من أروع ماقرأت ....
كأن القلب
محطه.. مبتغاها بعيد
قليل يمرها الركاب
وجيه احباب...
وجيه اصحاب...
ومنها من نسى دربه...
وجا يكتب على جدرانها .... الكذاب !!
غريبه يالوجيه اللى تناسا كل كلمة طيب !
وتصدق كلام ايهــــــام..!
صحيح الكذب يتناثر من افواه المشاعر عذب
ولكن .....عذب !!!
وتتزاحم عليه قلوب ...لجل تذوب
ولجل ترضى غرور وتقهر الاصحاب
شعوري ... دم
واذا خط القصايد نزف
أنا من اهدر احساسه
غرام
وطعنتين ..
وهم .
وجيته حضرتك باحساس
انانى ...لاهى ... مشغول
جلس فى صالته .. يقرا صحف ملت من ايديهم
يقلب زحمة جروحى
بكف اللاهى الساهى
وعين سارحه..عجله
أبد ماهمته حالى ...!!
يلبس معطف أيطالي ؟؟
وساعه فاخره تخلف
مواعيد الهوى والشوق
وعطر يصحي عروق الفؤاد
بضجة وروده ...
مرتب .. عيبه بروده !
ويتلفت ؟ يناظر ساعته ؟
شارد ... ويتذكر مواعيده
مشى فوق الحنين ... بروح
وثابه ... ومغروره
فضح من جيته ... صبري
فضولي ...
وانسكب كل التساؤل
يركض بحبري ..
هو اللي جابك اعجابك
أو اللي جابك استطلاع
أو اللي يفتح ابوابك
يضيع حزة المطلاع
قمر ونجومك اصحابك
تزفك والمسا طماع ..
هنى من صاروا احبابك ..
هوى واستوطن الاضلاع ..
زمانك ناااااعم ومرتاااااااح
زمانك ...؟
زمانك... والحقيقه ... غش
زمانك .....هش !
اعرف انك قليل الهم
مااااااا تهتم ..
باللى شقق ستار الليالي
وانسكب ضوه..
على القوه...
مرورك تم .. وعلى ذبح الامانى
ســـــــــــــــــــــــــــــــــــــم
انا المغرم ...!!
أنا من وزع جروحه.. قصايد.. والجرايد.. .بوح
أنا (المفضوح) من حرفه / ومن نزفه..
واعرف انك خصيم للسهر والوجد
تنام وجفنك لحافك..
وورى .. جفنك..
يصير العالم اكذوبه !!!
سوالف ليل ...؟!
واذا انبتك بجرحى
عن الايام فاعذرني ..
أنا ماارضى شعور الكبت..
اصابع شافتك قبلي
تصافحها حروفك وصل
ولكن تعبت ايديني ..
توصل ناقص احساسي
وملت من تفاصيل الشعور الغارق بطبعك
(((مصيبه حاجة المبــــــلي)))
أمد السلم لغيم الوفاق
وتقبل ظروفك ..!!!
ويمر اليـــوم
ماااايمدي ... اسلم ... تنقلب ناسي؟؟؟
يعين الله من وده يقرب واحة عيونك
أذا جيتك مريح البال ..
يحاصرني جفافك .. سطوة ظنونك
على هونك...
ترى الدنيا... كثيرة ناس
وفيها من تردا .. ومن يعرف قيمة الاحساس
تمااااادى والتفت يم الدروب الفايته واحسب..
ياكم وجه.. تناسيته ..؟؟
وخليته..؟
بعد مااجهدته افنيته ..؟؟
اذا انت الشاري البايع
انا من علق عيونه .. بلوح الموعد .. الضايع
واذا من عادتك... تنسى
ترى غيرك .. يغيب .. ويقدر وينسى
كأن القلب محطه مرها مسافر..
غريب وعادته ( قشرى)
يمر الجرح ماااا .. يبرى
تمره لهفة عيوني
يمر بضحكته نافر
كأنه مايعرف العشق ..
عجل .. صوته .. عصافيره .. تغرد
والقلوب اجراس ...
جفول .. ويفطن لحاله عن احواله
ويطيح من السكوت نحاس !
بشر ...؟؟؟
أجناس ؟؟؟
يغص الشاعر بليلة
كتابة ثورة حروفه
يجيبلك ظن .. ومن باكر يخيب
ويعلن نكوفه..
متاهة ( مخملي) عاقل ..!!
حروفه بكر
تذوب سكر الهمس
بمسامع شاعر سافر
مع ضجة مشاريهه
يبيك تقدر حكاية ( خفوق)
ذاب من جمرك...
يبيك تشوف وش كثر الاسامي مرت بعمرك
يبيك ترتب الاعماق
محطه بعثرتها الناس ...
تجرب تدخل ضلوعى ..؟؟؟؟؟
أمانه لاتجاوبني
اعرفك ...
مالك اي تفسير
مسافر ... والسفر
عرفك ,
(( مسا.............. فر ))
والمسا طيرك..
جناحينه تناقض لعبة هروجك..
توازن فى نظر عينك .. ومن حينك
وعذرك..ّّّّ صوتك الرقراق...!!
عسى يالمخملي تسلم
مرورك تــــم ..
وتطشــــر .. شاعرك أورااااااااق
وسلامتكم..
مواقع النشر (المفضلة)