السلام عليكم
اليوم ولأول مره بنزلكم حلا من عمايل ايديا مع الطريقة
يا حظكم افرحوا بعطيكم سر من اسرار طبخاتي القميله
عاد مو تظنوني مو سنعه ترى ما يعجبهم في البيت الا طباخي <<
مضطرين هو فيه غيرك
حتى مع الدوام انام شوي وبعدين أقوم اطبخ ما فيه فكه
بس مشكلتي ما أحب ازين الطبق
وما تهمني طريقة التقديم
أهم شي الطعم ..وشوله أزين بيدخل بطونا مرتب يعني
علشان كذا كل ما قلت بنزل لكم طبخه
بعد ما أخلص اشوف شكلها أهووون
بس اليوم قلت بنزل يعني بنزل
عاد أنتو لا تدققون عالشكل ..أهم شي الأخلاق:5ar:
مقادير الكيكه
بيضتان
كاسه الا ربع سكر
كاسه حليب سائل
فانيليا
2 م ك بودرة الكاكاو
نصف كاسه زيت والأفضل أقل شوي
كاسه ونصف طحين ابيض( كويتي)
ملعقه كبيره ونصف بيكنج بودر
الطريقه
تخلط جميع المقادير السابقة ما عدا الدقيق والبيكنج بودر بالخلاط الكهربائي
حتى تختلط جيداً<< ركزوا على جيداً متعوب عليها
وبعدين اخلطي الدقيق والبيكنج بودر
وضعيهم على الخلطه السابقة بالخفاقه اليدويه
واخلطيها جيدا<<جيداً مره ثانيه
وصبيها في صينيه بايركس بعد ما تدفين الصينيه وتدهنيها بالزيت
وترشين عليها شوية دقيق
دخليها الفرن وتكونين قد شغلتيه من الأسفل
اتركيه على نار متوسطه مدة نصف ساعه
ثم تأكدي من أنه نضج بإدخال سكين في داخل الكيكه اذا طلع نظيف
معناته استوت
اطفيها من أسفل وشغلي عليها من أعلى مدة 5 دقائق
واتركيها تتبرد
طبعاً تكونين حضرتي من قبل الصوص الي بتصبينه عالكيكه
ومقاديره كالتالي:
علبة قشطه
3 م ك كاكاو بودرة
3 بيالات أو فناجين سكر
فنجان شكولاتة هيرشي السائله
أخلطي المقادير بالخفاقه اليدويه وذوقيها حتى تتأكدي من حلاوتها
ثم ضعيها في الثلاجه إلى ان تستوي الكيكه
بعد ما تطلعين الكيك من الفرن وتبرد صبي فوقها الصوص
وادخليها الثلاجه حتى تبرد
وكليها بعدين لما تجوعين وبالهنا والعافيه على قلوبكم:24ar::25ar:
وهاذي عالبيعه
صور طبق خيري عُمل في احدى الدور وكان فيه جائزه
لأحسن طبق..وثمن الأطباق يروح لأوجه الخير
وهاذي كم صوره أخذتها من وحده صورت بعض الأطباق
اوه تعبت
مواقع النشر (المفضلة)