصود فالبيلوت

من جد ابي راي اهل الخبره

[ظميان غدير]

اهلا يا خرطوش

بيتين حلوة وتدل على روح كوميدية وتعتبر شعر فكاهي
والبتين موزونة على البحر المسحوب

مستفعلن مستفعلن فاعلاتن

شوف التقطيع العروضي للبيت :


يا ورع يل: مستفعلن
لي دايمن: مستفعلن
فاعلاتان : فوق في الساس

والشطر الثاني على نفس الوزن

واتمنى تأخذ فكرة عن اسلوب التقطيع وتشوف الدورات عشان تتأكد من نفسك على صحة الوزن
في حال فكرت تطور موهبتك

تحيتي

[خرطوش]

لبى خشيمك ضميان غدير اخجلت تواضعي

انا ما اعرف التقطيع اعرف الحن البيت واغنيه واذا مشى معي زين وان مامشى ادري انه مكسور

[شموخ أنثى]

8
8

سيم سيم
احكم ع اي قصيده عن طريق اللحن
وبيتينك طرطوش رهيبات :24ar:
واصل :25ar:

[خرطوش]

شموخ انثى لبى كراعين قلبك
من جد والله انا ما اعرف التقطيع اعرف شل القصيده مشت موزون ما مشت فيها كسر :5ar:

حياك وبياك وشاكر لك على المرور

وبعدين ليش تعيريني تقولين طرطوش

انا خرطوش ابو الخراطيش