قصيدة ياطول صبري معاك
ياطول صبري معاك
يا طول صبري معاك يللي الزعل فنك
مثل الطفل أرعاك ما خيبت ظنك
رغم إنك الغلطان
ما اتركك زعلان
واقول سامحني صالحني ريحني
ولو تقبل أعذاري هذا لطف منك
حبيبي يا عمري أحيا على شانك
ما ودي أشوفك يوم غرقان بأحزانك
لاينشغل بالك تؤمر ويجرا لك
أشعر بأني وحيد لو أبتعد عنك
ولو تقبل أعذاري هذا لطف منك
من غمرة أحزاني أصنع لك البسمات
إفهمني وإرعاني لا تكثر الزعلات
لا تستغل صبري غيم العمر يجري
خايف يجي يوم يمل الصبر منك
ولو تقبل أعذاري هذا لطف منك
يا طول صبري معاك يللي الزعل فنك
مثل الطفل أرعاك ما خيبت ظنك
كريم العراقي
رد مع اقتباس
مواقع النشر (المفضلة)