بسم الله الرحمن الرحيم
السلام عليكم ورحمة الله وبركاته
صباحكم / مساكم الله بالادب و الذوق و الشعر الجزيل
جايب لكم قصيده مضحكه ان شاء الله تنأل على رضاكم
[poem=font="arial,6,orange,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black""]
والله هذا اللي حصل قبل شهرين=في السوق وامي ياعرب هاوشتني
واجهت وحده حابكة رسمة العين=ورموشها من غير ذنب اطعنتني
البنطلون اسود وفيها من الزين=شي تعدى العقل لين اسبهتني
غير العبايه كتف والخالق يعين=ومخصره لا والله اللي انكبتني
صديت عنها وكانوا الناس لاهين=وابليس راودني وهي راودتني
وامي تفرج في الملابس على هوين=ماهي بيمي وفي المحل خابرتني
مشخص وكاشخ وانا ماني بشين=اعجبتها وهي والله اللي اعجبتني
هي اقربت مني وانا ارحب اهلين=ومن دون ما اشعر ياعرب صافحتني
وأصل المحل فخم ومقسوم دورين=ويم الدرج رجلين حظي خذتني
إلا امي تناديني ياورع رايح وين=وفكيتها وهي اطلعت وتركتني
قالت وانا امك انت ورع إلا الحين=وبشنطه معها زعلت ولمختني
وعمري تعدى فوق الثلاث وعشرين=ولازلت ورع في عين منهي أولدتني
وضحكت واتعوذت من هالشياطين=ومن نفسي اللي للردى طاوعتني
واستاهل اللمخه وكف وبقسين=وحسبي على اللي راحت وورطتني
[/poem]
تحياتي لكم
صلفووق
مواقع النشر (المفضلة)