(( سرقتك بالزمن لحظه 00 وعشتك بالفراق أوقات )) )) ))

حـــواء و تــفــاحــه · 11-01-2005, 02:27 PM

[align=center]

(( سرقتك بالزمن لحظه 00 وعشتك بالفراق أوقات )) )) ))

كذا يعني .. كذا فجأه .. تغير كل شيً فات
كذا زالت مواثيق الغلا والحب من ذاتك !!

كذا كنتي .. كذا صرتي .. كذا خيبتي الهقوات
كذا .. والا كذا .. ضيعتي دروبي وخطواتي !!

انا مل الامل فيني .. يدور للشفاه اصوات
عجز صوتي ينادي لك .. قضى قلبي من سواتك !!

نصيتك والوفا زادي .. رحلتي والقلوب اشتات
مصايب والرجا خايب .. تقود خطاك رغباتك !!

كبيره طعنتك هذي .. تعودتي على الطعنات
غريبه حيل ذا المره .. ولاهي مثل طعناتك !!

سألتك بالذي خلى عيونك تذرف الدمعات
تكف الدمع لاتجني على خديك دمعاتك !!

انا ما قد خبرت اني تعمدت اجرحك بالذات
وانا ماهمني غيرك اعيش من اجل مرضاتك !!

سرقتك بالزمن لحظه وعشتك بالفراق اوقات
ولا ادري وش بقى لي بالعمر من دون لحظاتك !!

أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك !!

أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك !!

تظنين الوفا كلمه عجب واصل الوفا وقفات
صغير الشي في ظنك يصير اكبر معاناتك !!

تردين الخطا يمي .. تزيدين الالم شرهات
وانا صمت الشقا فيني حكى من كثر شرهاتك !!

توالت كلها فجأه .. تعاظم بالحشا صدمات
يجي يوم وتواري شمسنا من ليل صدماتك !!

ذكرتك .. والدروب اللي تعانق خطوتك بالسكات
وانا ما زلت اسافر بين نظراتك وضحكاتك !!

ذكرتك .. وانطفى جمر الكلام وذابت الشمعات
سهرتك واستفزيت النجوم بليل خصلاتك !!

تعالي .. واذرفي دمعك على قلبٍ كثيره مات
تعالي .. واخذي الباقي يفيد لوقت عزواتك !!

تعالي .. لاتخلين السنين المقبله تقتات
من افراحي ولحظاتي وطرباتي .. وسبحاتك !!

تعالي .. وواعديني .. لاشقا .. لاكذب .. لاغلطات
ترى ما للصبر باقي على كذبك .. وغلطاتك !!

تغيرت ولا ادري وش جرى .. وش غير النيات
سألتك واعتكف برد الجواب فـ معطف آهاتك !!

تقولين انت في راحه .. واقول من القهر هيهات
انا لا جـيت للراحـه .. تطـاردني مسـافـاتك !!

مـــنــقــووله

حــــــواء[/align]

**][ .. عـتريـس .. ][** · 12-01-2005, 12:46 AM

هــــــــــلا وغـــــــــــــــــلا.... بحواء والتفاحه...........

حقيقه دائما . مبدع ... وكلك مشاعر راقيه.....

اكرر لك شكري .. مع تحياتي لك ..... الوعـــد

حـــواء و تــفــاحــه · 13-01-2005, 02:03 AM

هلاا بك اخـــووي الوعــ2ـــد

و مشكور على مرورك وردك

يعطيك العافيه ياااااارب

**Bint najd** · 13-01-2005, 12:15 PM

[align=center](( هلا و الله و غلا ))

مشكورة اختي حواء

وتسلم يديك على النقل

و الله يعطيك العافيه

وهذا مو شيء غريب علينا ان انتي دايما تجيبين الجديد لنا

ويسلمك ربـــــــــــــي

اختك : Bint najd [/align]