شفت الهوى لاشال سود الجدايل
حبي لك اكبر من حروف الرسايل
واكبر من الي في خيالك يخايلك
حبك عسل يازين عالقلب سايل
لو يوم شكيت بغلاتك لقاتلك
شفت الهوى لاشال سود الجدايل
يشيلني حبك وكني جدايلك
مالي بديل ولا لحبك بدايل
ابداخلي وانا حبيبي بداخلك
حلاك يعفي لك كثير الزلايل
غصبن علي لاتحسبني اجاملك
جسمك وممزوج استقامه ومايل
اموت في قايمك واحب مايلك
ونعومة ايدينك تسوي عمايل
كنت احسبنها خد لولا اناملك
لاغبت عن عيني ليال" قلايل
يمرني طيفك وكني مقابلك
وعلى جمالك لك عليه جمايل
احترت مابين الجمال وجمايلك
جمايلك دايم عليه همايل
نسيتها لنها كريمه شمايلك
طيبك وطوقني ورود وخمايل
وزينك مخليني على طول اغازلك
طارق الوادعي
رد مع اقتباس
مواقع النشر (المفضلة)