الـسـلام عـلـيـكم ورحمه الله وبركاته
هذي القــصيـده تكلم علي انواع الرجال
وانشالله تنال رضاكم
[poem=font="Simplified Arabic,5,black,bold,italic" bkcolor="transparent" bkimage="backgrounds/13.gif" border="none,4,gray" type=0 line=0 align=center use=ex num="0,black"]
يالله ياللي تسجد الخلق لرضاك *** ياواحد كل المخاليق ترجيك
ياواحد مجري عظيمات الافلاك *** ويكفيك تنظر صوب الافلاك يكفيك
ومن بعد ذكر الله نبدا بما حاك *** فالنفس نذكر بعضها ثم ننبيك
امر الرجال اللي يهمك ويعناك *** نذكر امور خافية كان تخفيك
منهم ليا جيته يرحب وحياك *** يبدي لك الترحيب من غير تشكيك
وليا مشيت ورحت منه تولاك *** سبك وحط زيادة فوق مافيك
ومنهم كثير الحكي بالقول فتاك *** ينقل كلام ولو خطا فيه يبديك
بين المجالس قال هذا وهذاك *** هذا شبيه وبالشبه يشبه الديك
ومنهم ليا جيته يناظر بمخباك *** يناظر بمخباك دفتر من الشيك
ان شاف مايبغي عزمك وتبلاك *** حلف عليك ولو هو مايدانيك
وان ماوجد ماراد قفى وخلاك *** لو زان فعلك مايهمه حسانيك
ومنهم سفيه لانصحته تبلاك *** ماشي على دربه وقصده تحديك
هذاك لاتنصحه بالقول بنهاك *** لامن نصحته لازم انه بيبليك
بالك تماشيهم فحذراك حذراك *** منهم ترا الجربا على القرب تعديك
صاحب لمنهو طايع الرب فكاك *** حلال بالحكمه يحل الشرابيك
اللي جمع دينه ودنياه هذاك *** خله صديق لك وخله يماشيك[/poem]
وسلامتكم مـــنقوله ومني اجمل تحيات ياحبايبي انتم
رد مع اقتباس
مواقع النشر (المفضلة)