غريب ..وتمشي في زمان الغرايب..!!
قلــت الصــراحـه .. قـــالــو الـنـــاس كــــذاب
كـذبــت .. وسـمـونـي أمـيــر الـحـبـايـب
واجهـتـهـم .. لكـنـهـا ثـــارت أعـصــاب
جاملتهـم .. وأصبـحـت عـاقـل وصـايـب
عاندتهـم .. وأنفتـحـت بوجـهـي أسـبـاب
سايرتـهـم .. وأقـفـت هـذيــك السـبـايـب
فضحتهـم .. وأصبحـت مـذنـب ونـصـاب
ستـرتـهـم .. شـنــوا عــلــيّ الـحـرايــب
طلبتهـم .. وأنصـك فــي وجـهـي الـبـاب
عطيتهـم .. قالـو لـي يــا ابــو الوهـايـب
رفعتهـم .. وأرتفـعـت أرقــاب وأشـنـاب
نزلتهـم .. صـار أســود الــراس شـايـب
بنيتـهـم .. حـطـو لــي أســوار وحـجـاب
هدمـتـهـم .. قــالــو حــــرام الـخـرايــب
شديت .. وصارو كلهم ربع واصحاب
وأرخيـت .. وخـلـو حـبـل الأيــام سـايـب
أقبلـت .. وصـارو كلهـم دونــي أحــزاب
واقــفيــت وصارو كــلبــوهم قــرايــب
داويتهـم .. قالـو لـي الـجـرح مــا طــاب
جرحتـهـم .. قـالـو لــي الـجـرح طـايــب
حــبيــــتهم قــالــو لــي الحــــب غـــــلاب
كرهـتـهـم .. هـلــت دمـــوع وسـحـايــب
واصـلتهم..لــقيتــهم مــثل الاجـــنـاب
هجرتهم..قــالــوا لـك ايــام غـايـــب!!
رفعـت صوتـي .. كلـهـم صــارو أذنــاب
قـصـرت صـوتـي .. وابـتـدوا بالطـلايـب
غـيـرت شكـلـي .. قـالـو رائــع وجــذاب
رديــت شكـلـي .. قـالـو إنـسـان خـايــب
يــاقـلــب لاتشـــره ولا تبـــدي عــــــتاب
خـــل الـعـتـب عـنــك وخــــل الـنـشـايـب
مـافيــهم اللي يستــحــقـون الاعجـــاب
لــو شفتـهـم كتـلـة غـمـوض وعجـايـب
مــن لا أفتـهـم درس الليـالـي ولا تـــاب
يــمــوت مــــا يـفـهــم ولاهــــو بـتـايــب
ومادمت ساري والقمـر عنـك مـا غـاب
لاعـــــاد توقــف لو تثــــور الــهبايـــب
ما انت الوحيد اللي مشى الدرب مرتاب
غـريـب وتمـشـي فــي زمــان الغـرايـب
رد مع اقتباس
مواقع النشر (المفضلة)