فمـان الله ياصـدق المشـاعـر والقـلـوب شـهـود

**كحيــــلان** · 08-12-2010, 05:34 PM

فمـان الله ياصـدق المشـاعـر والقـلـوب شـهـود
فــمـــان لله يـابــيــض الــنــوايــا بــيــنــك وبــيــنــي

فمـان الشـوق لا هبـت لـي الفرقـا سـواة الـنـود
واخذنـي يمـك احسـاس القصيـد اللـي يسليـنـي

ليـا حــرك سكـونـه طيـفـك الفـاتـن بلـيـن الـعـود
تـلـقــاك الـخـفــوق و جــــاك بـألـحـانــه يـغـنـيـنـي

تمخطر بالحشـا لـو الحشـا مـن غيبتـك ملهـود
الا واشـيـب عيـنـي مـنـك لــو ماشافـتـك عيـنـي

حصيلـي منـك غايـاتٍ حـداهـا دربــك المـسـدود
عـلـى جـيـش النـيـا يـمــك تسـرحـنـي وتظـويـنـي

تعبـت اخيـل بــراق الـرجـا واثــر الـرجـا مجـحـود
علـى لامـاك مضمينـي واحسبـه منـك مرويـنـي

نسيت اني مع الامـال اضيـع عمـري المحـدود
غـفـلـة بـطــول رجـوايــه وانــــا الايــــام تـطـويـنـي

توكـل وانقـض الليـل الطويـل بيـومـك المـوعـود
عسى الدرب الخضر دربك وانا لاعاد ترجيني

واذا مريت في بالك وشفـت انـي معـك موجـود
علـى هامـش حياتـك كــان بــك مـريـت تلغيـنـي

**ظميان غدير** · 09-12-2010, 12:25 AM

كحيلان
قصيدة رائعة وجميلة
رائعة المعاني...راقية الالفاظ فخمة
اشكرك عليها...
ملاحظة: إن كانت القصيدة من تأليفك يرجى كتابة اسمك تحت القصيدة
واهلا بك..

**كحيــــلان** · 09-12-2010, 12:25 PM

ياهلا بالغالي،،

القصيده لشاعر ملفي بن عون،

اكيد لاصارت لي اكتب اسمي،،

منورني واللهي

**خَيَاليّه** · 09-12-2010, 02:56 PM

" قَصيّدَة جَميّلة صَح لِسانْ شَاعرهَا وَ لَا هنتْ "
" تُنقلُ إِلىَ القِسمِ المُناسبْ "
تَحايَايْ /

**فيرست ليدي** · 10-12-2010, 04:15 AM

المشاركة الأصلية كتبت بواسطة كحيــــلان

فمـان الشـوق لا هبـت لـي الفرقـا سـواة الـنـود
واخذنـي يمـك احسـاس القصيـد اللـي يسليـنـي

تمخطر بالحشـا لـو الحشـا مـن غيبتـك ملهـود
الا واشـيـب عيـنـي مـنـك لــو ماشافـتـك عيـنـي

صح لسانك كحيلان
حياك الله ويا هلا فيك وفي نقلك:25ar:

الموضوع: فمـان الله ياصـدق المشـاعـر والقـلـوب شـهـود