ترى اثنينا والله بدونه نكسر الخاطر ..} لـ : عبدالله الظفيري

[вάит άℓάкάвя]

اقرؤوها بـ قلوبكم


.
.


علامك جيت ياقلبي وراجع خاطرَك مكسور ؟؟
................... أبد لاينكسر خاطرك دامه صاحبي جاير


أبي تنسى مبادئنا وتترك طبعنا المغرور
................... وأبي هالحين ترجع له.. وقلّه يطلب ويامر


وإذا جت عينك بعينه أبي تشهد شهادة زور
................... بأني مذنب ومخطي .. وقلبه ناسي وغافر


وقلّه لايخليني على حزني ( أبات شهور )
................... لأن الموت أشوالي وأنا من طبعي ماكابر


ولايفكّر يقول: (انسى وغيري بالبشر مذكور)
................... لأني ماخبر غيره / قسم بالله مو خابر


أحس اللي خلق زينه خلق باقي البشر ديكور
................... وأحس الورد لاشمه يميل وينثني شاكر


وربي هالبشر بعده هياكل والبيوت قبور !!
................... ولابه شي بالدنيا يجاري غيابه الكافر


حبيبي : يابعد كل الحبايب والزمان يدور
................... علامك ماتخاف الله تعال وشوفني.. ناااظر


ترى قدرك بعيني صعب أحصِرْه بـ غلا وشعور
................... أبي باصبعك تشّر لي وأجيلك وقتها طاير


ألا ياصاحبي القاسي بدونك هالحياة تغووور
................... ألا ياسبّة جروحي .. ألا ياحظي العاثر
: (

أحبك.. يامنى عمري وغيرك يمسك الطابور
................... أحبك يامولّعني وأذوب بـ صوتك الخاثر


أنا من كثر مااحبك أحس إني معك مسحور
................... فديتك خلني مسحور [ إذا تبقى لي الساحر ]


تعال وخذني بكيفك.. قصيد .. ولو تبي جمهور
................... فداك اللي قصدته أمس واللي بَقصِده باكر


لك الله وانت خابرني شجاع ولا علي قصور
.................. ولكن لو وصل أمري بيدّك... آآه ياسااااتر !!


دخيلك انتبه! لا .. لا.. تمادى مع رجل مقهور
............... ترى قهر الرجال أكبر من اللي تحسب وفاكر


أنا حبي معك والله عفيف + وطاهر + ومستور
................... حشا صعبه تلاقي قلب شروى قلبي الطاهر


إذا ناوي تجربني ترى وقتك معي مهدور
................... أموت بنار طغيانك.. ولاينقال لي صابر!


أمانه روح ياقلبي وأبي تضبط عليه الدور
................... أمانه طير له تكفى وأبي هـ الحين ياشاطر


أبيك تحب لي راسه وتنسى طبعنا المغرور
.................... ترانا اثنيننا والله بدونه نكسر الخاطر



لـ / عبدالله الظفيري


http://www.wata.cc/up/uploads/files/w-57c23f4b5b.mp3

http://www.mediafire.com/?ammzzbm50zg

[ظميان غدير]

بنت اكابر
قصيدة رائعة وجميلة
وتستحق القراءة....
تنقل لقسم القصيد المنقول
تحيتي

[ЯσŌ’σ7]

ترى قدرك بعيني صعب أحصِرْه بـ غلا وشعور
................... أبي باصبعك تشّر لي وأجيلك وقتها طاير


...




سلمت اناملكِ المتـالـقه..

انتقاء رائع..

ابدعتِ ووتميزتِ..

لـ قلبكِ:25ar:

[خَيَاليّه]

" مُختَلفْ هَذا الشَاعرْ بِ شُعورهِ العَذبْ "
صَحْ لِسانْه وَ أَشكركِ بِنتْ الَأكابِرْ عَلىَ رُقيّ الِإنتِقاءْ

[][دمعه يتيمه][]

صح ذوووقك يالغاليه

لاهنتي :19ar: